Фокс њуз – Kurir.mk

Фокс Њуз ќе плати 787,5 милиони долари за да избегне тужба за клевета за изборите во 2020 година

Ивана Ефремовски — Wed, 19 Apr 2023 05:24:18 +0000

Фокс Њуз ќе плати 787,5 милиони долари на производителот на електронски гласачки машини „Доминион“, после синоќешен договор во последен момент со кој е избегната тужба против радиодифузерот поради нејзините систематски тврдења дека компанијата се занимавала со „кражба“ гласови со цел Доналд Трамп да изгуби во претседателски избори 2020 година во САД. Телевизискиот канал нагласи дека „ја зема предвид судската одлука која утврди дека одредени тврдења за Доминион се лажни“, како што рече судијата во наредбата од 31 март дека „кристално е јасно дека ниту едно тврдење за Доминион на изборите во 2020 година не е точно“. „Лагите имаат последици“, рече адвокатот на Доминион, Џастин Нелсон, објавувајќи ја сумата што Фокс њуз се согласи да ја плати - 787,5 милиони долари. Компанијата што ја брани првично барала 1,6 милијарди долари. Договорот го спасува бисерот на медиумската империја на Руперт Мардок од она што Њујорк Тајмс го опиша како „судење за клевета на векот“ и го поштедува Мардок (92) да мора да сведочи на суд. Судењето со нетрпение се чекаше во САД, каде што се смета за тест за границите на слободата на изразување гарантирани со Првиот амандман на Уставот, како и борбата против дезинформациите. (МИА)

Репортерот на Фокс њуз, кој беше повреден во Украина, оддаде почит на своите колеги кои загинаа

Ивона Петрова — Fri, 08 Apr 2022 05:53:54 +0000

Репортерот на Фокс њуз, кој беше тешко повреден во напад во кој загинаа двајца негови колеги во Украина, објави своја фотографија на Твитер. Во овој твит, Бенџамин Хол ги опиша своите повреди и им се заблагодари на луѓето кои работеа да му го спасат животот пред три недели. Во претходен твит, Хол им оддаде почит на другите двајца колеги кои загинаа тој ден – снимателот Пјер Закзевски и новинарката Александра Кувшинова, позната како Саша.

Фокс њуз прекина говор на портпаролката на Белата куќа (ВИДЕО)

Магдалена Андонова — Tue, 10 Nov 2020 15:32:04 +0000

Телевизијата Фокс њуз синоќа го прекина емитувањето на говорот на Кејли Мекенани, портпарол на Белата куќа, поради тврдењата дека демократите охрабрувале лажно и незаконско гласање, а не покажала докази за тоа. -Во Америка постои само една партија која не им дава на набљудувачите да влезат во собата каде што се бројат гласовите, и таа партија, пријатели мои, е Демократската партија. Не се противете на ревизија на гласањето затоа што саката точни бројки…. Заземате таков став бидејќи охрабрувате измама и охрабрувате незаконско гласање, изјави Мекенани. Меканани се обраќаше од седиштето на Националниот републикански комитет, и Нил Кавуто, водителот на програмата која моментално одеше на Фокс њуз, го прекина емитувањето во живо со израз на изненадување. Од телевизијата подоцна изјавија дека тоа не било одлука на уредниците туку на самиот Кавуто. -Сметам дека треба да ни биде јасно дека таа ја обвинува другата срана дека охрабрува измами и незаконско гласањње. Нема да седам спокојно и да да продолжам со емитувањето на ова, ако таа нема дополнителни детаљи да го поткрепи тврдењето, изјави тој. Фокс њуз и во минатото критикуваа официјално лица од Администрацијата на претседателот Доналд Трамп. Топло-ладно односите продолжија и минатата недела, откако, по низа други американски медиуми, и Фокс њуз објави дека победник на изборите е деократскиот претседателски кандидат Џо Бајден.

The gig economy has affected so many. pic.twitter.com/n0NXNyGyEN
— The Recount (@therecount) November 9, 2020

Fox News has left the chat. pic.twitter.com/SwW9cq9bJI
— The Recount (@therecount) November 9, 2020

Цел свет стравува од коронавирус, таа зборува за фризури и маникир: Нападната водителката на Фокс Њуз

Ивана Ефремовски — Fri, 27 Mar 2020 13:46:22 +0000

Водителка на Фокс Њуз предивика бес во јавноста откако изрази „загриженост за тоа како жените ќе ги одржуваат своите фризури и нокти“ со штотуку воведените мерки за изолација поради пандемијата на новиот коронавирус.. Ејнсли Ерхарт јасно порача дека има намера да разговара за тривијалности наместо за прашањата за живот или смрт, но тоа не ја спречи осудата кон неа на социјалните мрежи. -Тоа не е приоритет, но жените мора да имаат фризура, им рече Ерхарт на гледачите на емисијата „Фокс и пријателите”. -Некој напиша дека дури сега ќе ја видиме вистинската боја на својата коса кога ќе порасне коренот… Сите мои пријатели ми велат – знаеш, тоа не е приоритет оти луѓето умираат. Јас сум свесна за тоа, но – немаат ниту каде да ги маникираат ноктите, додава таа. Корисници на Твитер веднаш почнаа да го поврзуваат тоа со дневната политика – Фокс важи за телевизија блиска до американскиот претседател Доналд Трамп и Републиканската партија. Некои отидоа и дотаму, дека се работи за проблемот на „белите богаташки“. Некои пак, ја бранеа 43-годишната мајка на едно дете, која доби козметички третман во емисијата.

Поранешниот директор на „Фокс њуз“ ќе биде дел од тимот на Трамп

Ивона Петрова — Fri, 06 Jul 2018 06:28:25 +0000

Поранешниот директор на телевизијата „Фокс њуз“, Бил Шајн ќе биде дел од админиострацијата на американскиот претседател Доналд Трамп. Шајн, поранешен потпретседател во омилената телевизија на Трамп ќе го предводи тимот за комуникации на претседателот на САД. Белата куќа соопшти дека Шајн во тимот на Трамп ќе донесе две децениии искуство во телевизија, комуникации и менаџмент. Трамп не е задовоелн како неговиот досегашен тим за комуникации реагира во некои ситуации. МИА