фонд за иновации – Kurir.mk

Фонд за иновации: Сите пријавени компании поминуваат процес на претселекција спроведена од стручни лица од 22 области на експертиза

Тале Кристо — Sun, 02 Jul 2023 10:25:07 +0000

Поради бројните написи во медиумите, поврзани со работата на ФИТР, и начинот на кој се финансираат проектите, дозволете да информираме прецизно: Фондот за иновации и технолошки развој е водечка државна институција за поддршка на стартапи и иновативни компании во Република Северна Македонија. Бројката од речиси 1.000 поддржани проекти, со обем на инвестиции од преку 118 милиони евра, говори дека Фондот е вистински дом на сите иновативни компании и главен мотор за развој на македонската компанија. ФИТР е единствена институција во државата која има сертификат ISO : 31007 за борба против корупција. Јавниот повик за поднесување на предлог-проекти за финансирање под инструментот за поддршка „Кофинансирани грантови за технолошки развој за забрзан економски раст” е наменет за претпријатија и приватни здравствени установи, со цел да создадат услови за надминување на последиците од економската криза, да остварат забрзан раст, да ја зголемат конкурентноста на меѓународните пазари и отпорноста на пандмиски и климатски кризи, преку воведување на нови, иновативни, напредни, зелени и дигитални технологии за нивна трансформација. Сите пријавени компании поминуваат процес на претселекција спроведена од три домашни стручни лица од 22 области на експертиза. Проектите се оценуваат согласно дефинираните критериуми: степен на иновативност, квалитет на подготвен проект, потенцијал на пазарот, капацитет на апликантот и влијание на проектот. Сите проекти кои ќе добијат просечена оцена од минумум 51 поен продолжуваат во следна фаза. Финалната селекција ја прави Комитетот за одобрување на инвестиции, составен од 5 светски експерти. Марвин Лиао, кој е Претседател на КОИ е поранешен директор на Јаху а и самиот има инвестирано во над 400 стартапи. Исто така, сакаме да истакнеме дека согласно Правилникот на инструментот, финансиската поддршка од страна на Фондот е повратна и истата се врши по стапка од 7,5% од оперативната добивка на корисникот, до остварување на поврат на 105% од износот исплатен од страна на Фондот, или пак за период од пет години по завршување на проектот, во зависност од тоа кој услов е прв остварен. Во однос на наведените компаниите: Тор индустрис и Еверест ЏД, кои се добитници на финансиска поддршка под инструментот „Кофинансирани грантови за технолошки развој за забрзан економски раст”, истииот претприемач има поднесено предлог проекти под други инструменти за поддршка од Фондот за иновации и технолошки развој, но истите биле одбиени од страна на Комитетот за одобрување на инвестиции. Тоа значи, дека секоја компанија која не ги исполнува критериумите за подобност на апликант и добил негативна оценка од страна на Комитетот за одобрување на инвестиции, нема да биде одобрен за финансирање од страна на Фондот за иновации и технолошки развој. Фонд за иновации и технолошки развој

Арсовски: Иновација за Коста Петров е набавка на дрон од 35.000 евра

Тале Кристо — Wed, 08 Dec 2021 10:29:44 +0000

Срамно е што СДСМ и Фондот за криминални иновации молчат една недела за скандалозните проекти кои ги поддржале, грото 40.000 евра по проект, а уште посрамно е што делеле пари за рецепти за јадење и станале како списание за гурмани, истакна на денешната прес конференција портпаролот на ВМРО-ДПМНЕ Димче Арсовски. -Целиот е конкурс е поврзан со рецепти за јадење, за храна, некакви си рецепти кои ги сметаат за иновации и дебело ги плаќаат, голем дел од проектите се поделени по блиски луѓе на СДСМ и за сето тоа по 40тина илјади евра од проект плаќаат граѓаните токму за Фондот за криминални иновации, рече Арсовски. Во продолжение интегрален текст и видео од прес конференцијата на Арсовски: На пример, јавноста никогаш, ама баш никогаш не би замислила дека иновација во светот, но и овој конкурс во Република Македонија е набавка на дрон, замислете набавка на дрон е иновација, за да надлетува земоделски посеви и за тоа фондот за криминални иновации плаќа 35.000 евра. Нема ништо иновативно да отиде некоја фирма со пари и да си купи дрон. Такви дронови постојат и постојат многу одамна. Не е ништо измислено. Јас сеуште се чудам, како може да е иновација набавка на дрон, а се уште да не дознал сопругот на Мила Царовска да не аплицирал или уште подиректно прашање, како ова е иновација што чини 35.000 евра, кога фамилија Царовски надлетување со дрон за вегетација веќе имаше склучено договор во Град Скопје за многу поголеми суми? Фондот за криминални иновации и Коста Петров се олицетворение на недомаќинското работење и криминално работење на СДСМ. Наместо иновации и поддршка на млади научници, поддржуваат рецепти за храна, дебело ги плаќаат и поддржуваат набавка на дронови. Наместо поддршка на научници, поддржуваат партиски функционери на СДСМ како Миле Милановиќ и Рубинчо Зарески. И кога ќе не прашаат сите останати луѓе од светот што имате патентирано кај вас во Македонија? Ние треба да им одговориме дека сме патентирале рецепти за јадење и набавивме на дронови и тоа сме го измислиле како држава. Срамота, срамота! За сето ова мора да има одговорност! Затоа, без разлика на празните флоскули кои што ги промовираат од Фондот за иновации дека позади овие проекти стоеле, споменуваат некаков си СО на Јаху, човекот сигурно, ама сигурен сум дека самиот не видел и не го прегледал проектот за набавка на дрон или рецепта за јадење и не ставил потпис на истото тоа. Затоа, денес ги повикувам институциите, нормално доколку не се плашат и доколку не се во истата шема со СДСМ за испумпување пари од државата, да ги ревидираат тие спорни проекти, да отворат случаеви и тие што се во ред како проекти, каде што навистина има простор и треба да се поддржи некој проект, во ред, да се поддржи и да се потпишат, но тие што се спорни и што се за испумпување на пари од граѓаните веднаш да се исфрлат, а Фондот за криминални иновации и сите таму вмешани да сносат одговорност! Од Фонд за иновации направија дувло за испумпување пари на граѓаните и Фонд за криминални иновации, посочи Арсовски.

Директорот Коста Петров води тв шоу во Фондот за иновации

Магдалена Андонова — Fri, 15 Jan 2021 16:35:57 +0000

Во описот на работа на директорот на ФИТР не се предвидени надлежности кои од него бараат да креира и учествува во медиумска содржини за промотивни цели. Тој снима интервјуа во квалитетни сетови, а за маркетинг и продукциски активности Фондот потпишал договор од речиси 200,000 евра со две маркетинг агенции: Бригада Дизајн и Њу Момент. Вршителот на должност, директорот на Фондот за иновации и технолошки развој и потпретседател на СДСМ, Коста Петров, последните два месеца снима промотивни видео интервјуа со млади иноватори, кои потоа ги споделува на социјалните мрежи. Во текот на декември 2020 година и во јануари годинава, директорот Петров има снимено три интервјуа, од кои две со млади иноватори што добиле финансиска поддршка од Фондот за иновации, а во едно интервју разговара со познат иноватор, кој досега не бил корисник на таква поддршка. Интервјуата се снимаат во лежерна атмосфера, во позадина стои банерот на Фондот за иновации, а Петров на соговорниците им се обраќа во прво лице. „Се сеќавам дека се запознавме пред пет години и со кој ентузијазам ми зборуваше за идејата за Бреинстер. Во кој момент си кажа себе си, ок, доста беше од ова што сега го работам, сега сакам да започнам нешто свое, нешто ново“, го прашува Коста Петров својот соговорник. Целиот текст може да го прочитате на: ИРЛ.МК

Дали парите од Фондот за иновации ќе завршат во провладините медиуми пред локалните избори?

Тале Кристо — Sat, 09 Jan 2021 10:43:08 +0000

Во новинарските кругови наголемо се зборува дека и покрај забраната за државно финансирање на медиумите власта наоѓа начини да ги финансира оние медиуми кои што се наклонети спрема владата. Имено и покрај сопствената забрана која што власта ја донесе, пари во провладините медиуми и блиски до власта како што се зборува ќе легнат преку Фондот за инофации со кој што директорува потпретседателот на СДСМ Коста Петров, каде што и речиси и да нема транспарентност во трошењето на милионските суми кои што фондот ги има на располагање. Инаку токму Фондот за иновации беше поврзан со голем број на афери каде што фирми и луѓе блиски до власта и СДСМ добија неповратни илијадници евра. Тогаш во јавноста се крена бура од реакции откако функционери блиски до власта и СДСМ добија огромна сум на пари од Фондот за иновации и технолошки развој. Снаа на советничката на Заев добила 330 илјади евра од владата Фирмата Декодикс од Скопје од Фондот за иновации и технолошки развој на контраверзниот тендер добила грант во износ од околу 20 милиони денари или околу 330.000 евра. Меѓу сопствениците на фирмата е снаата на Цветанка Ласкова, Христина Керкез жена на Горан Кан Керкез. Сопругата на синот на Цветанка Ласкова, советничка за култура во кабинетот на премиерот Заев добила од Владата 330,000 евра за проект за информатичка технологија со наслов „Декодирај – Ме“. Доделувањето на оваа фантастична сума пари од владиниот Фонд за иновации беше скандал сам по себе, затоа што советничката на Заев е дел од владата која што ги доделува парите. Фирмата на пратеникот од СДСМ Хари Локвенец тогаш добила 162.000 евра од државата Грант од 10 милиони денари од Фондот за иновации доби печатницата „Гинис“ од Прилеп каде ко-сопственик е Хари Локвенец, пратеник на СДСМ. Парите им се доделени во првиот јавен повик за финансирање на микро, мали и средни претпријатија од Планот за економски раст – 3 столб. Она што е интересно и за кое што се говори во новинарските кругови е тоа што дека претставници на компании од медиумскиот сектор биле викани на разговори во просториите на ФИ, каде што им била ветувано финансиска помош, а со цел да се величат и промовираат политиките на владата. Според неофицијалните информации на Курир, станува збор за сума од 1-1.5 милиони евра, пари кои што треба да завршат кај провладините медиуми непосредно пред локалните избори кои што треба да се одржат на есен оваа година. Сопоред ваквите неофицијални информации, власта покрај таканаречениот нов пакет на Социјална помош спрема и поткуп на медиумите и тоа во период кога што ќе треба да се одржат локалните избори во Македонија.

Ќерка на пратеничка 6 месеци прима плата од Фонд за иновации, мајка и’ рече дека е волонтер

Ивона Петрова — Thu, 26 Dec 2019 08:28:49 +0000

Ќерка на пратеничка шест месеци прима плата од Фондот за иновации иако мајка ѝ тврди дека ќерка и нема никаков договор со оваа институција, објавува А1он. И покај тоа што Фондот за иновации, по острите критики во јавноста, на почетокот на годинава демантира дека ќерката на пратеничката е вработена кај нив, од јули, сепак, почнале да ѝ даваат плата. Ќерката на пратеничката за половина година добила 150 илјади денари, односно имала по 25 илјади денари месечна плата. Целиот текст со сите детали прочитајте го на А1он.

Цела година ЈО за организиран криминал не мрдна ниту педа во истрагата за криминалот во Фондот за иновации

Ивана Ефремовски — Thu, 25 Jul 2019 10:55:30 +0000

„Јавното обвинителство за организиран криминал ќе испитува дали Фондот за иновации и технолошки развој направил злоупотреби при доделување на грантови. Откако беа објавени низа скандалозни доделувања пари на фирми чии сопственици се вицепремиерот Анѓушев, пратеникот Локвенец и други функционери во СДСМ, обвинителство по допрен глас оформи предмет“. Оваа вест е објавена пред цела година, но и денес ова се единствените информации со кои располага јавноста. Обвинителството на 23-ти јули 2018-та година информира дека почнува истрага, но во таа истрага не е мрднато ниту со педа, а од резултатите ни трага ни глас. Затоа ли Заев ја бара Русковска? Обвинителката Русковска покажува исклучителна брзина во решавање на сличаите кога станува збор за предмети против лица од опозицијата. Од друга страна, случаите во кои треба да се гонат функционери на СДСМ, тапкаат во место. Дали во новоформирано обвинителство Заев ја предлага токму Русковска бидејќи самиот има потреба од неа, да се спаси себеси и неговите најблиски соработници? Од обвинителството без одговор: До каде е истрагата? КУРИР побара одговори од Јавното обвинителство за организиран криминал, до каде е истрагата за скандалите во Фондот за иновации. Но, одговор од таму нема! Низа скандали кои мора да се расчистат Фондот за иновации последниве години најспомнуван во јавноста е кога се зборува за скандалите и непотизмот. На списокот на доделени грантови од Фондот, освен компании на вицепремиерот Анѓушев, се најдоа и фирми на пратеници и донатори на СДСМ меѓу кои претседателот на СДСМ Кавадарци и пратеникот Хари Локвенец. Бидејќи цела една година не е решен ниту еден од скандалите, потсетуваме што има за разрешување обвинителството.

Милески: Се сомневам дека најголемата корупција и промашеност на Заевата Влада оди преку таканаречениот „Фонд за иновации“ (12.07.2019)

Се сомневам дека најголемата корупција и промашеност на Заевата Влада оди преку таканаречениот „Фонд за иновации“, вели бизнисменот и активист Роберт Милески. -Убаво би било новинарите да најдат одговор на едно едноставно прашање од јавен интерес – колку пари од граѓаните се вложени и колку работни места се создадени со нив. Во Македонија ново работно место се проценува на инвестиција од 5.000 до 10.000 евра. Која е цифрата за работно место создадено од фондот? (досега знам за 47 работни места, а се фалат како да создале десетици илјади), пишува Милески на Фејсбук и додава: „Настрана фактот што сдс јавното обвинителство со прст не мрда за очигледните коруптивни зделки преку измама за помагање на сдс апологети преку овој фонд. А тие се неколку во низа, но со време очигледно сите се забораваат. Тоа е целта, нели. Белки има некој што води евиденција“. Во меѓувреме нови скандали Освен скандалите во Фондот за иновации, обвинителството треба сериозно да се позанимава со бројни други. Додека челаме разврска за овој, се нижат и низа нови скандали. Скандали во кои се вклучени лица од владејачката гарнитура има безброј. решени случаи-НУЛА. Обвинителството е должно пред јавноста да почне да ги решава случаите, без селекција и компромиси.

ВМРО-ДПМНЕ: Им кажа ли Заев на претставниците на СБ дека додели 10 милиони евра од Фондот за иновации на функционери од власта, нивни роднини и пријатели?

Ивана Ефремовски — Tue, 04 Sep 2018 15:49:38 +0000

Дали Зоран Заев кој денеска пред преставниците од Светска банка презентираше проект за поддршка на бизнис акцелератори во висина на 1.5 милиони евра преку Фондот за иновации им кажа дека 10 милиони од овој фонд наместо како грантови за иновации завршија кај функционери на власта, нивни роднини и пријатели, прашуваат од ВМРО-ДПМНЕ. -Дали и овие 1.5 милиони евра ќе завршат во џебовите на некој партиски функционери? Знаат ли претставниците на Светска банка дека Заев работи по моделот „Евро за Вицето, евро за црквата“ кој од Струмица го преслика на цела територија на Република Македонија? Им ги покажали Заев насловните на Вашингтон пост, Мајами хералд, Си-Ен-Би-Си и другите влијателни светски медиуми кои известуваат за големите криминали и корупцијата во Република Македонија под негова власт. Со СДСМ на власт државата континуирано тоне, економскиот раст е 0%, платите паѓаат, а стандардот на граѓаните тоне. Бизнисот ее клекнат на колена. Зоран Заев нема кредибилитет да зборува за поддршка на бизнисот и создавање на услови за економски развој, бидејќи тој во изминативе 15 месеци создава само криминал. Токму затоа наместо да ја лаже јавноста треба да си поднесе оставка и да се замине пред да и нанесе преголеми штети на државата, се наведува во реакцијата на ВМРО-ДПМНЕ.

Непотизам или „коинциденција“: Синот на посебната советничка Ленче Николовска ангажиран во Фондот за иновации

Предраг Кукиќ — Thu, 23 Aug 2018 17:32:05 +0000

Душан Илиевски, познат како Душко млекарот на својот Фејсбук профил напиша дека синот на советничката за земјоделство Ленче Николовска, Илин Николовски е вработен во Фондот за иновации. -Синот на посебната советничка Ленче Николовска која советува во земјоделието Илин Николовски тајно го вработи мама Ленче во ФОНДОТ за ИНОВАЦИИ во владата. Овој фонд за иновации е при владата на Македонија претходно не постоеше ваков фонд. Само е измислен за перење пари, напиша на својот Фејсбук профил Душан Илиевски. Курир денеска побара одговор од Фондот за иновации дали е вистинита оваа информација дека Илин Николовски е вработен во таа институција. Оттаму добивме одговор дека лицето Илин Николовски не е вработено во Фондот за иновации и технолошки развој но истото е ангажирано како надворешен соработник со Договор на дело за вршење на привремени работи за потребите на Фондот. -Договорот е со временски определен рок кој истекува во декември годинава. Николовски, меѓу другото е задолжен за активности поврзани со одржување на веб страната на Фондот и поддршка во реализација на различни настани, стои во одговорот кој го добивме од Фондот за иновации. Упатените коментираат дека овој начин на ангажирање на лица со договор на дело во државни институции често се злоупотребува бидејќи неретко се исплаќаат и суми кои се неколкукратно поголеми отколку реалните што би се исплатиле за таков работен ангажман.

Ивор Мицковски: Министер си поднел оставка поради мобилен, нашиот Фонд за иновации дрзок и безобразен

Ивона Петрова — Sun, 19 Aug 2018 18:45:09 +0000

Норвешкиот министер за рибарство Пер Сандберг го понел службениот мобилен на одмор. Веднаш поднел оставка. Ова дебаклов и криминалов со Фондов за иновации нема крај, никој не презема одговорност. Напротив дрски и безобразни уште, пишува Ивор Мицковски, поранешен функционер во СДСМ, сега редовен критичар на состојбите во државата.

Арсовски: Криминалните иновации немаат крај, фирма без вработени и пред затворање добила грант од власта

Предраг Кукиќ — Sun, 19 Aug 2018 12:37:17 +0000

Помина повеќе од 1 месец откако го обелоденивме скандалот „Криминални иновации”, а криминалната влада на СДСМ нема намера да го повлече целиот криминален проект. На Владата на СДСМ треба да и се честита бидејќи е единствената што заслужува грант за иновативност, во делот на иновативен криминал, изјави на прес-конференција портпаролот на ВМРО-ДПМНЕ Димче Арсовски и додаде: „Замислете, Фондот за иновации кој еден месец се обидува да го заташка случајот глумејќи транспарентност заборави да објави неколку работи кои дополнително алудираат на тоа дека ова е најкриминалната Владата што воопшто била некогаш на власт во Република Македонија. Покриминална дури и од онаа Бранко во 90-тите. Фондот за иновации доделиле пари на 2 фирми кои се со постапка на бришење и затварање во Централниот регистар по член 552 и тоа замислете, вкупната сума што им ја доделиле на фирмите кои се пред бришење изнесува 12.370.344 денари или вкупно 201.143 евра.“ -Фирмата Омега Рисрч“ ДООЕЛ Скопје, каде што се јавува извесна млада девојка која веќе добила грант од Агенцијата за вработување претходно да ја основа фирмата, добива грант за проект за исклучителна иновација во областа на жива и органска козметика за нега на кожа, базирана на иновативна биотехнологија и Фондот за иновации за ова им доделува помош од 11.180.260 денари или 182.000 евра. Интересно е што фирмата нема ниту еден вработен, нема вработени и е во постапка на бришење, а самата фирма треба да инвестира 4.791.540 денари или 78.000 евра. Еве јавно прашуваме, бидејќи јавно прашуваме не им е јасно на никој од граѓаните како е можно фирма пред бришење во постапка на затварање со ниту еден вработен да добие грант од 182.000 евра и да инвестира самата фирма плус уште 78.000 евра? Втората фирма која е во постапка на затварање и бришење е фирмата „Мобидониа“ ДООЕЛ од Неготино која што треба да биде креатор на админ панели, добива грант од фондот во висина од 1.190.084 денари или 20.000 евра, а самата фирма треба да инвестира 520.000 денари. Како е можно фирма која е пред бришење и затварање да добие грант од 20.000 евра и да инвестира самата уште 8.500 евра, посочи Арсовски. Арсовски запраша дали ова е најсомнителниот дел од доделувањето на грантовите за „криминалните иновации”? - На кој начин овие фирми ќе ги инвестираат овие пари? Дали воопшто имало критериум од Фондот за иновации дека фирма во постапка на бришење кога аплицирала смее да добие грант? Почитувани господа, Ниедно образложение не ве пере. Докажавте дека цела влада сте најголеми криминалци. Треба да добиете награда за криминал. Да дадеш пари на фирми пред затварање и без вработени е исто како да ставаш гориво во авион со цркнати мотори. Никогаш нема да полета. Е ова е начинот на кој СДСМ се однесуваат со парите на граѓаните. 200.000 евра пари на граѓаните ги фрлаат во вода, изјави Арсовски и посочи: „Јавното обвинителство уште веднаш да го земе во предвид и овој факт за доделување на грантови во овие 2 фирми, а инволвираните во целиот процес уште веднаш да си дадат оставки за да не пречат на истрагата. Почитувани господа од Влада покажавте дека не сте достојни да водите ваква Влада. Вака не се оди во ЕУ и НАТО. На крајот, Република Македонија и граѓаните ќе победат!“