Флензбург – Kurir.mk

Фленсбург се засили со холандски репрезентативец

Бошко Тасиќ — Wed, 07 Sep 2022 19:19:46 +0000

Репрезентативецот на Холандија, десниот бек Кај Смитс ќе ги напушти редовите на германскиот шампион Магдебург и ќе се пресели во екипата на Фленсбург. Раководството на поранешниот европски шампион преку социјалните мрежи ја потврди соработката со ракометарот од Холандија. Десниот бек со Фленсбург потпиша договор на две сезони, со можност за продолжување на истиот доколку двете страни бидат задоволни од соработката. Интерес за Смитс имаше и од други бундеслигаши, но екипата на Фленсбург успеа да го донесе во својот тим. Смитс во својата кариера освен за Магдебург настапуваше и за екипите на Холстебро од Данска, како и за матичниот клуб од Холандија, Лимбург.

Алборг за прв пат на завршницата на Ф4 во Келн

Бошко Тасиќ — Wed, 19 May 2021 21:21:42 +0000

По Кил, уште германски гигант испадна од ракометната Лига на шампионите. Флензбург важеше за голем фаворит во четвртфиналниот двомеч со Алборг, но данскиот шампион одново докажа дека не смее да се отпише и покрај поразот од 33-29, за првпат ќе игра на завршницата во Келн. По големата победа на свој терен од 26-21, Алборг уште во првиот дел во Германија му стави до знаење на домаќинот дека нема да попушти, бидејќи e решен да испише клупска историја. Кларк со седум, Јенсен со пет и Бартхолд и Кристенсен со по четири гола беа најефикасни во таборот на Алборг, додека кај Флензбург најпрецизни беа Гола и Петерсон со по девет погодоци.

Флензбург без борба се пласира во четврфиналето од ЛШ

Бошко Тасиќ — Tue, 06 Apr 2021 15:23:02 +0000

Германскиот ракометен гигант Флензбург е нов четвртфиналист во мапката ракометна лига на шампиони. Бундеслигашот требаше да одигра двомеч со ППД Загреб, меѓутоа поради позитивни случаи во редовите на хрватскиот првак, Европската ракометна федерација (ЕХФ) одлучи натпреварите да не се одиграат и патник да биде германскиот тим. Прв тим кој се најде во четвртфиналната фаза е Барселона. Шпанскиот првак рутински се справи со Елверум, кој на два пати гостуваше во „Палау Блауграна“.

Алушовски по триумфот над Флензбург: Забележавме голема победа

Ивона Петрова — Fri, 16 Oct 2020 06:43:39 +0000

Тренерот на Вардар, Стевче Алушовски, изрази задоволство од прикажаното на неговите избраници кои синоќа забележаа победа над германскиот ракометен великан Флензбург. -Ова е голема победа која ќе ни даде потстрек за понатаму. Честитки до момците на карактерот, кои и покрај паузата од еден месец покажаа завидно ниво. Добро бевме подготвени и добро ја имавме анализирана играта на противникот. Двата бода се големи и ни го отвораат патот кон осминафиналето. Пред нас е нов натпревар, против Порто. Посакувам уште еден добар меч, истакна Алушовски на прес-конференцијата по синоќешниот дуел. За „црвено-црните“ ова е прва победа по два одиграни натпревара во А-групата од Лигата на шампионите, додека Флензбург го забележа првиот пораз во четвртиот свој настап.

Алушовски: Флензбург е благ фаворит, но ние ќе се обидеме да победиме

Ивона Петрова — Wed, 14 Oct 2020 09:55:32 +0000

Македонскиот ракометен шампион Вардар, утре е домаќин на Флензбург, прв меч за „црвено-црните“ на свој терен оваа сезона во Лигата на шампионите. Тренерот Стевче Алушовски мала предност дава на гостинската екипа, од причина што вардарци цел месец немаат официјален натпревар. -Против Флензбург го играме првиот натпревар на домашен терен оваа сезона во Лигата на шампионите. Германскиот тим е во предност, бидејќи ние немаме играно еден месец, а тие се барем во некаков натпреварувачки ритам. Очекувам машка борба од наша страна. Добро ги анализиравме и не сме без шанси и покрај тоа што тие не знаат за пораз досега. Ќе се обидеме да победиме. За мене е битно моите избраници да бидат подобри од нашето издание во Мешков со Брест. И тие имаат проблеми со повредени играчи, но можеби малата предност, пак ќе кажам е нивната натпреварувачка форма, истакна Алушовски. И Јосип Веќиќ смета дека Вардар ќе има многу тежок натпревар. -Не очекува многу сериозен натпревар, многу важен за нас по долга пауза и две откажани средби. Трениравме многу за Флензбург. Добро се подготвивме, напорно работевме на тренинг и одигравме два пријателски натпревара. Ќе видеме каков ќе биде исходот по мечот, истакна хрватскиот интернационалец. Натпреварот е закажан за утре (15 октомври) со почеток во 20.45 часот во СЦ „Јане Сандански” во Скопје.