фонд за иновации и технолошки развој – Kurir.mk

Арсовски: Дали дел од 200.000 евра од ФИТР завршиле кај советник на СДСМ од Град Скопје?

Магдалена Андонова — Sun, 17 Jan 2021 11:59:35 +0000

Коста Петров вчера во обид да се испере од овој скандалозен и сомнителен тендер од 200.000 евра кој што го доделила институцијата на две маркетинг агенции, призна неколку работи. Најпрвин, експресно демантираше дека не го склучил тој договорот и дека тоа го направил неговиот претходник, што укажува дека ги трга рацете има нешто сомнително во овој тендер, иако се работи за тендер во време на институција што без разлика кој бил директор на таа институција, истиот потекнува од редовите а на СДСМ како партија и власт, изјави на денешната прес конференција, Димса Арсовски, портпаролот на ВМРО-ДПМНЕ. - Второ, доколку Коста Петров не ги користи услугите на овие две агенции и снима со сопствена продукција како што и самиот вели што и не е докажано, што и хипотетички да е ова вистина, зошто до сега откако е директор не го не го ревидирал истиот договор и да го поништи да спаси 200.000 евра на граѓаните да не завршат непотребно во нечии џебови? Кога немаат никаква работа овие две агенции зошто сепак ги земаат овие 200.000 евра пари на граѓаните, прашува Арсовски. Тој исто така прашува за она што е најскандалозно и заслужува внимание во јавноста, дали Коста Петров или кој било од СДСМ, дали едната од агенциите која земала од овие 200.000 евра за тендерот Бригада Дизајн, нејзино челно лице е Бојан Ивановиќ, имено советник од редовите на СДСМ во Град Скопје? - Се поголем е сомнежот дека овој тендер е доделен свесно и е наместен, бидејќи еден од добитниците на тендерот е советник од редовите на СДСМ во Град Скопје кај Петре Шилегов Дали овие две агенции работеле партиски агенди или ќе работат партиски агенди во иднина платени преку парите на граѓаните, треба уште веднаш да се произнесат Коста Петров и СДСМ? Ако не работат ништо во Фондот за иновации, зошто тогаш се уште е активна оваа јавна набавка и не е поништена, посочи Арсовски. Портпаролот на ВМРО-ДПМНЕ тврди дека ова е начинот на работа на СДСМ како партија и власт. Преку свои функционери, испумпуваат пари на граѓаните и тоа не малку пари туку 200.000 евра. - Дел од 200.000 евра завршиле во џебот на советник од редовите на СДСМ во Град Скопје, што не е ништо поразлично од тоа кога завршуваа парите од граѓаните во Фондот за иновации преку грантови исто така кај фирми на кај функционерите на СДСМ. Фондот за иновации е златна кокошка за збогатување на функционерите на СДСМ. Наместо да дава поддршка на стопанството, компаниите и иноваторите, парите ги дава на функционерите и фирмите на СДСМ, вели тој. - Ова е резултатот зошто се наоѓаме во рецесија, и зошто имаме над 55.000 граѓани кои се невработени во ек на пандемија и економска криза. Одговорот е едноставен, затоа што парите наместо да завршуваат онаму каде што треба завршуваат кај функционерите и фирмите во СДСМ, додаде Арсовски.

Арсовски: 200 илјади евра од Коста Петров за агенцијата на советник од Град Скопје, јавно го повикувам на дебата Петров за овој скандал

Магдалена Андонова — Sat, 16 Jan 2021 15:30:34 +0000

Коста Петров со денешната реакција и демант штотуку призна дека е сомнителен тендерот со кој се ангажирани двете маркетинг агенции.200.000€ на граѓаните завршуваат како испумпани пари во нечии џебови на функционерите на СДСМ или пак партиските кампањи се исплаќаат преку државните институции.СДСМ не е ништо повеќе од клептоманска партија која само краде.Само доколку ги отворите еден од профилите на социјалните мрежи на челните лица на агенциите (фото во прилог), ќе можете да забележите несебична поддршка за СДСМ и нивни градоначалници и партиски функционери, што дополнително докажува дека парите од ФИТР завршуваат на сомнителен начин.ДОПОЛНИТЕЛНО, една од двете агенции што земала дел од овие 200.000€ е застапувана и е на советник од СДСМ во Град Скопје, стои во Фејсбук статусот на Димса Арсовски. - Коста Петров доколку сметал дека е погрешно ангажирање на маркетинг агенции во време на пандемија во висина од 200.000€, имал доволно време да ги раскине и да ги ревидира. Дополнително доколку не учествуваат тие две агенции во работата на Коста Петров, што всушност работат? Дали тоа значи дека ништо не работат и земаат 200.000€ туку така? Кои се работните обврски на овие две агенции? Доколку Коста Петров смета дека е во право јавно го повикувам на дебата со мене да ги изнесе своите аргументи. Може да прати и некој “од тимот” како што вели дека заедно работеле. Во спротивно стравот од соочување ќе биде потврда на сомнежите на јавноста. СДСМ Клептоманска се фатени живи во класичен сомнителен и криминален тендер, пишува тој.

Арсовски: Коста Петров троши 200 илјади евра за себепромоција, среде епидемија и економска криза

Магдалена Андонова — Sat, 16 Jan 2021 13:04:23 +0000

Државата тоне во рецесија, над 55.000 граѓани се отпуштени од работа и ги загубија своите работни места како резултат на корона пандемијата и економската криза, а директорот на Фондот за иновации си остварува детски соништа за 200.000 евра да биде актуелен и да се појавува на медиумите, изјави на денешната прес конференција, Димса Арсовски, порптарол на ВМРО-ДПМНЕ. - Коста Петров, кој е потпретседател на СДСМ и директор на Фондот за иновации, склучил рамковен договор со две маркетинг агенции во вредност од 200.000 евра. Само што дојде на функција. Малку му била една агенција, па склучил договор со уште една само за да си снима интервјуа и спотчиња во Фондот за иновации.Замислете, 55.000 граѓани останаа без работа, стопанството и приватните компании не можат на ред да стигнат до државна помош од фирмите блиски до СДСМ и на функционерите на СДСМ, но затоа Коста Петров како втор човек после Заев, се луксузира и си снима спотчиња и интервјуа за 200.000 евра, пари кои што се на граѓаните, вели Арсовски. Тој посочи дека во ваква економски криза, ова е огромен скандал, кој го заслужува вниманието на јавноста и на институциите, секако и на медиумите кои први го обелоденија овој скандал. - Затоа, прашуваме, дали Коста Петров со овие 200.000 евра има намера да ги преплати овие две агенции и тие подоцна да работат партиски агенди или веќе работеле за СДСМ, а не знаеме, или дали има намера преку овие две агенции да врши масовен поткуп со реклами на медиуми, што уште еднаш потенцираме дека е забрането законски и казниво со законј? Како и да е, која и да му е намерата на Коста Петров, Фондот за иновации се покажа како златна кокошка за функционерите на СДСМ и за владата на СДСМ да испумпуваат пари, наместо парите да завршуваат онаму каде што треба како поддршка на стопанството или поддршка за иноваторите, тврди Арсовски. - Чисто за споредба, со нешто повеќе од 200.000 евра се снима и режира нискобуџетен филм. Ова е начинот на кој СДСМ ги третира државните институции. Очигледно ова беше намерата за влез во политиката на Коста Петров и ова беше намерата да стане директор на Фондот за иновации. Коста Петров наместо да ги поддржува стопанството и иноваторите, тој си ги поддржува детските соништа да биде присутен на телевизија и тоа многу скапо за 200.000 евра.. Очекуваме одговорност за ова недомаќинско работење и очекуваме веднаш институциите да го преземат и истражат случајот, дециден е тој.

Коста Петров во ФИТР снима спотови за 200 илјади евра – дали СДСМ преку државни пари си плаќа партиска кампања?

Магдалена Андонова — Sat, 16 Jan 2021 10:37:37 +0000

Во описот на работа на директорот на ФИТР не се предвидени надлежности кои од него бараат да креира и учествува во медиумска содржини за промотивни цели. Вршителот на должност, директорот на Фондот за иновации и технолошки развој и потпретседател на СДСМ, Коста Петров, последните два месеца снима промотивни видео интервјуа со млади иноватори, кои потоа ги споделува на социјалните мрежи. Тој снима интервјуа во квалитетни сетови, а за маркетинг и продукциски активности Фондот потпишал договор од речиси 200,000 евра со две маркетинг агенции: Бригада Дизајн и Њу Момент. Директорот на ФИТР, Коста Петров, не гледа ништо спорно во неговиот ангажман како директор во реализацијата на интервјуата со младите иноватори затоа што секој вработен во Фондот има обврска да придонесува за имиџот на институцијата. Коста Петров објаснува дека целта на правењето на интервјуата, не е да се промовира тој лично како директор, ниту Фондот како институција, која ги потикнува иновативните идеи во земјата, туку самите млади иноватори, кои можат да бидат добар пример за идните генерации. Ако целта на интервјуата не била првенствено да се промовира работата на Фондот и на директорот преку интервјуата на млади иноватори што добиле државна поддршка за нивните иновативни идеи, тогаш е најасно зошто меѓу првите тројца интервјуирани нема ниту еден иноватор, кој досега бил одбиен да добие помош од Фондот за иновации. Се поставува прашањето дали на овој начин СДСМ преку државни пари си плаќа партиски кампањи ? Освен времето на директорот како ресурс за реализацијата на интервјуата, Фондот има поддршка и од две ПР агенции, со кои во септември имаат потпишано рамковна спогодба за една година во вредност од околу 200 илјади евра. Бригада дизајн и Њу момент освен услуги во организирање на јавни настани и рекламирање, треба да испорачуваат и видеопродукција. Во договорот со маркетинг агенциите пишува и дека тие треба да обезбедат медиумски простор на информативни портали за промотивни активности. Нејасно е дали ова отстапување значи реклама на Фондот или се работи за доброволно отстапување на простор од порталите. Инаку според член 102 од Законот за аудио и аудиовизуелни медиумски услуги се забранува рекламирање во медиуми од државните и јавните институции. „Државните органи, органите на државната управа, јавните претпријатија, единиците на локалната самоуправа, јавните установи и институции како и правните лица со јавни овластувања и трговските друштва во целосна државна сопственост не смеат да предвидуваат средства за информирање и запознавање на јавноста со свои услуги или активности преку приватни радиодифузери”, предвидува членот на Заканот на АВМУ.

Дали фирми поврзани со Заев изнеле милиони од фондот за иновации?

Дарко Андоновски — Wed, 25 Sep 2019 13:41:43 +0000

Фондот за иновации и технолошки развој (ФИТР) дал поддршка на фирмата „Пауерад“ од Струмица. Ова е веста што на 17 септември во 10 часот и 21 минута беше објавена на Фејсбук страницата на Фондот, објавува Inbox7. Фирмата „Пауерад“ е основана на 13 февруари 2018 година, на само неколку месеци од објавувањето на повикот за доделување на спорните грантови од ФИТР. Целосниот историјат со промени на Пауерад – тука. Првични сопственици на компанијата се Митко Христов од Струмица и Акционерско друштво за индустрија за градежни материјали „ЕЛЕНИЦА Струмица“. Подносител на барањето за упис е Горан Заев. Како овластено лице на „Еленица“ е впишан Трајче Заев, прв братучед на премиерот Зоран Заев, а членови на надзорниот одбор се Марјан Митев, Катерина Бојовиќ Заева и Панче Патаров. Членови на управниот одбор се братучедот и братот на премиерот – Трајче Заев и Вице Заев. Целата тековна состојба на Еленица – тука. Управител на „Пауерад“ првично е поставен Митко Димитровски, член и на управниот одбор на „Еленица“. Но на 7 август 2018 година, две недели по одкривањето на скандалот за добитниците на помош од ФИТР, фирмата на Заеви „Еленица“ се повлекува од сопственоста над „Пауерад“, при што единствен сопственик останува само Митко Христов. Со истата промена се менува и управителот на „Пауерад“ Митко Димитровски, кој е член на Управниот одбор на „Еленица“,а на негово место доаѓа токму Христов. На 19 март 2019 година фирмата „Пауерад“ го менува и првичното седиште – Трговскиот центар „Глобал“ во Струмица – и се сели на улица Ленинова. ЦЕЛОСЕН МОЛК ЗА ВИСИНАТА НА ГРАНТОТ Онлајн магазинот ИНБОКС 7 неколку месеци го истражува случајот со фирмата поврзана со семејството на премиерот Заев, но никој не одговара на нашите барања за информации. Сите листи на добитници на средства од Фондот за иновации се јавно достапни, само листата во која е фирмата „Поуерад“ не е достапна. Не дадоа резултат ни обидите на нашата екипа преку поднесување на усно барање за слободен пристап до информациите од јавен карактер, поставено на 16 јули 2019 година до Фондот за иновации, каде побаравме да ни го дадат целосниот список на компании кои го добиле грант. Иако законскиот рок за да дадат одговор е 5 дена, до затворањето на овој текст, два месеци подоцна, бараната информација не ја добивме. Телефонска изјава побаравме и од Петар Христов, како лице извршен директор на „Пауерад“, но до затворањето на текстот тој не даде изјава за Инбокс 7. На затворени врати за повеќе информации наидовме и во фирмата „Еленица“. Од Службен весник ни одговорија дека Фондот немал обврска да го објави списокот кај нив, но и дека таков список воопшто немаат. СКАНДАЛ ТЕЖОК 10 МИЛИОНИ ЕВРА Скандалот со парите од Фондот за иновации се објави во јули 2018 година. Во него медиумите објавија дека фирми поврзани со Кочо Анѓушев, вицепремиер за економски прашања, Хари Локвенец, член на СДСМ и снаата на Цветанка Ласкова, поранешна координаторка на Форумот на жени на СДСМ добиле државна помош за иновации. Тогаш никој не објави дека и фирмата „Пауерад“, првично основана од фирма во сопственост на членови на семејството на премиерот Заев, е вмешана во овој скандал. На пратеничко прашање за Фондот за иновации од 27 јули 2018 година премиерот Заев од собраниската говорница ќе изјави: „Тоа е нов квалитатив и јас го поздравувам етичкиот начин на однесување, кога се повлекуваат самите фирми каде за содружник имаат носител на власт. Затоа што законски тоа е дозволено, но не и етички, оти се мисли дека се има влијание во ваквиот процес. Одлуката ја носеше комисија од меѓународни претставници, меѓу кои и еден министер од поранешната Влада, Глигор Ташковиќ. Заради транспарентите постапки веднаш носителите на јавните функции презедоа одговорност. Се е согласно законот, но го исполнуваме и етичкиот кодекс на однесување“. Тој никаде не кажа дека има и фирма, која се поврзува со членови на неговото семејство, а исто е вмешана во овој скандал. Останува да се види дали сега и премиерот ќе го почитува етичкиот кодекс и ќе ја повлече фирмата „Пауерад“ од конкурсот како што тоа го направија Анѓушев, Ласкова и Локвенец.

„Вкусно изненадување“: Фондот за иновации по безброј скандали прослави 15 илјади јалкови на Фејсбук со сечење торта (ФОТО)

Дарко Андоновски — Mon, 12 Nov 2018 08:32:45 +0000

На власта предводена од СДСМ и Зоран Заев народски кажано никако да им дојде памет. Директорот на Фондот за иновации и технолошки развој кој неодамна го тресеа безброј скандали за доделувањето на тендерите на Фејсбук се пофали како сече торта за 15 илјади лајкови на Фејсбук. -Вкусно изненадување од колегите минатата недела. Затоа што 15 илјади лајкови на страната на Фондот за иновации и технолошки развој не се бројка, туку преземена обврска постојано да се подобруваме во нашата работа и заеднички да изградиме иновативно и економски развиено општество, напиша Деспотовски. По ова свој коментар имаше и Ивор Мицкоски кој на својот Фејсбук напиша: -Додај и 770.000 евра кои ќе завршат во рацете на четири фирмите блиски до функционери, и може да се каже дека годинава е многу успешна за Фондот. Инаку и Тивитер заедницата веднаш започна со мајтапење на сметка на Фондот и директорот.

ако не па вмро да ги вратиме? прослава за 15 000 лајка на фб. pic.twitter.com/bwtewJYQ6e
— Гоце Чекоров-Ланс (@aerodrom1312) November 11, 2018

ФИТР: Четири компании пријавија носители на јавни функции во сопственичката структура

Предраг Кукиќ — Tue, 14 Aug 2018 11:32:57 +0000

Само четири од вкупно 77-те компании – апликанти, добитници на средства од првиот повик од Планот за економски раст – трет столб се изјасниле дека во својата сопственичка структура имаат лице кое е носител на јавна функција, или член на негово потесно семејство. Инвестициските проекти на четирите компании, како што велат од Фондот за иновации и технолошки развој (ФИТР), ќе бидат повторно доставени на разгледување до Комитетот за одобрување на инвестиции, според критериумите за селекција и согласно правилниците на повикот. За останатите компании од првиот инвестициски бран што доставиле изјава во која нема носител на јавна функција и/или член на негово потесно семејство во сопственичката структура продолжува постапката за склучување на договори за реализација на инвестициските проекти. Исплатата на средства, согласно процедурите на Фондот, ќе се реализира квартално. Првата рата ќе се исплати веднаш по потпишување на договорите и достава на доказ од страна на компаниите дека е уплатен нивниот финансиски удел. Остатокот од средствата ќе се исплаќа по доставен квартален извештај од компаниите за наменско искористување на средствата и реализирана контрола од страна на Фондот. - ФИТР на 24 јули годинава ги повика 77-те компании апликанти да се изјаснат дали во својата сопственичка структура имаат лице коешто е носител на јавна функција, или член на негово потесно семејство. По истекот на рокот од 15 дена, четири компании поднесоа изјава или дополнение на изјавата, со која ја декларираат сопственичката структура во која има носител на јавна функција, соопшти Фондот. Изјави поднеле компаниите: „Микросам Прилеп АД“ – Веле Самак, акционер, министер без ресор, задолжен за странски инвестиции во Владата на Република Македонија, функцијата ја извршувал заклучно со 30.05.2017 година. „Контура ДОО Скопје“ – Елена Донева, сопственик, член на потесно семејство на Јован Донев поранешен амбасадор во МНР на Република Македонија, функцијата ја извршувал заклучно со 28.02.2017 година. Т-Сенс консалтинг ДОО Скопје“ – Мерита Адеми, малцински содружник, член на потесно семејство на Асаф Адеми, министер за култура во Владата на Република Македонија од 01.06.2018 година. Од страна на компанијата до Фондот е доставено и известување за извршена промена на сопственичката структура односно бришење на лицето Мерита Адеми. Како дополнение на изјавата, во посебен документ, лицето Христина Керкез, еден од сопственици на „Декодикс ДОО експорт – импорт“ Скопје декларира поврзаност, како член на потесно семејство на Цветанка Ласкова, посебен советник во Канцеларијата на Претседател на Владата на Република Македонија, иако посочената советничка не е носител на јавна функција. (МИА)

Aце Коцевски: Не можам да го контролирам братучедот

Даниел Василев — Sat, 28 Jul 2018 20:12:06 +0000

Градоначалникот на Велес од редовите на СДСМ, Аце Коцевски, за 24 Вести изјави дека не може да ги контролира постапките и да се меша во одлуките на неговиот братучед, чија фирма е една од 79-те кои добија неповратни средства за проекти од Фондот за иновации и технолошки развој, пишува порталот Фактор. - Јас имам своја фирма и сметам дека е неетички да конкурирам за грант како функционер, но не можам да ја контролирам волјата на членови од мојата фамилија, кои не се дел од моето потесно семејство. Разбирам дека јавноста е сензитивна, но треба и да знае до каде можам да делувам јас, вели Коцевски за 24 Вести. ВМРО-ДПМНЕ објави дека станува збор за компанијата Хемија-Комерц ДООЕЛ од Велес која е во сопственост на Трајче Трајков прв братучед на градоначалникот од Велес, Ацо Коцевски. Блискиот роднина на градоначалникот Коцевски со неговата фирма Хемија-Комерц која се занимава со технолошка индустрија добил 2.7 милиони денари или околу 45 илјади евра за проектот „Сопствено производство на готови керамички маси за производство на трпезни керамички садови“.

ВМРО-ДПМНЕ: Одговорност и оставка од функционерите поврзани со скандалите од 45 милиони евра

Дарко Андоновски — Sat, 28 Jul 2018 07:25:26 +0000

Одговорност за општиот грабеж кој го спроведува СДСМ мора да има. Сите владини и државни функционери кои се најдоа во скандалите во изминатиот период тешки неверојатни 45 милиони евра мора да понесат одговорност и да поднесат неотповиклива оставка од сите државни фукнции. Оставки мора да има за се спречи притисокот од страна државните функционери поставени од СДСМ, врз органите на прогонот кои мора да ја завршат својата работа и да ги изведат овие луѓе пред лицето на правдата, а не да бидеме сведоци на преквалификување на обвиненија или апсурдни отфрлања на случаи заради наводен недостиг на докази, стои во денешното соопштение на ВМРО-ДПМНЕ. -Обвинителството и судот мора да стават крај на праксата за заштита на криминалот и перење. А луѓето блиски до Заев и СДСМ кои сториле криминал. Правосудниот систем во Македонија мора да се ослободи од стегите на власта и да заборави на партиски нарачаните обвиненија и пресуди од Зоран Заев и СДСМ. Амнестијата на криминалот на СДСМ не е должноста која треба да ја обавува правосудниот систем во Македонија. Обвинителството и судот мора да работат во интерес на граѓаните и на државата. Додека здравството е пред целосен колапс, а цената за тоа ја плаќаат граѓаните со своите живот, Венко Филипче се обиде да спроведе холивудски грабеж и на фирма која е формирана само 4 пред месеци да и додели тендер тежок 35 милиони евра. Додека Македонија тоне на ранг листите за иновативност, Фондот за иновации и технолошки развој стана фонд за исплата на долговите на Заев и СДСМ кон своите сопартијци, фунцкионери од власта и провладини медиуми. Јован Деспотовски се обиде да ги награди ,,најзаслужните’’ партиски послушници со 10 милиони евра пари на граѓаните, потенцираат од ВМРО-ДПМНЕ. Од партијата додаваат дека токму поради ова сите инволвирани во овие скандали мора да поднесат оставка веднаш! -Подмолно и како што тој вели ,,закукулено замумулено’’, Заев се обиде да го прикрие општиот грабеж со националното предавство наречено договор со Грција. Заев криминалот се обиде да го сокрие со продажба на националните и државните интереси преку капитулантски договор. Заев се откажа од името, јазикот, историјата, идентитетот и македонското малцинство во соседствот само за да си го отвори патот на себе и своите сопартијци за богатење на грбот на граѓаните. Заев и СДСМ се откажаа од Македонизмот само за да можат тој и неговата багра да ги бројат милионите на своите сметки спечалени на товар на државата. Правдата во Македонија ќе се врати, а моментот кога тоа ќе се случи ќе одговараат оние кои сториле криминал, но и оние кои го амнестирале, оние кои краделе, но и оние кои застанале на патот на правдата. Кога во Македонија ќе се врати правдата, правната државата и корупцијата ќе стане минато. Само тогаш Македонија ќе се врати на патеката на своите евроатлантски аспирации. Кога СДСМ ќе замине, ќе се спроведе правдата и Македонија ќе победи!, стои во соопштението на ВМРО-ДПМНЕ.

Одземена потребната документација од Фондот за иновации за доделените грантови

Катерина Бојаџиева — Thu, 26 Jul 2018 07:46:41 +0000

По налог на Основното јавно обвинителство за гонење организиран криминал и корупција, Министерството за внатрешни работи вчера од Фондот за иновации и технолошки развој ја одзело потребната документација во врска со распределбата на грантовите од Фондот на носители на јавни функции. - Побарана е, и обезбедена е потребната документација, потврдија за МИА од Фондот за иновации и технолошки развој. Од Јавното обвинителство и Министерството за внатрешни работи не дадоа коментар за настанот, бидејќи се работи за предистражна постапка. Основното јавно обвинителство за гонење организиран криминал и корупција на 23 јули по допрен глас оформи предмет за евентуалните злоупотреби при доделувањето грантови од Фондот за иновации и технолошки развој на компании во кои удел имале и носители на јавни функции. Директорот на Фондот за иновации и технолошки развој Јован Деспотовски завчера побара од сите 79 компании од првиот инвестициски бран на Фондот во рок од 15 дена да достават изјава со која ќе потврдат односно негираат дали во својата сопственичка структура имаат лице кое е носител на јавна функција или член на неговото потесно семејство. Премиерот Зоран Заев вечара прашан за овој случај, рече дека нема да побара оставки од функционерите за кои имаше реакции во јавноста за поврзаност со фирми кои добија грантови од Фондот за иновации и технолошки развој, затоа што, според него, тие се повлекле и не го кршеле законот. - Ако така бараме оставки потоа ќе се мислиме од каде да најдеме луѓе да ги ангажираме во власта. Тие апсолутно постапуваат етички, излегоа на прес-конференции да ги кажат своите ставови и тоа е фер однос. Проблемот е што во минатото не се откажуваа и оставаа до крај впечаток дека нешто не е етички или коректно, изјави Заев. Истакна дека со законот е дозволено сите фирми да аплицираат, а кога јавноста реагирала будно, етичкиот дел на самите министри и на другите функционери се разбудил, тие сами ги повлекле апликациите на фирмите во кои што имаат свој удел, а еден дел од нив тргнале да ги продадат своите удели.