Формула Е – Kurir.mk

Перез се радува на голема победа во Монако

Бошко Тасиќ — Sun, 29 May 2022 16:40:51 +0000

Серхио Перез се радува на голема победа на ГН на Монако, откако возачот на Ред Бул со одлична стратегија стигна до триумф пред Карлос Саинц и Макс Верстапен. Лошата стратегија на Ферари придонесе тој да заврши само како четврти. Трката започна под безбедносно возило поради дождот, а откако патеката почна полека да се суши, Серхио Перез беше тој кој прв ризикуваше и влезе во бокс. Потегот на крајот се покажа како клучен, Мексиканецот се најде на чело на колоната откако и ривалите влегоа да ги променат гумите. Шарл Леклер најмногу загуби и од првото место падна на четвртото, возачот од Монако пцуеше по своите механичари кога му стана јасно каква грешка направиле. До крајот немаше многу драма на патеката, освен кога Мик Шумахер се заби во бариерата и неговиот дел се распарчи на два дела, но за среќа Германецот помина без повреди. Во бодови денеска уште завршија и Расел, Норис, Алонсо, Хамилтон, Ботас и Фетел.

Сараево кандидат за трка во Формула

Даниел Василев — Tue, 08 May 2018 19:30:21 +0000

Главниот град на Босна и Херцеговина е во финален избор за домашна трка во Формула Е во наредниот јуни, а градоначалникот Абдула Скака вели дека се е во завршна фаза. Скака вели дека преговорите се водат активно веќе шест месеци и оти е голем бројот на градови кои се натпреваруваат за оваа атракција. Формула Е е електрична формула која по четири сезони ја промовираат поранешни возачи на Формула 1, како Ники Хајдфелд, Себастијан Буеми, Жан Ерик Верн, Камуи Кобајаши и Нелсон Пике Џуниор. Натпреварувањето е организирано од Меѓународната автомобилска федерадија (ФИА), а првата трка пред четири години се возеше во Пекинг. Секој од возачите имаат на располагање два автомобили зашто батеријата на едниот не можат да ја издржат целата трка. Целта е промоција на зелената технологија, па трките се возат во градски средини. Во моментот има десет тима и 20 возачи со 40 болиди, а брзината на овие болиди е до 200 километри на час.