флорида – Kurir.mk

Ураганот Идалија остави без струја стотици илјади Американци

Ивона Петрова — Thu, 31 Aug 2023 06:30:21 +0000

Откако ја погоди Флорида во средата, ураганот Идалија се пресели во Џорџија со силни ветришта и потенцијално опасни услови по живот, оставајќи стотици илјади луѓе без струја, јави Би-Би-Си. Американскиот претседател Џо Бајден предупреди дека Идалија, која ја погоди Флорида како ураган од трета категорија, сега е од прва категорија, но „сè уште е многу опасно“. Бајден им рече на новинарите во Белата куќа дека неговото влијание се чувствува „ширум југоистокот“. Повеќе од 400.000 луѓе останаа без струја во Флорида и Џорџија. Некои области на Флорида се поплавени, а Националниот центар за урагани предупредува дека бранот на бура продолжува да ги загрозува крајбрежните области. Поплави се очекуваат и во Џорџија и Јужна и Северна Каролина. Гувернерот на Флорида, Рон Де Сантис, изјави дека нема официјално потврдени жртви од невремето, иако патролата на автопатот на Флорида соопшти дека двајца возачи загинале во сообраќајни несреќи. Шефот на Федералната агенција за управување со вонредни состојби вели дека Идалија е најмоќната бура што го погодила овој дел на Флорида во повеќе од 100 години.

Ураганот Идалија добива на сила, продолжи да се движи кон Флорида

Дарко Андоновски — Wed, 30 Aug 2023 08:19:26 +0000

Ураганот Идалија се движи кон брегот на Флорида, каде што властите издадоа наредби за евакуација и ги повикаа жителите да се подготват за бурата која од утрово стана посилна. Ураганот е од трета категорија и се очекува да го достигне четвртото ниво пред да стигне до Флорида, соопшти Американскиот центар за урагани (NHC). Идалија до синоќа е со ветрови со брзина од околу 160 километри на час, но се очекуваат посилни ветрови кога ураганот ќе го погоди брегот, соопшти NHC со седиште во Мајами.

Во поголем дел од Флорида прогласена вонредна состојба поради тропската бура

Ивона Петрова — Sun, 27 Aug 2023 09:39:28 +0000

Вонредна состојба е прогласена во поголемиот дел од Флорида поради најавата на метеоролозите дека тропска бура наскоро би можела да го зафати тоа подрачје. Гувернерот на Флорида, Рон Де Сантис прогласи вонредна состојба на брегот на Мексиканскиот залив од Форт Мајерс до Панама Сити, пренесува Си-Ен-Ен. Има 70 отсто можност до утре да се формира тропска бура, соопшти Националниот центар за урагани.

Гувернерот на Флорида, Рон ДеСантис, доживеал сообраќајна несреќа

Ивана Ефремовски — Tue, 25 Jul 2023 14:00:22 +0000

Гувернерот на Флорида и еден од кандидатите за републикански претседателски кандидат на изборите во САД следната година, Рон Де Сантис, утринава доживеа сообраќајна несреќа во Тенеси, на пат до едне јавен настан. Тој и неговиот тим не се повредени, изјави портпаролот Брајан Грифин. -Ги цениме молитвите на нацијата и добрите желби за негова континуирана заштита додека е во кампањата, рече Грифин во изјавата. (МИА)

ВИДЕО: Ајкула пливаше близу брегот на Флорида, капачите веднаш избегаа

Ивона Петрова — Wed, 05 Jul 2023 09:00:03 +0000

Капачите кои уживаа на плажа во Флорида имаа непријатна средба бидејќи голема ајкула се појави многу блиску до нив. Ајкулата беше забележана на 3-ти јули во одите кај плажата Навара, Флорида. На едно од објавените видеа се гледаат луѓе во плиткото, како и перките на ајкулата кои пливаат многу блиску до нив. „Излези од вода“, „побрзај, побрзај“, извикуваа луѓето. Неколку моменти подоцна ајкулата исчезнала од видното поле. „Каде отиде, каде отиде. Се уште има луѓе во вода“, беа дел од коментарите додека се повеќе луѓе бегаа на плажата. Засега нема официјални информации за каква ајкула се работи, но тие често се појавуваат покрај брегот на Флорида и во заливите. Најчесто се хранат со риби и не ги сметаат луѓето за плен, но има случаи на каснувања.

На Флорида погубен осуденик кој пред 40 години уби две жени

Ивана Ефремовски — Fri, 16 Jun 2023 07:07:22 +0000

Властите во американската сојузна држава Флорида егзекутираа маж кој беше осуден на смрт речиси 40 години, откако сексуално нападнал и убил две жени. „Двејн Овен (62) доби смртоносна инјекција и прогласен е за мртов во 18:14 часот во затворот Рејфорд“, изјави портпаролката на државниот казнено-поправен дом. На судењето, Овен го призна убиството, како и други напади. Адвокатите побараа Овен да биде поштеден од смртна казна поради неговата психичка состојба, но барањето на одбраната беше одбиено. Овен е 12-тиот осуденик погубен од почетокот на годината во Соединетите Американски Држави, само во четири држави - Тексас, Оклахома, Мисури и Флорида. (МИА)

Десантис следната недела официјално ќе влезе во трката за претседател на САД

Ивана Ефремовски — Thu, 18 May 2023 05:41:48 +0000

Републиканскиот гувернер на Флорида, Рон Десантис, следната недела официјално ќе влезе во трката за претседателските избори во САД во 2024 година, изјавија извори блиски до гувернерот. Десантис најверојатно ќе ги поднесе своите документи за номинација на 25 мај за да се совпадне со хуманитарен настан во Мајами, а поформалниот, вистински почеток на неговата кампања ќе биде на 29 мај, рече еден од изворите. Поранешниот американски претседател Доналд Трамп има водство во прелиминарната трка за одредување на кандидатот на Републиканската партија за претседателските избори следната година, покажа неодамнешната анкета на Ројтерс/Ипсос. Со оглед на профилот на Десантис меѓу републиканците како ѕвезда во подем, како и неговата моќ за собирање средства, тој веројатно ќе претставува најголема закана за Трамп, кој ги засили политичките напади врз гувернерот на Флорида во последните неколку недели, јавија американски медиуми. (МИА)

Гувернерот на Флорида испраќа повеќе од 1.100 војници на границата со Мексико

Ивона Петрова — Wed, 17 May 2023 05:50:26 +0000

Гувернерот на Флорида, Рон Десантис, соопшти дека планира да испрати повеќе од 1.100 војници на Националната гарда и службеници за спроведување на законот во Тексас за да помогнат во обезбедувањето на границата меѓу САД и Мексико. Републиканскиот гувернер рече дека испраќа 800 војници, 200 службеници од Одделот за спроведување на законот на Флорида, 101 државен војник и 20 службеници за чување на дивата природа. Флорида ќе испрати и пет авиони, 17 дронови, две командни возила и 10 чамци, според соопштението за медиумите. Државните и федералните власти се загрижени за можното нагло зголемување на бројот на луѓе кои ја преминуваат границата откако минатата недела завршија ограничувањата за азил воведени за време на пандемијата на Ковид-19. - По моја наредба, државните агенции, вклучително и органите за спроведување на законот и Националната гарда на Флорида, се испраќаат во Тексас, а ресурсите вклучуваат персонал, чамци и авиони, нагласи Десантис во соопштение. Десантис претходно испрати поддршка на јужната американска граница во Тексас и Аризона во 2021 година по барањата за помош од гувернерите на тие држави. Десантис, кој се очекува наскоро да ја објави својата кандидатура за претседателската трка во 2024 година, ја претвори имиграцијата во главен проблем за време на неговиот мандат како гувернер. Минатата недела, тој потпиша сеопфатен предлог-закон за имиграција кој ја зајакнува неговата програма за преселување мигранти и ги ограничува социјалните услуги за имигрантите кои немаат постојан законски статус.

УЖАС го вознемири светот денес: Убиено цело семејство, меѓу жртвите има и дете

Ивана Ефремовски — Sun, 09 Apr 2023 20:23:09 +0000

Четири лица загинаа во семејна расправија во Орландо, Флорида, а меѓу жртвите има и едно дете, соопшти денеска началникот на градската полиција, Ерик Смит. „Случај на семејно насилство е пријавен во полиција рано утринава околу 2:28 часот, а кога екипата пристигнала на местото на настанот се слушнале истрели внатре во куќата“, изјави Смит на прес-конференција. -Осомничениот, кој бил вооружен, потоа излегол од домот и почнал да пука кон полицајците кои реагирале, јавува ABC News. Полицијата возвратила, а осомничениот подоцна починал од повредите во полициски притвор. Според полицијата, три лица биле застрелани во куќата. Меѓу жртвите има и дете, кое било пренесено во болница, но подоцна им подлегнало на повредите. Другите две жртви исто така биле убиени со огнено оружје. Нивните имиња и возраст се уште не се објавени, но се наведува дека се полнолетни.

До смрт претепа жена, па ја запали: Доживотен затвор за доставувач во Флорида

Ивана Ефремовски — Thu, 06 Apr 2023 08:55:04 +0000

Американски доставувач на куќни апарати вчера беше осуден на доживотен затвор затоа што претепал 75-годишна жена до смрт и ја запалил во нејзиниот дом на Флорида. Судијата во округот Палм Бич го осуди Хорхе Дупре Лахаз на две доживотни затворски казни, плус дополнителни 30 години. -24-годишникот беше осуден во јануари за убиство од прв степен, кражба и подметнување пожар, пишува „NBC News“. Дупре Лахаз и уште еден маж испорачаа машина за перење и сушење кај Евелин Смит во август 2019 година. Откако ги поставил уредите, другиот човек излегол надвор и неколку минути подоцна слушнал врисоци. Ја нашол жената на подот и се јавил на 911. Лахаз се оддалечил со камион за испорака, но подоцна бил запрен од полицијата. На местото на злосторството, инспекторите пронајдоа гумен чекан и конзерва со разредувач што тој ги користел за да ја запали областа до телото на жената. На двата предмети имало отпечатоци од прсти на Лахаз. Полицијата открила и дека некој го претурал паричникот на жртвата, што укажува дека мотивот за нападот е кражба. Неговите адвокати на судењето не негираа дека 24-годишникот ја нападнал постарата жена, но тврдеа дека не се работи за убиство со умисла.