формула 2 – Kurir.mk

Шумахер: Подготвен сум за Формула 1

Ивона Петрова — Sun, 25 Oct 2020 12:51:46 +0000

Возачот на Формула 2, Мик Шумахер, син на седумкратниот светски шампион во Формула 1, Михаел Шумахер, прокоментира дали е подготвен да ги следи стапките на неговиот татко до пробив на највисоко ниво во мотоспортот. Мик е лидер во рангирањето на Формула 2, и веќе има освоено една титула во Формула 3 во својата кариера. – Се чувствувам апсолутно подготвен за следниот чекор. Не кријам дека Формула 1 е мојот сон. Ако добијам можност во 2021 година, нема да се откажам од тоа. Што се однесува до мојот стил на возење, тешко ми е да зборувам за тоа. Многу зависи од машините. Тешко ми е да кажам дали мојот стил е сличен на оној на татко ми, изјави младата надеж на Германија во мотоспортот.

Хулкенберг: Прашање на време е појавувањето на Мик Шумахер во Формула 1

Ивона Петрова — Wed, 26 Aug 2020 09:40:06 +0000

Возачот во Формула 1, Нико Хулкенберг смета дека транзицијата на возачот во Формула 2, Мик Шумахер во Формула 1 е неизбежна. – Mислам дека настапот на Мик во Формула 1 е прашање на време. Порано се тркав со Мајкл, а сега би сакал да се натпреварувам со неговиот син, изјави Хулкенберг. Напредокот на Шумахер јуниор го следи и раководството на Ферари. Според Матијаја Биното, преминувањето во Ф1 во 2021 година ќе биде „логичен чекор“. – Почнувањето во мал Ф-1 тим ќе биде логичен чекор за Мик Шумахер во 2021 година, смета Биното. Во исто време, поранешниот пилот на Ф1 и двократен победник на 24 часа на Ле Ман Јирки Јeрвилехто забележува дека германскиот возач сè уште не покажал извонредни резултати: „Несомнено, во моментот, Роберт Шварцман е посилен. Шумахер има име, но тој допрва треба да го достигне нивото што луѓето го очекуваат“. Во Формула 2 водат возачите на Академијата Ферари: Калум Илот ја зазема првата позиција, Шварцман – втората. Шумахер е со 42 бода зад лидерот и е на петтата позиција.

ВИДЕО: Тежок судир на Ф2 патеката, двајца возачи пренесени во болница

Ивона Петрова — Mon, 30 Sep 2019 07:57:54 +0000

Судир се случи на трката од Формула 2 за големата награда во Русија. Возачите Нобухара Мачушита и Никита Мазепин по сударот веднаш биле пренесени во болница. По деталните прегледи на двајцата возачи било утврдено дека ниту еден од нив нема посериозни и тешки повреди.

Here's the heavy crash Mazepin and Matsushita had. Thank God both are unhurt. #F2 pic.twitter.com/AgOVmwMbqx
— F1 Feeder Series (@F1FeederSeries1) September 29, 2019

ТРАГЕДИЈА: Млад возач од Формула 2 почина во страшен судир (ВИДЕО)

Ивана Ефремовски — Sat, 31 Aug 2019 18:23:40 +0000

Францускиот пилот во Формула 2, Антоан Хуберт го загуби својот живот по катастрофалниот судир на денешната трка на легендарната патека СПА Франкошамп. 22 годишниот Французин се заби во заштитната ограда, а потоа на него налета колумбискиот возач Хуан Мануел Кореа со брзина од 275 км/ч. Хуберт веднаш бил префрлен во медицинскиот центар на патеката, каде во 18:35 часот по локално време, како што потврдија од ФИА им подлегнал на повредите. Кореа пак е во стабилна состојба, но детали за неговите повреди се уште нема. Трката по несреќата беше стопирана, а потоа и откажана, со што стана јасно дека состојбата на Хуберт е загрижувачка.