фотограф – Kurir.mk

ВИДЕО: Се огласи фотографот кој беше турнат од Серхио Рамос: Изненадување…

Ристе Здравков — Fri, 17 Feb 2023 12:53:11 +0000

Фудбалерот на ПСЖ, Серхио Рамос нападна фотограф по мечот со Баерн во Лигата на шампионите, кој се огласи на Инстаграм по инцидентот. „Вечерно изненадување. Серхио Рамос лично ме контактираше и ми се извини за неговото однесување. Извинувањето прифатено, случајот затворен“, напиша фотографот Маркус Гилијар. Да потсетиме, поранешниот шпански репрезентативец насилно со двете раце го оттурна фотографот кој, како што може да се види на видеото, ненамерно го вознемири. ПСЖ загуби од Баерн со 1:0 на својот стадион, „Паркот на Принцовите“. Пред реваншот, германскиот тим е фаворит за минување. Рамос (36) го започна натпреварот од првата минута. По натпреварот и конфликтот со фотографите, тој проговори и за својата иднина. Имено, неговиот договор истекува на крајот од сезоната, а тој изјави дека се уште не знае дали ќе го продолжи.

Estás currando como fotógrafo en un partido de fútbol, intentando sacar la mejor imagen, y el payaso de Sergio Ramos te mete un empujón porque te has tropezado con él. Menudas ínfulas tiene este analfabeto. pic.twitter.com/gGUvbvGQ58
— PabloMM (@pablom_m) February 15, 2023

Искусен фотограф за свадби откри три детали кои укажуваат дали бракот ќе трае

Ивона Петрова — Tue, 01 Nov 2022 12:47:45 +0000

Американската тиктокерка Шајла Херингтон открила три работи кои наводно укажуваат дека бракот е осуден на развод веќе на денот на свадбата. Трите детали кои укажуваат дека бракот е во опасност од првиот ден и ги открил искусен свадбен фотограф со кој работела, а кој ги забележал во неговото долгогодишно искуство. Според него, првиот знак дека двојката веројатно нема да издржи е ако еден од сопружниците направи повеќе од три фотографии без партнерот. - Ова некако ми е логично. Малку е сомнително да го исфрлите партнерот на повеќе од три фотографии само за да добиете уште неколку со мама и тато - коментира таа. -Друг показател се девериците или пријателите на младоженецот кои избегнуваат да зборуваат за сопружникот кога се подготвуваат, наздравуваат или што било друго - што укажува, објаснува фотографот, дека не им се допаѓа брачниот другар. -Третиот показател дека бракот нема да трае, што таа го наведе е кога двојката поминува повеќе време со семејството и пријателите отколку еден со друг во текот на денот.

Почина снимателот и фотограф Лука Суша

Дарко Андоновски — Thu, 20 Oct 2022 15:09:25 +0000

На седумдесет и двегодишна возраст денеска почина фотографот и снимател Лука Суша. Роден е во Скопје, живеел и се школувал ширум поранешна Југославија. Негови фотографии се објавени на страниците на бројни дневни и неделни изданија на поранешна СФРЈ, како „Политика“, „Борба“, „Базар“…а долги години беше и снимател во А1 телевизија. Во 2017 година од Универзитетот за аудиовизуелни уметности, Европска филмска, театарска и танцова академија ја доби традиционалната награда „Љубе Цветановски“ заедно со Зоран Костески.

Фотографиите на Рафески ќе ви го одземат здивот: Апелира природата во Македонија да се зачува бидејќи таа ни дава живот (ВИДЕО)

Дарко Андоновски — Mon, 06 Sep 2021 17:57:00 +0000

Македонскиот фотограф Влатко Рафески во видеото кое го направи „Никон“ преку фотографиите од природните убавини во Македонија апелира да се зачува природата затоа што таа ни дава живот. -Драги пријатели, Во соработка со Nikon Македонија направивме видео за мене, Nikon опремата која ја користам, како и за пејсажната фотографија отсликана на неколку локации вам веќе познати на Шар планина. Видеото дава еден приказ за тоа како изгледа еден мој фотографски ден на планина, како и дел од моите фотографии што произлегуваат од планинските авантури и патешествија. Голема благодарност до Igor Cvetkovski кој се погрижи за видеото да биде по сите светски стандарди. Време е да ја унапредиме свеста во зачувување на природата, зошто таа ни дава живот, а за возврат да ја фотографираме нејзината убавина и да ги инспирираме и мотивираме сите генерации да бидат дел од неа, стои во неговиот пост на Фејсбук.

ФОТО: Фотографирал бранови и во нив се појавил ликот на познатиот бог на морето

Ивона Петрова — Fri, 09 Jul 2021 10:49:52 +0000

Фотографот на Би-Би-Си, Џеф Оверс овековечил момент при удар на бран во пристаниште. Според пишувањата, на фотографијата се покажало лицето на римскиот бог на морето, Нептун. Оверс истакнал дека фотографијата е снимена околу девет часот наутро и дека ударите на ветерот биле со јачина од околу 80 километри на час. -Ова стана популарна локација за фотографите бидејќи морето буквално врие при силен ветер. Брановите удираат во пристаништето и повремено прават облик кои изгледаат како лица, вели Оверс. Објаснува дека воопшто не ја менувал фотографијата односно на неа ништо не менувал. Фотографијата е настаната на брег во источен Сасекс за време на бура.

ФОТО: Над Тексас се појави необичен светлосен феномен

Ивона Петрова — Tue, 18 Aug 2020 09:22:45 +0000

Понекогаш за време на грмотевици на небото може да се забележат светлосни феномени кои со својата форма потсетуваат на џиновска црвена медуза. Во јули, научник од опсерваторијата „Мек Доналд“ во Тексас снимил ретко видено црвено електрично празнење кое е наречено „црвен виленик“. За разлика од обичните молњи, „црвениот виленик“ се јавува многу високо меѓу 50 и 90 километри над облакот со грмотевици. Имаат разни облици и видови на сјај, наведува Европската вселенска агенција. „Црвениот виленик“ тешко се снима со камера, нивната појава трае само неколку милисекунди и често не се забележува со голо око, туку со посебни камери. Фотографот Стефен Хумел, кој специјализирал снимање на ноќно небо, на 2-ри јули во Тексас успеал да сними спектакуларна фотографија на овој необичен светлосен феномен. Хумел истакнал дека оваа година снимил 70 часа видеоматеријал и фотографии и "фатил“ околу 70 "црвени виленици“, а половината од нив биле за време на една олуја.

#ENVIRONMENTCLIMATE Magnificent Red Jellyfish Sprite Photographed During A Storm in Mount Locke https://t.co/NhiWKkpOIr pic.twitter.com/YkcbCXAPAm
— ScienceTimes (@ScienceTimesCom) August 17, 2020

Инфомакс: Министерството за финансии и една национална телевизија нови кластери на КОВИД-19?

Дарко Андоновски — Tue, 16 Jun 2020 20:49:32 +0000

Личниот фотограф на министерката за финансии, инаку вработена во една национална телевизија била позитивна на коронавирус и за тоа криела додека одела на работа, објавува Инфомакс. Вака барем тврди твитот во кој се вели дека фотографот на Нина Ангеловска присуствувала и на неколку брифинзи со новинари, но одела и на работа во телевизијата каде што работи. „Инфомакс.мк“ испрати прашања до министерството за финансии во врска со случајот, но до затворањето на овој текст, одговор се уште немаме.

Се слуша дека личниот фотограф на Нина Групер имала корона за тоа криеала иако знаела, одела на работа во министерство на работа во телевизија каде е редовно вработена, а одела и на брифинзи со новинари...
— Charles Boycott (@JohnnyParka) June 16, 2020

Целиот регион ја осудува, но таа упорно дрско провоцира: Карлеуша нападна фоторепортер, а кога ќе видите каде го фати ќе ви се слоши (ФОТО)

Дарко Андоновски — Thu, 05 Sep 2019 12:50:18 +0000

Јелена Карлеуша вчера се појави на суд каде имаше две судења, едното со Светлана Цеца Ражнатовиќ, а другото со Оњен Врањеш. По завршување на рочиштата пејачката излегувајќи од судот направи инцидент за кои зборува целиот регион. Имено таа излегувајќи од судот со својот адвокат, го бутна и фати за врат еден од фотографите кои ја фотографираа пред судот. Тие покрај тоа што и рекле само добар ден, добиле дрско однесување од пејачката, па дури и физичка пресметка со еден од фоторепортерите. -Престанете да ми го блокирате патот, рекла дрската Јелена. Оваа нејзина постапка ја осудија многумина, а по оваа таа напиша на својот Инстаграм профил дека единствен начин е да се исели од државата или да се бори со медиумската војна која со месеци ја водат новинарите против неа.

Семејство плаќа 80.000 фунти за фотограф да ги следи на патување околу светот

Предраг Кукиќ — Mon, 10 Dec 2018 13:39:51 +0000

Анонимно семејство од Велика Британија кое сака да го пропатува светот, бара „лајфстајл“ фотограф кој за 80.000 фунти годишно би ги следел на тоа патување и фотографирал. Огласот е објавен на Perofocal. Сите трошоци, патувања, храна и сместување ќе ги покрие семејството какоо и 30 денови одмор. Патувањата може да почнат во февруари, а огласот е окарактеризиран како „добра шанса за која е потребна голема посветеност“. Се бара фотографот да работи по 10 часа дневно.

Едвај спаси жива глава: Среќниот фотограф врз кои скокнаа хрватските фудбалери направи историски фотографии, но доби и бакнеж (ФОТО)

Дарко Андоновски — Thu, 12 Jul 2018 08:27:28 +0000

Откако Марио Манџукиќ на крајот од првото продолжение го постигна победничкиот гол за Хрватска против Англија „коцкестите“ се занесоа па голот го прославија на најлуд можен начин. Фудбалерите скокнаа врз Манџукиќ, но подебелиот крај го извлекоа фоторепортерите кои мораа во исто време да спасуваа жива глава, но и да направат историски фотографии.

One day ill get a kiss from a World Cup player while covering a game ??#Goals pic.twitter.com/UY29IUrbJJ
— Wiso Vazquez (@WisoVazquez) July 11, 2018

Хрватите ветија дека ќе ја платат оштетената опрема, но она што останува вечно се овие фотографии, погледнете.