флоријана исмаили – Kurir.mk

ДЕТАЛИ: Телото на Исмаили пронајдено на дното на езерото Комо

Катерина Бојаџиева — Wed, 03 Jul 2019 06:04:31 +0000

Трагична вест дојде од Италија, од каде потврдија дека телото на фудбалерката на Јанг Бојс и швајцарскиот национален тим, Флоријана Исмаили, било пронајдено во езерото Комо. Како што е познато, таа и нејзина пријателка изнајмиле брод со кој пловеле, а во еден момент Исмаили решила да се нурне во езерото, но сепак не се вратила на самиот брод. По неколку дена пребарување и користење на робот, кој стигнал до дното на езерото, безживотното тело било пронајдено. Флоријана Исмаили почина на возраст од 24 години.

Славната фудбалерка пронајдена мртва, трагичен крај на драмата

Ивана Ефремовски — Tue, 02 Jul 2019 17:57:52 +0000

Швајцарската фудбалска репрезентативка и капитенка на клубот Јанг бојс е пронајдена мртва во езерото Комо во Италија. Италијанската полиција три дена со сите расположливи сили, хеликоптер, нуркачи и подводен робот, трагаше по телото на Флоријана Исмаили, која доживеа трагична несреќа за време на годишниот одмор. Нејзиното тело е најдено на длабочина од 204 метри, малку подалеку од местото од каде таа скокнала од бродот, кој заедно со пријателите го изнајмиле за да одмораат. Исмаили од 2011 година го носи дресот на Јанг Бојс, додека во 2014 година дебитираше за националниот тим.

Клубот не ја губи надежта, полицијата стравува: Позната фудбалерка скокнала од брод каде се забавувала и не се појавила

Дарко Андоновски — Sun, 30 Jun 2019 15:23:43 +0000

Швајцарската фудбалерка Флоријана Исмаили е прогласена за исчезната и се стравува дека се удавила при пливање во езерото Комо во Италија, објави нејзиниот клуб Јанг Бојс. 24-годишната Исмаили е капитен на Јанг Бојс каде игра од 2011 година. „Клубот Јанг Бојс доби информација дека нашата фудбалерка Флоријана Исмаили исчезнала во саботата попладне во езерото Комо. Италијанската полиција трага по фудбалерката, а ние не ја губиме надежта“, стои во соопштението на клубот. Според информациите од италијанските медиуми, Исмаили била на брод со своите пријатели и скокнала во водата за да плива, но повеќе не излегла на површината.