форест гамп – Kurir.mk

Кутијата чоколатца од „Форест Гамп“ заработи 25.000 долари на аукција

Ивана Ефремовски — Tue, 14 Feb 2023 07:29:05 +0000

Познатата кутија со чоколадни бонбони од филмот „Форест Гамп“ со Том Хенкс од 1994 година, е продадена на наддавање за 25.000 долари. Кутијата, потпишана од Хенкс, е означена дека тежи 23 унци (650 грами), иако кутијата била наполнета со само четири унци песок, за да не падне од скутот на глумецот при снимањето. Американскиот бренд „Рипли, верувале или не!“ го купи добро познатиот реквизит навреме за Денот на вљубените. Оскаровскиот филм „Форест Гамп“ ја следи приказната на истоимениот лик кој, по игра на судбината, се пробива низ многу од најголемите настани од средината на 20. век. Ова остварување освои шест „Оскари“ во 1995 година, меѓу кои и за најдобар филм, најдобар режисер и најдобра главна машка улога - за Хенкс. Заработи 678 милиони долари ширум светот за време на неговото првично прикажување во кино. Друг предмет како сувенир што го купи „Рипли“, е личен рачно бележан адресар којшто му припаѓал на менаџерот на „Битлси“ - Брајан Епстин. Книшката ги содржи адресите и телефонските броеви на бендот, како и, на пр., оние на сер Мик Џегер. (МИА)

Почина Винстон Грум – авторот на „Форест Гамп“

Ивона Петрова — Fri, 18 Sep 2020 08:07:01 +0000

Авторот на книгата „Форест Гамп“ – Винстон Грум почина во неговиот роден град Ферхоуп, Пенсилванија, САД. Имаше 77 години. Ова официјално го соопшти и градоначалничката Карен Вилсон.Форест Гамп — Википедија „Со голема тага ја објавувам смртта на нашиот драг пријател Винстон Грум. Ферхоуп денеска загуби легенда”, напиша Вилсон на Фејсбук. Романот објавен 1986 година, стана најпопуларно дело на писателот, благодарение на филмот „Форест Гамп“ со Том Хенкс, којшто освои шест Оскари. Книгата раскажува за млад човек со умствена попреченост, кој се издигнува над животот. Во 1995 година, Грум го напиша продолжението „Гамп и пријателите“. И за него се предвидуваше филм, но тој не беше снимен.

Како Оливер Драгојевиќ ја дочека Новата година?

Ивона Петрова — Tue, 02 Jan 2018 10:45:07 +0000

Добар е, добро се држи. Се слушнавме за Нова година. Ми кажа дека на телевизија ќе го прикажуваат неговиот омилен филм „Форест Гамп“. Рече дека обавезно ќе го гледа, вели за хрватските медиуми блискиот пријател и соработник на Оливер Драгојевиќ, Ненад Дробњак. Хрватскиот пејач кој боледува од рак на белите дробови, Новата година ја дочекал со семејството. Од болница излегол минатиот петок по еден месец поминат таму. -Среќен е, како нема да биде. Месец дена беше во болница. За Божиќ на кратко ни дојдоа децата. Сега е сезона на настинки, па го чуваме да не фати некој вирус, вели сопругата на Оливер, Весна. Пред неколку дена го однеле Оливер на сплитското пристаниште за да го види својот брод и морето. -Не може тој без своето море, вели Весна која додала дека со сопругот прошетале по пристаништето додека било сончево и топло.