фонтана – Kurir.mk

ФОТО: Камион пропадна во фонтаната на плоштад, оштетен плочникот, Град Скопје ќе бара надомест

Ивона Петрова — Tue, 30 Aug 2022 10:22:13 +0000

Пак пропадна камион во фонтаната на Плоштадот Макадонија во Скопје. Од утрово, на Плоштадот се поставува бина и шатори за фестивалот на пивото „Пиволенд“ кој го организира Град Скопје. Еден од камионите кој носеше опрема пропадна и фонтаната сега повторно е искршена и оштетена. Од Град Скопје велат дека приватен субјект со камион без дозвола неовластено влегол на плоштадот „Македонија“, по што е причинета штета на плочникот. Град Скопје остро го осудува овој чин и најави дека ќе ги преземе сите законски мерки за извршување на инспекциски надзор и за санкционирање. За причинетата штета врз јавните добра на плоштадот, како што се наведува, ќе се бара надомест на штета. -Ваквото однесување од страна на поединци е недозволиво и за тоа ќе се спроведат најстроги санкции, се вели во соопштението од Град Скопје.

„Фонтаната на Марин од 720 илјади евра не работи, ете толку се неспособни“

Дарко Андоновски — Mon, 03 May 2021 07:02:39 +0000

Фонтаната на Златко Марин слика и прилика на СДСМ, ова денеска преку соопштение до јавноста го истакнаа од ВМРО-ДПМНЕ.

-Фонтаната го покажува фушот, непосветеноста, површноста на СДСМ. Плочките не го покриваат несработеното и неквалитетот, па вода тече од сите страни. Златко Марин е во трка за најнеспособен градоначалник којшто некогаш раководел со една општина. Мандатот му мина без ниту еден капитален проект, секојдневни скандали, скап ПР, додека се трошат премногу евра за наместени тендери за чешми, ПВЦ врати, кошеви . И тоа малку што се обиде да изгради Марин за крај на мандатот во општина Аеродром, и тоа го направи неквалитетно и небезбедно за граѓаните. Марин буквално фрли во вода 720 илјади евра за парк со фонтана во населба Острово. Парк „Бојмија“ со фонтана ги чинеше граѓаните на Аеродром над 720 илјади евра, а за тие пари добија поплавени плочки, исушена трева и игралиште во опасност од струен удар заради неквалитетна инсталација. И тоа Марин го платил 720 илјади евра, велат од партијата.

Од таму додаваат дека 720.000 евра за парк и фонтана која што не само што не се украс на општината туку претставуваат и опасност за граѓаните.

-Не е прашање дали ваква фонтана и ваков парк заслужуваат граѓаните, туку прашање е колку навистина чини ваков неквалитет платен 720.000 евра? Парк „Бојмија“ опасен по живот и фонтаната „Поплава“ се само уште едни од низата сомнително и скандалозно потрошени пари на Марин. Вистината за сите вакви проекти наскоро ќе излезе на виделина и одговорност ќе мора да има, потенцираат од ВМРО-ДПМНЕ.

Ристески: Од прекрасната музичка фонтана до “црна дупка“ на несовесните локални власти

Ивана Ефремовски — Mon, 22 Feb 2021 20:30:42 +0000

Од прекрасна "jumping jet"-музичка фонтана(прва во Македонија)...од забава, атракција и разладување за сите генерации прилепчани и посетители, до "црна дупка", брука и глупавост на несовесните локални власти, реагира поранешниот градоначалник на Прилеп, Марјан Ристески. -Само снимката и сеќавањата останаа сведок за преубавата и уникатна фонтана, а за штетата и да не правиме муабет, рече тој.

Багep ја yништи нajyбавата фонтана во Прилеп: Нема проект што не е урнисан овие 4 години (ВИДЕО)

Ивана Ефремовски — Mon, 22 Feb 2021 16:26:14 +0000

Ете и тоа дочекаа прилепчани. Се направено во минатото да се уништи безмилосно само за 4 години. Најубавиот македонски плоштад и ѕвездената улица денеска се срам за секој прилепчанец, пишува прилепскиот портал Маркукуле. -Нема фонтана што не е уништена…нема проект што не е урнисан… Последно во озата скандали е пропаднатиот багер во фонтаната на “Арт плоштадот”, пиѓува порталот.

Несекојдневно утро за струмичани- чуден феномен се случува во фонтаната долж булеварот во центарот на градот (ФОТО)

Дарко Андоновски — Fri, 11 Sep 2020 11:20:17 +0000

Чуден феномен се случува во центарот на Струмица. Фотографиите кои кружат на социјалните мрежи ова утро укажуваат на чуден „феномен“ во фонтаната долж струмичкиот булевар. Имено во неа има сапуница, а истата извира од коритото на фонтаната и се излива надвор од неа. Надлежните засега молчат за намерната негрижа од страна на општината, погледнете.

Има ли поголема брука од тоа што градителот на дивиот објект во Чаир државата го бара на оглас?!

Ивана Ефремовски — Thu, 30 Jul 2020 07:49:23 +0000

Среде Скопје, на очиглед на граѓаните, никнува голема дивоградба, но верувале или не, државата не може да го најде сопственикот. Да биде иронијата поголема, градителот на дивиот објект во Чаир државата го бара на оглас! Општината и Градот Скопје ја убедуваат јавноста дека не знаат кој гради без дозвола кај ТЦ Мавровка. Па повторно велиме, верувале или не, во “потрагата“ се вклучи и Единицата за економски и компјутерски криминал при СВР Скопје. Од овој сектор на МВР велат дека постапуваат за нелегални градежни активности во реонот на трговскиот центар Мавровка и преземаат соодветни мерки и активности за утврдување постоење елементи на кривично дело што се гони по службена должност по чл.244-а „Бесправно градење“. Од Министерството за внатрешни работи соопштија дека за преземените мерки и активности до Основното јавно обвинителство во Скопје е доставено писмено известување согласно Законот за кривична постапка. -Единицата за економски и компјутерски криминал и понатаму презема мерки и активности во координација и по насоки на ОЈО Скопје, а по завршување на активностите и комплетирање на документацијата до Основното јавно обвинителство во Скопје ќе достави соодветен поднесок, за што дополнително ќе биде известена јавноста, се наведува во соопштението од МВР. Во последните неколку дена евидентно е дека градежните работи на објектот Фонтана се во прекин, а од петокот почна да тече рокот од 8 дена од општина Чаир со кој се известува сопственикот дека објектот е дивоградба и треба да се урне. Тендерот вреден повеќе од еден милион денари ќе се користи за уривање и на други незаконски градби и е во важност од една година. Од тие причини неговата важност ќе продожи и доколку во меѓувреме инвеститорот се пријави сам да го стори тоа. И додека се изнаоѓа решение, за обвинителството и полициијата инвеститорот останува мистерија – велат се во фаза на собирање докази за утврдување на неговиот идентитет . Градоначалникот на Чаир Висар Ганиу за Канал 5 изјави дека тој го познава кој е сопственикот и дека веќе се обидел да го исконтактира, но неуспешно. Вели дека дека неговото идентификување не е во надлежност на општината, туку на полицијата. -Јас барав преку приватни канали да дојде во општина, но не дошол. По службен пат сме ги терале сите процедури, значи од 10-ти јули таму излегол инспекторатот на лице место, потоа сме донеле решение за уривање на објектот од самиот ивнестутор, на лице место го немаше инвеститорот, немаше кој да го прими решението, па ние бевме обврзани правно да одиме во втор чекор, вели Ганиу. Но, се уште останува нејасно зошто надлежните не реагираа уште кога објектот почна да се гради..На ова Ганиу дава одговор дека општината претходно немала распишано тендер за уривање на градби, и затоа само испраќале предупредувања до инвеститорот. Најголемата брука следуваше кога стана јасно дека сопственикот ќе се бара преку ОГЛАС. Општина Чаир распишала ТЕНДЕР за уривање на дивоградбата пред трговскиот центар „Мавровка“. „Работни активности за уривање на дивоградби“ е насловот на тендерот вреден повеќе од еден милион денари што го распиша општина Чаир. Од општината појаснуваат дека се работи за тендер за избор на компанија за уривање на илегалниот објект изграден на терасата на кафулето „Фонтана“ кај ТЦ Мавровка, но избраната компанија ќе се користи за уривање и на други дивоградби. Во меѓувреме се уште се истражуваат и причините за пожарот кој настана во стариот дел на кафулето “Фонтана”, кој се случи на први мај годинава за време на полицискиот час. Локалот „Фонтана“ неодмана изгоре, а на негово место никна дивоградба, но затоа во катастарот нема промени на сопственицие на парцелите. Неколкуте поединечни парцели пред објектот Мавровка ги поседуват една фирма, сопственикот на „Франк“, парче земјиште припаѓа на Република Македонија, и една парцела има едно лице од Арачиново чијашто намена е кафуле, со ознака Б-1. Влада постизборно уште нема, но идната може да го урне објектот ако тоа не го сторат општинарите. Инспекцискиот совет, пак, седи на страна, а доколку општината Чаир не постапи согласно ингеренциите, Владата може да им ги одземе надлежностите. Во таква ситуација државниот инспекторат може а побара од министерството за транспорт и врски да им ги пренесе ингеренциите за да можат да уриваат безправно изградени објекти, објави телевизија Телма.

Тинејџер нападнат од пет лица со шише кај Фонтана во парк

Ивона Петрова — Sat, 20 Jun 2020 12:37:09 +0000

На 20.06.2020 во 01.20 часот во СВР Скопје, Б.П.(19) од Скопје пријавил дека во 00.30 часот во Градскиот парк кај фонтаната на бул.“Илинден“ додека бил заедно со А.М., по претходно недоразбирање бил физички нападнат со стаклено шише од пет непознати лица, информира МВР. Се преземаат мерки за расчистување на случајот.

„Бројот на заразени со коронавирус во Ломбардија се зголеми за околу 2.500“

Тале Кристо — Thu, 26 Mar 2020 15:52:55 +0000

Милано, 26 март 2020 (МИА) – Бројот заразени со коронавирусот во северниот дел на Италија, Ломбардија, во кој се наоѓа финансиски центар Милано, денеска е зголемен за околу 2.500, соопшти регионалниот гувернер Атилио Фонтана. – За жал, денешните бројки не се добри. Постои нагло зголемување од претходните денови, изјави Фонтана и додаде дека прелиминарните бројки покажуваат оти вкупниот број на случаи во областа се зголемил за околу 2.500 за еден ден. Бројот на заразени во Ломбардија вчера се зголеми за 1.643 на 32.346.

На плус 40 степени: Чешмите и фонтаните за пиење вода на најфреквентните места во Скопје не работат

Катерина Бојаџиева — Mon, 12 Aug 2019 07:06:02 +0000

Граѓаните мака мачат со пеколното време. Оние кое не заминаа на одмор не можат да се разладат ниту во центарот на градот. На плус 40 степени, на најфреквентните места, дел од чешмите за пиење вода не работат. Сува е чешмичката во паркот на Франкофонијата. Кај МЕПСО, пак, граѓаните фонтаната ја претвориле во контејнер. Има и такви каде што водата не е за пиење, пренесува Скопјеинфо. Сепак дел од препораките на докторите се токму граѓаните да носат со себе шише обична вода, бидејќи тоа најмногу помага. Толото време ги вжешти и телефонските линии на Брза помош- за 30 проценти се зголемиле интервенциите. Oд Управата за хидрометеоролошки работи информираат дека темпертури од портокалова фаза ќе се задржат и во наредната недела, поради тоа да се избегнува дирекна изложеност на сонце, после 10 часот.

Крадел парички од фонтана во Рим- ќе плати глоба од 550 евра

Катерина Бојаџиева — Mon, 15 Jul 2019 08:47:14 +0000

Холанѓанец, кој бил фатен како зема парички фрлени во ренесансната фонтана на Рим, ќе мора да плати казна од 550 евра. Полициските службеници го фатиле „на дело“ во раните утрински часови, соопшти локалната полиција во неделата, пренесува агенцијата „Ansa“. Триесет и шестгодишниот маж влетал во Фонтана дел Моро на плоштадот Навона, на кој се собираат туристи кои ја разгледуваат италијанската престолнина и вообичаено фрлаат парички во римските фонтани за среќа. Откако Холанѓанецот сфатил дека го забележале полицајците, се обидел да ги сокрие монетите, се наведува во полициското соопштение. Римскиот градски совет од неодамна воведе строги правила за недозволено однесување во јавноста, како што се капење во фонтаните и консумирање алкохол на улиците по 23 часот.