фондација „Славко Јаневски“ – Kurir.mk

Доделување на наградата „Роман на годината“ од Фондацијата „Славко Јаневски“

Ивона Петрова — Tue, 30 Aug 2022 05:43:44 +0000

Фондацијата за унапредување и промоција на културните вредности „Славко Јаневски“ вечер во 20 часот, во кафе барот „Филхармонија“ ќе ја додели наградата „Роман на годината“ за 2021 година. -Годинашен лауреат на наградата е Симона Јованоска за романот „Денот на црвот“ („Или-или“, 2021), информираат од Фондацијата. Генерален покровител на наградата е „Комерцијална банка“ АД Скопје, а наградата е поддржана од Министерството за култура на РСМ.

Прогласување на Роман на годината, во потесниот избор пет романи

Ивона Петрова — Mon, 15 Mar 2021 06:19:16 +0000

Фондацијата „Славко Јаневски“ денеска на прес-конференција ќе го соопшти името на годинашниот добитник на наградата „Роман на годината“. На годинашниот конкурс беа пристигнати 40 романи, а лауреатот ќе добие статуетка, плакета и паричен износ од 150 илјади денари. Во најтесниот избор за наградата влегоа пет романи – „Лето во кое те нема“ од Петар Андоновски („Или – или“), „Суво мастило“ од Владимир Илиевски („Македоника литера“), „Скриени желби, немирни патувања“ од Владимир Јанковски („Антолог“), „Сфинга на гневот“ од Жарко Кујунџиски („Антолог“) и „Куќа над брановите“ од Билјана С. Црвенковска („Чудна шума“). Во состав на жири комисијата беа Оливера Николова, која беше лауреат за 2019 година, Зоран Анчевски, Калина Малеска, Живко Гроздановски и Катерина Богоева. Наградата „Роман на годината“ се доделува по 22 пат, а во 2019 година наградата и беше врачена на Оливера Николова за „Песот со тажен поглед“.

Девет романи во конкуренција за наградата „Роман на годината“

Ивона Петрова — Fri, 26 Feb 2021 07:03:37 +0000

Жири-комисијата за наградата „Роман на годината“ за 2020 година во втората селекција одбра девет романи кои останаа во конкуренција за добивање на оваа престижна награда. На годинашниот конкурс пристигнаа 41 роман, а жири комисијата во првата селекција одбра 18 наслови. Според пропозициите, насловот на наградениот роман и името на авторот ќе бидат соопштени на прес-конференција на 15 март, петок. Во жири комисијата, која одлучува при изборот на романите, се Оливера Николова (минатогодишна лауреатка и претседателка на Комисијата), Зоран Анчевски, Калина Малеска, Живко Грозданоски и Катерина Богоева (претставник на Фондацијата „Славко Јаневски“). Наградата „Роман на годината“, што ја доделува Фондацијата за унапредување и промоција на културните вредности „Славко Јаневски“, годинава ќе биде врачена по 22 пат. Наградата, чиј генерален покровител е „Комерцијална банка“ АД Скопје, се состои во паричен износ од 150.000 денари, плакета и оригинална статуетка.

Фондацијата „Славко Јаневски“ ќе го објави добитникот на наградата „Роман на годината“

Ивона Петрова — Fri, 13 Mar 2020 06:16:19 +0000

Фондацијата за унапредување и промоција на културните вредности „Славко Јаневски“ денеска на прес-конференција во Кинотека, ќе го објави годинашниот лауреат на наградата „Роман на годината“.

Поради состојбата со коронавирусот, датумот на свеченото врачување на наградата дополнително ќе биде одреден.

За „Роман на годината“ може да се конкурира до 15 јануари 2020

Ивона Петрова — Tue, 24 Dec 2019 08:04:38 +0000

Фондацијата за унапредување и промоција на културните вредности „Славко Јаневски“ го распиша годинашниот конкурс за наградата „Роман на годината“ која ќе биде доделена по 21-ви пат. Конкурсот трае до 15 јануари 2020 година, а право на учество имаат сите романи кои првпат се објавени на македонски јазик во 2019 година. Романите треба да се достават во пет примероци во читалницата „Славко Јаневски“ во Скопје (ул. „Димитрие Чуповски“ бр. 23/1-1) или на поштенска адреса на Фондацијата (бул. „Кузман Јосифовски Питу“ 19/6-40, Скопје). Наградата се состои од паричен износ од 150.000 денари, статуетка и плакета. Петчлената жири-комисија ќе го соопшти лауреатот најдоцна на 15 март 2020 година. „Роман на годината“ е книжевна награда што до пред три години ја доделуваше редакцијата на „Утрински весник“.