формула – Kurir.mk

„Формула 2-2-2“ за посреќен брак

Катерина Бојаџиева — Wed, 01 Mar 2023 15:28:08 +0000

Лошата љубовна врска или брак може да биде прилично голем стрес. Психологот Кимберли Хершенсон, во таа смисла ја препорачува „Формулата 2-2-2“. Тоа значи следново - треба да излезете со девојката, момчето или сопружникот еднаш во две недели, да отпатувате некаде за викенд на секои два месеци и да одите некаде на една недела на секои две години. - Мислам дека ова е одлично. Покрај почитта, тогаш ќе имате навистина одличен брак, а тоа најчесто значи - да минувате повеќе време заедно. Тоа, за жал, многу луѓе го забораваат. Имав можност да работам со парови кои биле пред развод кога решија да ја пробаат „Формулата 2-2-2“. Состојбата обично оди кон подобро и луѓето се откажуваат од разводот, појасни психологот и советник за брак, во интервју за „Фокс њуз“. Таа нагласи дека двојките комуницирале многу подобро и поподробно научиле што се случува во животот и главата на другиот крај себе. Универзитетот во Џорџија во САД пред неколку години спроведе истражување што покажа дека зборот „благодарам“ е еден од клучните предуслови за среќен брак. Во истражувањето, 468 лица кои биле во брак, одговарале на прашања во врска со финансиите, комуникацијата и благодарноста кон неговиот партнер.

Полицијата трага по возачот кој со „ФОРМУЛА“ возеше на автопат во Чешка (ВИДЕО)

Ристе Здравков — Mon, 15 Aug 2022 09:07:00 +0000

Возачите на автопатот во Чешка беа изненадени кога забележаа „формула“ зад, до, но и пред нив. Чешката полиција соопшти дека трага по возачот на „формула“, кој со голема брзина се движел по чешкиот автопат. Социјалните мрежи беа преплавени со видео снимки од возачи на автопат кои ги престигнува Формула 1 болид.

Someone took an old GP2 car on a highway joyride in the Czech Republic.

Police have not been able to identify the driver and are looking for him.

📸: @MigueluVe pic.twitter.com/rNgr8j87H0
— Dan - EngineMode11 (@EngineMode11) August 14, 2022

Снимката доаѓа од автопатот кај Прибрам во Чешка, а припадниците на полициската служба бараат помош од граѓаните доколку имаат повеќе информации. Анализирајќи го болидот, јасно е дека не се работи за болид од Формула 1, туку за постар модел на автомобил GP2, кој е забрането да се вози по јавни патишта.

Судирот на Грожан се случил со брзина од 221 км/ч

Тале Кристо — Mon, 30 Nov 2020 07:25:55 +0000

Формула 1 тимот Хас сподели информации за здравствената состојба на Ромен Грожан, кој вчера имаше сериозна несреќа на почетокот на трката за Големата награда на Бахреин. Шефот на тимот Гинтер Штајнер, кажа дека испитувањето потврди дека Грожан се спасил од фрактурата. Лекарите се занимаваат со закрепнување на Французин од изгореници на неговите раце. Исто така се известува дека судирот се случил со брзина од 221 км/ч. Грожан од болница порача дека се чувствува добро и се заблагодари на поддршката која ја добива од сите страни на светот.

Ферари демантира: Никогаш не сме рекле дека ја напуштаме Формула 1

Ивана Ефремовски — Fri, 24 Apr 2020 09:06:31 +0000

Во последните неколку дена бројни странски медиуми пренесоа дека италијанската екипа Ферари сериозно размислува да го напушти најбрзиот циркуз на светот – Формула 1. Истите, наведуваат дека Ферари силно се противел за ограничување на буџетот од 2021 година, па дури таква изјава дал директорот на тимот. Сепак, Ф1 гигантот веднаш ги демантираше овие шпекулации и соопшти дека Матио Биното никогаш не кажал такви зборови. -Такви зборови Биното никогаш не кажал. Напротив, тој рече дека не сакаме да бидеме во позиција да разгледуваме различни можности, туку сме насочени само кон продолжување на учеството во формула 1, рече Маринело, потпаролката на Ферари. Поради пандемијата со коронавирусот Формула 1 не ја отвори новата сезона, а досега се откажани девет трки. Веќе се кројат планови како и кога да започне сезона, која најверојатно ќе трае помалку од предвиденото.

Астрономска сума: Мерцедес му нуди на Хамилтон договор со бројки какви што Ф1 не памети!

Ивана Ефремовски — Thu, 05 Mar 2020 13:11:26 +0000

Британскиот возач Луис Хамилтон ќе биде неверојатно богат кога ќе го потпише новиот тригодишен договор со Мерцедес. Хамилтон долго време размислува дали ќе потпипе нов договор со својот долгогодишен тим, а многумина сметаат дека се уште не одлучил дали сака да премине во Ферари. Не е тајна дека Ферари сака да го доведе. Британецот претходно најави дека во текот на зимото ќе донесе одлука за од март да може да се сконцентрира на новата сезона. До потврда се уште не дошло, но на големо се шпекулира дека одлучил да остане во Мерцедес кој му нуди астрономски договор. Британски „Сан“ објави дека Мерцедес на Хамилтон му нуди 60 милиони фунти годишно. И тоа станува збор за тригодишен договор што значи дека неговата вкупна заработка ако стави потпис за три години ќе биде 180 милиони фунти. Во овој момент Хамилтон добива 40 милиони фунти годишно и актуелниот договор му има важност до крајот на оваа сезона. Извор: СПОРТСКИ

Формула 1 го претстави логото за сезоната 2020

Ивана Ефремовски — Wed, 01 Jan 2020 13:01:10 +0000

Формула 1 го објави логото за 2020 година, посветено на 70-годишнината од првиот шампионат. Различни опции за лого ќе се користат во текот на целата сезона. Првото првенството во Формула 1 се одржува од 1950 година. Оттогаш 33 пилоти станаа светски шампиони, 108 – победници на Гран при. Вкупно, на трките во Формула 1 учествуваа 764 тркачи и 150 екипи. Новото лого ќе се користи од 6 јануари. (МИА)

Формула 1 го враќа црно-белото знаме

Ивана Ефремовски — Thu, 05 Dec 2019 17:22:59 +0000

Од следната сезона во Формула 1 шампионатот, карираното црно-бело знаме повторно ќе биде сигнал дека една трка е завршена. Светската автомобилска асоцијација, ФИА, за оваа сезона која штотуку заврши, одлучи светлосен панел да го означува крајот на трките, но тоа донесе повеќе полемики отколку реално подобрување. Особено на трката во Јапонија имаше проблем, бидејќи грешка во системот означи крај на трката на еден круг до крајот, но возачите продолжија да возат и знаеја дека работата не е завршена. Сега на состанокот на ФИА одлучено е да се врати црно-белото знаме како дефинитивен сигнал. И во 2019 година имаше знаме, но светлосниот панел беше официјалниот сигнал дека трката е завршена.

Хорор судир на Ф3 трката (ВИДЕО)

Ивана Ефремовски — Sun, 18 Nov 2018 15:56:55 +0000

Макау ГП трката од Формула 3 шампионатот е прекината, по апсолутно неверојатниот судир на тркачката Софија Флерш, која буквално со својот болид излета од патеката. Флерш, која вози за тимот на Ван Амесфорт, ја загуби контролата на болидот откако и се откачи тркалото и излета преку возачот Шо Цубои и удри во делот за фотографите. Засега не се јавуваат детали околу состојбата на германската тркачка, ниту на маршалите и гледачите, иако од тимот на Флерш објавија дека таа е „добро“.

Рикардо ја освои пол-позицијата во Мексико

Ристе Здравков — Sun, 28 Oct 2018 09:14:01 +0000

Возачот на Ред Бул, Даниел Рикардо, ја освои пол-позицијата на квалификациите пред трката за Големата награда на Мексико. Тимот на Ред Бул доминираше на патеката и на второто место заврши неговиот клупски колега Макс Ферстапен. Од третата позиција ќе стартува лидерот во генералниот пласман Луис Хамилтон од Мерцедес, додека најголемиот негов конкурент возачот на Ферари, Себастијан Фетел, беше четврти. Трката за ГН на Мексико се вози денеска во 20:10 часот.

Младиот херој: Без нозе пристигна до подиумот во Формула 3 (ФОТО)

Ивана Ефремовски — Sun, 01 Apr 2018 11:34:32 +0000

Младиот британски возач Били Монгер доживеа тешка несреќа минатиот април во Формула 4, после што му беа ампутирани двете нозе. Една година подоцна 18 годишниот Британец се врати на стазата во Формула 3 и на првата трка заврши на фантастичното трето место. Монгер и покрај тешките повреди минатата година на „Донингтон парк“ не се откажа од автомобилизмот туку му се врати со уште поголема жар и борбеност. Во меѓувреме тој добиваше подршка од многу возачи од Формула 1, а собрани беа повеќе од милион долари за помош на младиот возач. На Монгер му беа вградени протези место нозе, а за неговите потреби тимот на Карлин направи специјално возило, пишува Спортски.мк. Младиот Британец дебитантската трка во Ф3 ја заврши на третото место со 4.093 секунди поспоро време од првопласираниот Линус Лундквис.