ФМП Академија – Kurir.mk

ТФТ се пласира во финалето на кошаркарскиот Куп

Бошко Тасиќ — Sat, 19 Feb 2022 18:04:42 +0000

Кошаркарскиот тим на ТФТ влезе во избраното друштво тимови кои играле во финалето од Купот на Македонија, откако вечерва, во првото полуфинале од годинешната завршница во СРЦ „Кале“, убедливо ја совладаа Академија ФМП со 94-72. Победата на избраните на тренерот Боро Смилковски е потполно заслужена, со оглед што го имаа водството во речиси целиот меч, а во поголем дел од него тоа беше двоцифрено.

Александар Костовски со дабл-дабл ефект со 16 поени и 10 асистенции беше најкорисен играч, додека веднаш до него со учинокот беше Ландриус Хортон со 20 поени и пет скока. Били Ајви со 20 поени и шест скока беше најдобар кај ФМП. Противник на ТФТ во големото финалето од Купот „Благоја Георгиевски-Буштур“ ќе биде подобриот од пресметката помеѓу МЗТ Скопје и Феникс во вечерашното второ полуфинале од 19.30 часот.

Работнички со лекција за Академија ФМП

Бошко Тасиќ — Fri, 12 Nov 2021 19:30:22 +0000

Најтрофејниот македонски кошаркарски колектив Работнички одигра доминантен натпревар и славеше над Академија ФМП (100-77) во рамки на шестата рунда во Првата лига. Најефикасен кошаркар кај победникот беше Џексон Пол кој финишира со 35 поени, пред Недим Мустафица со 29 поени, додека Горјан Марковски постигна 16 поени. Кај Академија ФМП, Стефан Крстајиќ запиша 18 поени, пред Леонид Тодоровски со 16 поени. Работнички во Првата лига по седум одиграни кола има скор 5-2 и котира на втората позиција на табелата, додека Академија ФМП е со скор 4-3 и се наоѓа на шестото место кое е последното кое води во разигрувањето за титула.

Академија ФМП лесно против МЗТ Скопје 2

Бошко Тасиќ — Sat, 06 Nov 2021 20:04:14 +0000

Скопскиот тим на Академија ФМП стигна до четврата победа во низа откако на домашен терен славеше против МЗТ Скопје 2 со 84-74. Избраниците на Александар Петровиќ беа подобриот противник во поголемиот дел од натпреварот и сосема заслужено стигнаа до нови два бода. Стефан Крстајиќ беше предводник на составот од Кисела Вода со 16 поени и 3 скока, а него го следеше Филип Бакоч со 12 поени и 9 скока. Карло Блажевски беше првото име кај гостите со 16 поени, а Габриел Коскоски додаде 14 поени и 4 скока.

ФМП Академија со прв историски триумф во БИБЛ лигата

Бошко Тасиќ — Wed, 13 Oct 2021 20:36:09 +0000

Академија ФМП го доби македонскиот дуел на стартот на БИБЛ лигата откако славеше на гостувањето кај Куманово со 59-63. Двата тима се мачеа на паркетот уште од самиот почеток на мечот, а по 10. минути игра на семафорот стоеше резултат 20-16. Изедначениот натпревар продолжи и до самиот крај на првото полувреме до кое гостите успеаја да ја намалат предноста на домаќинот на само еден напад (31-29). Работите не се променија ниту во второто полувреме. Подобриот старт на третата четвртина донесе блага предност за избраниците на Петровиќ кои истата ја задржаа и по 30. минути игра (44-47). Куманово успеа да се врати на отварањето на последната четвртина, во еден момент и да поведе со пет разлика, но крајот на натпреварот го одбележаа гостите кои прво се вратија во игра, а потоа не дозволија поени на противникот во последните минута и 20 секунди во кои со серија од 4-0 го осигураа триумфот. Џонатан Холмс беше предводник на Куманово со дабл-дабл од 13 поени и 13 скока, а по 11 поени запишаа Џукановиќ и Џозеф. Србинот додаде и 6 скока, а Американецот 6 асистенции. Славчо Темелковски беше првото име кај гостите од Скопје со 14 поени и 5 скока, 13 поени и 7 скока додаде Крстајиќ, а како двоцифрен со 10 поени натпреварот го заврши Миса.

МЗТ Скопје се пласираше во финалето на кошаркарскиот Куп

Бошко Тасиќ — Sat, 15 May 2021 17:06:07 +0000

Академија ФМП од Скопје тим кој го исфрли Пелистер на завршницата во машкиот кошаркарски Куп застана во полуфиналето и убедливо загуби со 92-72 од МЗТ Скопје во меч кој се играше во СРЦ „Кале“. Уште од стартот аеродромци наметнаа свое темпо. Водеа со 31-20, потоа беше и 35-23, за потоа Академија ФМП да се врати преку Херис на едноцифрена негатива (35-29), но тоа беше недоволно. До паузата МЗТ имаше плус десет (39-29), а победата се потврди со 30 постигнати поени во третиот квартал, доволни за ново Куп-финале на „штрковите“. Андрија Бојиќ беше најдобар кај МЗТ со 18 поени, пред Николов со 14 поени, додека Крстевски и Олуџоби реализираа по 11 поени. Кај ФМП, прво име беше најдобриот стрелец Стефан Крстајиќ со 29 поени.

ФМП Академија е хитот на кошаркарскиот Куп

Бошко Тасиќ — Fri, 14 May 2021 21:09:29 +0000

Првиот четвртфинален натпревар од кошаркарскиот Куп на Македонија, меѓу екипите на ФМП Академија и Пелистер понуди многу возбуда за кошааркарските фанови. На крајот со кренати глави од паркетото си замина условно кажано аутсајдерот на натпреварот, тимот на ФМП, кој го елиминираше Пелистер со 103:98. Најефикасни кај Пелистер беа Кесар со 31 и Малешевиќ со 21 поени, а во таборот на ФМП Академија се истакнаа Крстајиќ со 28 и Харис со 19 поени.МЗТ Скопје Аеродром е противникот на ФМП Академија во полуфиналето.

Академија ФМП ќе разигрува за титулата

Бошко Тасиќ — Thu, 29 Apr 2021 17:38:37 +0000

Во заостанатиот натпревар од 20. коло, Академија ФМП стигна до 11. победа во сезоната откако славеше на гостински терен против ТФТ со 65-77. ‘ Во победничкиот тим Крстајиќ беше извонреден со 34 поени и 10 скока, а Харис заврши со 10 поени. Кај ТФТ се издвои Митревски со 18 поени и пет скока. Ова воедно беше и последен натпревар за Академија ФМП во регуларниот дел од сезоната, додека за ТФТ останува натпреварот против Гостивар кој директно ќе одлучува за петата позиција на табелата.

Работнички потешко од очекувањата го совлада ФМП Академија

Бошко Тасиќ — Sat, 03 Apr 2021 19:29:15 +0000

Најтрофејниот кошаркарски колектив Работнички ја оствари осмата победа сезонава во македонскиот кошаркарски шампионат, совладувајќи го вечерва тимот на Академија ФМП со 68:66. Бундовиќ со 19 и Питс со 15 поени биле реализаторски лидери кај Работнички, додека во редовите на ФМП, Херис го заврши натпреварот со 22 поени.

МЗТ Скопје со камата им врати на ФМП Академија

Бошко Тасиќ — Thu, 01 Apr 2021 17:06:56 +0000

Во заостанатиот натпревар од 6. коло во Првата кошаркарска лига, МЗТ Скопје убедливо славеше против Академија ФМП со 95-61. Со тоа кошаркарите од Аеродром со камата им вратија на избраниците на Александар Петровиќ по поразот кој им го нанесоа пред три недели. „Најефикасни беа Мекиќ и Крстевски со 17 постигнати поени, а со 15 поени мечот го заврши Дамјан Стојановски. Во поразениот тим Харис заврши со 13 поени и седум скока. За МЗТ Скопје ова беше дванаесетти натпревар сезонава, запишувајќи ја и осмата победа.