флојд мејведер – Kurir.mk

Флојд Мејведер сака да се врати меѓу професионалците

Бошко Тасиќ — Sun, 16 Oct 2022 06:21:43 +0000

Боксерската легенда, 45-годишниот Флојд Мејведер Јуниор, по пензионирањето одржа неколку егзибициски мечеви кои дополнително ја зголемија неговата банкарска сметка. Поранешниот светски шампион последната професионална борба ја имаше во август 2017 година, кога во десеттата рунда ја победи ѕвездата на УФЦ Конор Мек Грегор. По завршувањето на професионалната кариера непоразениот Мејведер боксираше со кик бокс суперѕвездата Теншин Насукава, јтјуберот Логан Пол, спаринг партнерот Дон Мур, а неодамна и со борецот на Ризин, Микуру Асакура.На 13 ноември Флојд ќе се бори со друг јутјубер, Деџи, во Дубаи. Но, се чини дека Флојд Мејведер (50-0) би можел повторно да стартува во професионалните води, но го бара вистинскиот противник. „За Флојд планираме вистинска борба која не би била егзибициска борба. Сакаме да биде во Лас Вегас, некаде во октомври следната година. Веќе разговаравме, а имињата ќе ги објавиме малку подоцна. Ова се многу големи имиња затоа што имавме интерес од неколку борци како Конор Мек Грегор и Мани Пакијао“, – вели Удај Синг од Глобал титанс за Insider.com. Мечот меѓу Мани Пакијао и Флојд Мејведер во мај 2015 година беше еден од најголемите во историјата на боксот. Удај Синг признава дека егзибициските натпревари биле доста профитабилни за Флојд Мејведер. Боксерскиот гигант против Мур заработи од 25 до 30 милиони, десет милиони за двете борби во Ризин, а во следната борба против јутјуберот Деџи му гарантираа хонорар од 30 милиони долари.

Флојд Мејведер до крајот на годината ќе има уште три меча

Бошко Тасиќ — Sun, 17 Jul 2022 07:27:26 +0000

Еден од најдобрите боксери во светот, непоразениот Флојд Мејведер (50-0, 27 КО) последниот професионален меч го имаше во август 2017 година, кога во десеттата рунда со прекин го совлада Конор Мек Грегор. По тој меч Флојд имаше уште три егзибициски борби против Теншин Насукава, јутјуберот Логан Пол и неодамна против Дон Мур. Мејведер во мај приреди вистинско шоу на настан во Абу Даби и веднаш доби понуди за уште еден настап до крајот на годината. Првиот натпревар кој следи е егзибициска борба против Микура Асакура.„Сè уште сум најмногу споменуван кога зборуваме за боксот, сепак сум платен. Продолжувам да ја ограбувам банката“, рече во негов стил Флојд Мејведер и продолжи: „Имам уште три натпревари до крајот на годината, а можно е еден од нив да биде професионален. Ако се договориме, тогаш ќе треба да платат најмалку 200 милиони долари“.

Локацијата на новата борба на Мејведер го одзема здивот, 20 гледачи ќе платат 180.000 евра за билет

Ристе Здравков — Wed, 27 Apr 2022 06:52:37 +0000

Славниот боксер Флојд Мејведер ќе одржи нова борба на локација која го одзема здивот, а на неа ќе присуствуваат само 20 гледачи кои ќе имаат доволно среќа и пари да обезбедат билет. Спектаклот во Дубаи е закажан за 14 мај, а ривалите Флојд Маведер и Дон Мур ќе се борат во рамките на Global Titan Fight серијата. Локацијата е хелиодромот на врвот на хотелот Бурџ Ал Араб во Дубаи, каде што ќе можат да присуствуваат само 20 гледачи. Звучи неверојатно што еден од тие 20 билети чини 150.000 фунти или околу 180.000 евра. Уште поинтересно е што може да се купат само преку дигитални валути, а половина од нив се веќе продадени. Приходот од 3 милиони фунти е загарантиран, а настанот ќе се прикажува преку системот pay-per-view за 18 евра.

Next month Floyd Mayweather will be boxing on a helipad in Dubai 😳 pic.twitter.com/Tgh2ZNMVne
— 2Cool2Blog (@2cooI2blog) April 19, 2022

Противник на Мејведер е неговиот поранешен спаринг партнер и добар пријател. Дон Мур (42) боксуваше професионално од 1999 до 2016 година со сооднос 18-0-1 (12 со нокаут). Од друга страна, последниот натпревар на Мејведер беше исто така егзибициски, а тоа е борбата против јутјуберот Џејк Пол, што се одржа минатиот јуни.

Ким Кардашијан и Флојд Мејведер тужени поради наводна крипто измама

Магдалена Андонова — Wed, 12 Jan 2022 15:35:01 +0000

Ким Кардашијан и Флојд Мејведер се тужени за наводна измама на инвеститорите откако ја промовираа малку познатата криптовалута ЕтериумМакс на милиони следбеници на социјалните мрежи. Тужбата поднесена минатиот петок во Окружниот суд на САД за Централниот округ на Калифорнија ги обвинува ЕтериумМакс, Ким Кардашијан и Флојд Мејведер дека работеле заедно за вештачко надувување на цената на токен со давање „лажни или погрешни изјави“ во објавите на социјалните мрежи. Познатата старлета минатата година предизвика бурни реакции на социјалните мрежи кога на Инстаграм објави објава во која ја промовира оваа криптовалута. Дали се занимавате со криптовалути?? Ова не е финансиски совет, туку споделување на она што моите пријатели штотуку ми го кажаа за токенот ЕтериумМакс!, напиша Кардашијан.

Следуваше жестока тепачка: Јутјубер ја грабна капата на Мејведер, па го налути боксерот (ВИДЕО)

Ивана Ефремовски — Fri, 07 May 2021 07:14:18 +0000

Еден од најдобрите боксери на сите времиња, Флојд Мејведер и Јутјуб ѕвездата Логан Пол во Мајами го најавија својот боксерски меч по кој настана вистински хаос откако братот на Логан Пол, Џејк Пол ја „собра“ капата на Мејведер, кому овој потег воопшто не му се допадна. Мејведер, кој претходно изјави дека е во состојба во една вечер да ги „пребие“ двата браќа, жестокот реагираше и започна тепачка со Џејк пред новинарите.

View this post on Instagram

A post shared by Ariel Helwani (@arielhelwani)

„Ќе те убијам кога ќе те фатам“, велеше боксоерот кој во досегашниот дел од кариерата на 50 борби има и 50 победи. По целата ситуација се огласи и Џејк Пол на својот Твитер профил кој напиша дека му ја украл капата на Мејведер бидејќи со неговите досадни борби тој ги краде парите на луѓето.

I stole his hat because he steals peoples money with boring fights
— GOTCHA HAT (@jakepaul) May 6, 2021

Сехудо објави меч со Флојд Мејведер

Бошко Тасиќ — Sun, 11 Apr 2021 07:13:32 +0000

Три дена откако претседателот на УФЦ, Дана Вајт сподели фотографија со основачот на Прајд, Нобујуки Сакакибара и Флојд Мејведер, поранешниот двократен шампион на УФЦ, Хенри Сехудо, објави дека ќе се соочи против легендарниот боксер. „Ќе се случи! Троен шампион против олимпискиот бронзен медалист Флојд Мејведер“, објави на Твитер Сехудо, објавувајќи визуелизација на соочувањето со Мејведер. Хенри Сехудо (34) најави пензионирање во мај минатата година откако успешно ја одбрани титулата во полутешка категорија против Доминик Круз, но не престана да зборува за враќање на борбите, како во ММА, така и во боксот. Флојд Мејведер (44) последен пат влезе во рингот во декември 2018 година под знамето на Ризин, совладувајќи го јапонскиот кикбоксер Теншин Насукаву во егзебициски меч во бокс.

Позната причината за смртта на Херис: Три деца останаа без мајка поради случајна грешка

Ивана Ефремовски — Sun, 14 Jun 2020 16:57:42 +0000

Џози Херис, долгогодишната партнерка и мајка на три деца на Флојд Мејведер, починала од ненамерно предозирање со медикаменти, тврдат американските медиуми. Херис беше пронајдена мртва во автомобилот пред нејзиниот дом во Калифорнија во март. Таа имаше само 40 години. По ова, шампионот во пет тежински категории изјави дека е потресен од трагедијата, по која имаше уште еден смртен случај, на неговиот чичко и поранешен тренер, Роџер Мејведер на 58 години. Според „ТМЗ“, трагедијата на Херис се случија поради случајно предоирање на „Rx“, медикаменти кои таа ги земала со рецепт.

Ќерката на Мејведер избоде девојка која ја фатила во кревет со вереникот, се соочува со огромна казна затвор

Ивана Ефремовски — Sat, 11 Apr 2020 20:54:10 +0000

Ќерката на еден од најдобите светски боксери Флојд Мејведер се наоѓа пред затворска казна отако со нож прободела една девојка. Таа го изгубила разумот откако ја затекнала девојката во кревет со нејзиниот вереник. Вереникот на Ијана е раперот Јанбој. Пејачот има само 21 година и четири деца. На Ијана и се заканува затвор од 99 години, но олеснителна околност може да биде тоа што досега нема никакво досие и што повредената девојка не е во животна опасност

ВИДЕО: Мејведер го нокаутираше Насукава во првата рунда

Ристе Здравков — Tue, 01 Jan 2019 14:11:54 +0000

Флојд Мејведер покажа дека сè уште е во одлична форма, иако веќе не се боксува активно. Популарниот „Мани“ набрзина ја среди јапонската кикбокс сензација Теншин Насукава во пријателски бокс дуел на настанот „Ризин 14“, што се одржа во Токио. Флојд го порази својот противник за помалку од една рунда од вкупно три. Мејведер го започна дуелот поагресивно и една минута по почетокот на мечот го испрати Јапонецот во нокдаун. Насукава успеа да се исправи, но потоа беше срушен на уште два пати со тешки десни крошеа и штабот на младиот кикбоксер ја прекина средбата 40 секунди пред крајот на првиот дел. Резултатот од борбата нема да влезе во статистиката на натпреварувачите, но за сметка на тоа Мејведер се пофали дека ќе прибере девет милиони долари за егзибицискиот меч, што значи дека заработил по милион на минута. Флојд сепак ги забрза работите и ги зеде сите пари само по 2:20 секунди.

Here's for a little laugh. Happy new year.#MayweatherNasukawa pic.twitter.com/2uzUw3Wjr0
— Fried Pork (@fried_pork) December 31, 2018

Мејведер: Можам да се борам 3 рунди и на сон

Ристе Здравков — Sun, 30 Dec 2018 16:40:52 +0000

Флојд Мејведер е подготвен за егзибициската битка со Теншин Насукава со кого ќе се бори во 3 рунди на новогодишната вечер во Јапонија. Боксерот ветува спектакл, но не гарантира нокаут. „Ако се случи – се случи“, изјави Мејведер и е категоричен дека самиот тој нема да падне во несвест. – Во сите мои години во боксот никогаш не сум паднал на подот. Можам да се борам 3 рунди и на сон. На 31 декември, само сакам да се забавувам, додаде боксерот. Противникот на 41-годишниот Мејведер е 20-годишниот талент Насукава, кој забележува победи во кикбокс и ММА.