фленсбург – Kurir.mk

Фленсбург подготвен да плати за Питлик

Бошко Тасиќ — Tue, 14 Mar 2023 05:37:32 +0000

Новиот ракометен репрезентативец на Данска, Симон Питлик откако имаше одличен деби настап на Светското првенство годинва, стана мета на неколку богати клубови, кои сакаат да го ангажираат во своите редови. Како што пишува данската телевизија „ТВ 2 СПОРТ“, Питлик својата кариера ќе ја продолжи во Бундес лигата, односно во Фленсбург. Иако Питлик има договор со ГОГ до 2025 година, сепак, се проценува дека Фленсбург на данскиот шампион ќе му плати оштета од околу четири милиони дански круни, односно 540.000 евра и тоа би било најскапиот трансфер во ракометната историја во Данска.

Флензбург со договор за Бенџамин Буриќ до крајот на кариерата

Бошко Тасиќ — Mon, 02 Jan 2023 07:53:58 +0000

Искусниот голман од Босна и Херцеговина и еден од најдобрите во светот години наназад, Бенџамин Буриќ ги реши сите прашања за својата иднина и практично до крајот на кариерата ќе остане на северот на Германија. Имено, Буриќ потпиша нов договор до 2028 година со Флензбург. Буриќ пристигна во овој клуб од Вецлар во 2018 година и веднаш ги освои навивачите. Со него дојдоа и трофеите, од кои највредниот е шампионската титула во најдобрата лига на светот.

Барсeлона го елиминира Фленсбург и ќе ја брани титулата во Келн

Бошко Тасиќ — Thu, 19 May 2022 19:03:07 +0000

кипата на Барселона е третиот учесник на завршниот турнир во Лигата на шампионите откако во реванш четвртфиналниот дуел на домашен терен против Фленсбург славеше победа од 27:24. Најефикасни во тимот на Барселона беа Дика Мем со шест гола и Јусеф Бен Али кој постигна пет погодоци. Во тимот на Фленсбург најпрецизен беше Хампус Ване со шест гола, додека четири постигна Јоханес Гола. Покрај Барселона претходно пласман на завршниот турнир обезбедија уште Келце и Веспрем. Останува уште последниот четвртфинален дуел помеѓу Кил и ПСЖ после кој ќе биде комплетирана четворката која ќе игра во Келн. Овој меч започнува во 20:45 часот.

Барселона го совлада Фленсбург чекор блиско до Келн

Бошко Тасиќ — Wed, 11 May 2022 19:10:39 +0000

Ракометарите на Барселона направија огромен исчекор кон уште еден пласман на завршниот турнир од Лигата на шампионите во Келн, откако вечерва, како гости, го совладаа германски Фелнзбург со 33-29. Убедливо најдобар поединец на мечот беше катарскиот пивот Бен Али, кој го искористи неиграњето на Фабрегас за блесок и осум гола од исто толку обиди. Мем постигна шест, а Гомез Абелјо пет погодоци за Барселона, додека прв стрелец на Фленсбург беше Емил Јакобсен со девет постигнати гола. Во останатите четврт-финални двојки, Веспрем игра со Алборг, Монпелје со Кјелце, а ПСЖ со Кил. Победниците од овие пресметки ќе играат за титулата во Келн, која од лание во сопственост на Барселона.

Ларсен до 2026 година во Фленсбург

Бошко Тасиќ — Mon, 02 May 2022 20:44:02 +0000

Данскиот ракометен репрезентативец од редовите на Фленсбург, Мадс Менса Ларсен потпиша нов договор кој ќе има важност до 2026 година. Претходниот договор на Ларсен истекуваше во 2024 година, но клубот уште од сега сакаше да го обезбеди за долги стази. -Пресреќен сум што успеавме да се договориме да останам на подолго бреме во Фленсбург. На моето семејство му е убаво тука, а и јас сакам да играм за амбициозен клуб како што е Фленсбург, изјави Ларсен. Во редовите на Фленсбург, Ларсена настапува од 2020 година кога пристигна од Рајн Некар Левен.

Благотиншек три години во Фленсбург

Бошко Тасиќ — Sat, 16 Apr 2022 04:14:32 +0000

По седум години минати во Веспрем, Блаж Благотиншек од летото 2023 година ќе игра за Фленсбург со кој потпиша тригодишен договор. Словенечкиот репрезентативец ќе ја пополни празнината што ќе се создаде со заминувањето на Сајмон Халд, откако Данецот во исто време ќе се врати во татковината каде ќе ги брани боите на Алборг. Корпулентниот пивотмен во најтрофејниот унгарски клуб пристигна од Целје во 2016 година. Двапати беше прогласуван за најдобар бранител на ЕХФ Лигата на шампионите, а одигра исто толку финалиња во елитното натпреварување. Касата има две шампионски титули во Унгарија, две СЕХА лиги и три национални купа. На 243 натпревари во дресот на Веспрем постигна 403 гола.

Менсах Ларсен се обврза на долгогодишен договор со Флензбург

Ристе Здравков — Thu, 07 Oct 2021 07:39:48 +0000

Данскиот репрезентативец Мадс Менсах Ларсен го продолжи договорот со екипата на Фелнзбург. 30-годишникот ќе остане во клубот од северниот дел на Германија до 2024 година. Тој пристигна во екипата во летото 2020 година, од редовите на Рајн Некар Левен. „Многу сум среќен што ќе продолжам да пишувам успешна приказна заедно со Флензбург. Имавме многу добри преговори и поради близината со мојата родна земја Данска, одлуката беше донесена многу лесно. Моето семејство и јас се чувствуваме многу удобно овде и се адаптиравме многу брзо. Со нетрпение ги очекувам годините што доаѓаат“, изјави Данецот. Менсах Ларсон е олимписки првак, двапати се радувал на светската титула, а во два наврати ја освоил титулата во Бундеслигата.

Сите нацисти избегале во овој град по смртта на Хитлер, но ги пречека казната (ВИДЕО)

Ивана Ефремовски — Fri, 10 May 2019 11:59:10 +0000

Додека денеска се прославува победата над фашизмот и крајот на Втората светска војна, историјата потсетува на сите мрачни страни на човечката цивилизација, па така и нацистичките владетели. Нацистичките лидери се сокриле во пристанишниот град Фленсбург, одалечен пет километри од Данска. Цели две недели тој град бил засолниште на нацистите. Откако Адолф Хитлер извршил самоубиство, целото нацистичко водство морало да избега од Берлин. Наследникот на Хитлер бил адмирал Карл Дениц. Тој, но и сите останати сакале да спасат жива глава и некаде да го сместат седиштето на новата нацистичка влада. Како идеално место им изгледал градот Фленсбург на самиот север на Германија, многу близу со границата со Данска. Имено, тој град со својата Поморска академија, претжено бил поштеден во војната и не бил во зоната на Црвената армија. Во моментот на преземањето на власта, адмирал Дониц се наоѓал во близина на Фленсбург. Тој уште претходно ако врховен командант на германската воена морнарица имал стожер во Мурви, предградите на Фленсбург и седиштето на Германската морнаричка академија која било сместено во импресина црвена зграда која Германците ја нарекувале Црвен дворец на морето. Од таа зграда може да се види данскиот брег, одалечен само два километри. Во Фленсбург така тргнале скоро сите. Освен Дониц, последниот претседател на Третиот рајх, во друштво на 150 војници пристигнал и Хајнрих Химлер, еден од главните организатори на Холокаустот и шеф на Гестапо, потоа познатиот архитект на Третиот рајх Алберт Спир, генералите Вилхем Китл и Алфред Јоди, како и многу други високопозиционирани нацисти. Меѓутоа, бројни помалку познати нацисти во Фленсбург го смениле идентитетот и така успеале да извлечат жива глава. Локалното население наводно не забележало ништо. Причината е можеби преокупираноста на граѓаните со обидот за преживување по војната или едноставно тоа го толерирале. Сојузниците бргу стигнале до северот на Германија, па Владата на Карл Дениц не траела долго. Таа се предала, а сојузниците ги привеле сите. Хитлер се обидел да избега, но тоа не му успеало. Така последното упориште на нацистите паднало дури на 23 мај, кога сојузничките сили ја опколиле Поморската академија и ги привеле нацистите, иако капитулацијата на Германија е потпишана на 8 мај. Фленсбург денес е град во кој живеат 85.000 луѓе, популарен е меѓу студентите поради квалитетни универзитети, но и студентски домови. Исто така е познат и по врвен ракомет.

ЖУРКА ВО СКОПЈЕ: Да се потсетиме како се славеше ланската победа на Вардар над Фленсбург и пласманот во Келн (ВИДЕО)

Матеја Петровски — Sun, 29 Apr 2018 10:57:45 +0000

Денеска Вардар го игра дуелот на домашен терен со Кил, натпревар во кој црвено- црните влегуваат со предност од 1 гол добиена на гостувањето во „Шпаркасен Арената“. Според многумина Вардар важи за фаворит денеска и би требало да биде патникот во Келн на завршниот турнир од Лигата на шампионите. Лани, два дена порано Вардар го обезбеди првиот историски пласман на Ф-4 откако во Скопје падна Флесбург. Тоа е ден кој вечно ќе остане запишан во срцата на варадаровите фанови, исто како што ќе останат запишани и 3 и 4 јуни истата година, кога Вардар успеа прво да ја исфрли Барселона во полуфиналето од Лигата на шампионите, а потоа со победата над ПСЖ да го крене големиот трофеј од Лигата на шампионите. Натпреварот со Фленсбург беше причина за активирање на вулканот во „Јане Сандански“. Како новинарите од ЕХФ, така и целиот ракометен свет беше воодушевен од претставата на вардаровите ракометари, кои во тој момент веќе ја добија титулата херои во нашата држава. Еве како ЕХФ во една и пол минута го виде ланскиот меч меѓу Вардар и Фленсбург: Еве едно видео од последната минута од натпреварот: