фотографирање – Kurir.mk

УЖАС: Гром усмрти младоженец при фотографирање

Ивона Петрова — Mon, 29 Aug 2022 06:42:52 +0000

Силен удар на гром уби маж за време на сликањето пред неговата свадба, во југозападна Кина, иако на местото на несреќата набрзо пристигнале службите за итна помош. Човекот се фотографирал со својата избраничка додека траело невреме со грмотевици. Турист кој се нашол на местото на несреќата вели дека цело попладне врнело дожд. – Големата среќа се претвори во голема трагедија. Не можеме ни да замислиме колку е тоа болно за невестата. Можеби една секунда пред тоа, таа и нејзиниот вереник зборувале за нивната романтична свадба и со нетрпение го очекувале среќниот живот пред нив. Но, блесок од гром ги раздели!, рече очевидецот. Жртвата била брзо пренесена в болница, но лекарите не можеле да го спасат несудениот младоженец. Нема други повредени.

Младо момче сакало да се фотографира но се лизнало и паднало – неговото тело пронајдено без знаци на живот

Магдалена Андонова — Sat, 29 Jan 2022 10:47:01 +0000

Ричард Џејкобсон (21) во понеделникот пешачел во паркот „Изгубен Холанѓанец“, а животот го загубил откако се обидел да се фотографира. Неговото тело е пронајдено на 200 метри под Рамната железна патека, пишува Си-Ен-Ен. Пријател со кој кампувал ја повикал итната помош околу 00:45 часот и рекол дека Џејкобсон отишол до работ на патеката „да се фотографира“ и дека се лизнал. Според истражувањето од 2018 година, објавено во списанието „Journal of Family Medicine and Primary Care“, од 2011 до 2017 година, повеќе од 250 луѓе ширум светот починале обидувајќи се да направат селфи. Пол Бланко, еден од пријателите на Џејкобсон од детството, рече дека бил шокиран кога слушнал што се случило. – Само во еден момент почна да ми ѕвони во ушите. Не можев да прифатам дека тоа се случи – рекол Бланко и додал дека Џејкобсон учествувал во верски мисии во Јута и Вашингтон.

Ванеса Брајант ги пронајде полицајците кои се фотографирале со мртвото тело на Коби – јавно ги објави нивните имиња и покрена тужба (ФОТО)

Магдалена Андонова — Thu, 18 Mar 2021 10:56:30 +0000

Ванеса Брајант, сопругата на трагично загинатата легенда на кошарката Коби, покрена тужба против четворица полицајци кои се сликале и понатаму разменувале фотографии од остатоците на асот на Лејкерс. Вдовицата на Коби Брајант, кој загина во хеликоптерска несреќа со нивната 13-годишна ќерка Џијана и седум други членови на екипажот пред нешто повеќе од една година, покрена тужба против округот Лос Анџелес. Шерифското одделение на овој град, противпожарната служба, се во центарот на напади, а особено одговорни ќе бидат четворица полицајци, кои се обвинети за нарушување на приватноста и небрежноста откако направиле и споделиле фотографии и снимки на мртви деца, родители и тренери. Таа бара и компензација за душевната болка, а во тужбата што ја објави на својот профил на Инстаграм се наведени имињата на четворица полицајци кои се обвинети дека учествувале во фотографирање на жртвите. Ванеса изнесе вознемирувачки детали за тоа како го повикала шерифот Алекс Вилануева по несреќата. Таа му рекла дека се плаши дека местото на несреќата не е заштитено од фотографирање, тој и тврдел дека полициските службеници го обезбедиле местото. Бизарна работа е што луѓето кои биле испратени да го заштитат местото од фотографирање на остатоците на Коби, неговата ќерка, како и другите членови на екипажот, го прекршиле нивниот авторитет и ги фотографирале остатоците со нивните приватни телефони. Тие фотографии не биле за целите на истрагата за несреќата, се сомнева дека се направени помеѓу 25 и 100 фотографии. Најмалку десет полицајци добиле фотографии во рок од 48 часа. Прво се дозна сè во еден бар, полицијата се фалела со „материјалот“, а безбедносните камери ги снимиле моментите кога овие материјали беа зумирани на телефон. Еден келнер тоа го разгласил, а сопственикот на локалот го пријавил случајот кај шерифот, па така и била покренета истрагата.

View this post on Instagram

A post shared by Vanessa Bryant 🦋 (@vanessabryant)

Ванеса Брајант ги објави сите детали преку дури 12 објави на Инстаграм, а особено погодни ќе бидат Рафаел Мехија, Џои Круз, Раул Версалес и Мајкл Расел.

Deputy Rafael Mejia of Lost Hills. One of the deputies named in Vanessa Bryant’s lawsuit against LAPD for leaking Kobe’s photos. pic.twitter.com/Rx4SDLMrGJ
— City of Champions (@_Cityofchamps) March 18, 2021

Лажни модни агенти фотографирале девојки на плажа во Охрид, сликите завршиле на сајт за остварување контакти

Ивона Петрова — Thu, 26 Jul 2018 11:51:39 +0000

Секторот за внатрешни работи Охрид до надлежното Јавно обвинителство поднесе кривична пријава против К.К(29) од Свети Николе и Н.Ц.(31) од Охрид, поради постоење основи на сомнение за сторено кривично дело “злоупотреба на лични податоци”. -На 23 јули минатата година на плажа во Охрид, пријавените извршиле фотосесија на четири девојки од Охрид, откако претходно ги убедиле дека фотографиите се за модна агенција од Србија, од кои понатаму ќе се избирале манекенки, презентерки, фотомодели и ќе се снимале спотови. Пријавените, на четирите девојки им исплатиле по 600 денари, а потоа им ги фотографирале и личните документи, информираат од МВР. Во текот на 2018 година, истите фотографии и лични податоци на четирите девојки од Охрид, без нивно знаење и нивна согласност, биле објавени на веб сајт, кој бил креиран за остварување контакти.

Шест совети како да излезете одлично на секоја фотографија

Даниел Василев — Sun, 27 May 2018 17:11:46 +0000

Лесно да се излезе добро на „селфи“, но што кога ве фотографира некој друг? Тогаш не можете да видите како изгледате на камера и немате неколку обиди. За среќа, професионалниот моден фотограф, Гаранас Дор има неколку супер совети за позирање со кои повеќе нема да излезете лошо на ниту една фотографија. Покажете ја левата страна од лицето Не знаете која страна ви е подобра? Францускиот моден фотограф вели дека според неготово искуство, но и според некои истражувања, кај поголемиот дел од луѓето левата страна од лицето е поубава. Обидете се да вежбате пред огледало за да го пронајдете својот најубав агол. Ставете го јазикот зад горните заби Вашата насмевка на фотографиите ќе изгледа поприродна ако јазикот го позиционирате зад горните заби додека се смеете за камера, тврди фотографот. Исто така, не заборавајте да се смеете и со очите, бидејќи во спротивно вашата насмевка ќе изгледа лажно. Обидете се да се опуштите Колку повеќе размислувате за тоа како ќе излезете на фотографијата, толку се поголеми шансите да излезете лошо. Обидете се да се опуштите пред камера колку што е можно повеќе, а трик кој ќе ви помогне во тоа е да ги затворите очите и да ги отворите пред фотографирање, при што обидете се да се насмеете што поприродно. Додека седите, фотографирајте се од горе Ако некој одлучи да ве фотографира додека седите, замолете го да вас сликне од горе. При тоа лесно подигнете ја главата кон објективот, а ако сакате да изгледате повитки, навалете се нанапред. Додека стоите фотографирајте се од долу Ако сакате да излезете што е можно повитки на фотографиите на кои се гледате од глава до пети, замолете некој да ве фотографира од долу. Вашите нозе ќе изгледаат фантастично, нагласува фотографот. Наведнете ја главата на страна Ако гледате директно во камера, тогаш главата малку навалете ја на една страна за на своите црти да им дадете длабочина, вели фотографот.