фотоволтаични централи – Kurir.mk

ВИДЕО: Заврши изградбата на првата пловечка фотоволтаична централа во Албанија

Ристе Здравков — Fri, 10 Mar 2023 13:50:16 +0000

По успешното завршување на фазата на имплементација, пловечката фотоволтаична централа во Елбасан започна со работа. Првата пловечка централа во Албанија произведува струја од обновлива енергија кој се внесува во албанската енергетска мрежа. Централата се наоѓа во акумулацијата Бања, каде што норвешката компанија Статкрафт управува со хидроцентралата Бања, која има инсталирана моќност од 72 MW. Инвестицијата на Статкрафт во Пловечката фотоволтаична централа Бања е иновативен проект за истражување и развој со инсталирана моќност од 2 MWh и планирано годишно производство од околу 2,6 GWh, објави компанијата. Пловечкиот соларен систем вклучува инсталирање фотоволтаични панели на водна површина, како езеро или море, или на хидроелектричен резервоар, како што е случајот со овој проект. Фабриката се состои од четири поединечни пловечки единици и секоја единица има површина од приближно 4.000 м2 и има над 1.500 фотоволтаични панели. Оваа пловечка фотоволтаична технологија е развиена од норвешката компанија Ocean Sun и имплементирана со албанската компанија Doko. Покрај производството на обновлива енергија, овој истражувачки и развоен проект ќе послужи и како основа за учење и оценување на потенцијалните придобивки од оваа технологија. „Статкрафт силно верува дека иднината на енергијата ќе се заснова на обновливите извори на енергија. Ја завршивме фазата на имплементација на пловечката фотоволтаична централа Бања, иновативен проект за истражување и развој кој може да придонесе за развој на обновливите извори на енергија. Врз основа на потенцијалот на обновливата енергија во Албанија, веруваме дека земјата може да игра клучна улога како иноватор за обновлива енергија во регионот“ – изјави Симен Бреин, потпретседател на Statkraft за Европа. „Завршувањето на фазата на имплементација на овој проект за истражување и развој претставува уште едно достигнување за Statkraft во Албанија. Овој проект е реализиран во тесна соработка со албанските власти. „Статкрафт“ е најголемиот приватен инвеститор во Албанија во обновливи извори на енергија со хидроцентралите Бања и Моглица и во моментов ги разгледуваме можностите за понатамошна оптимизација на овие средства за обновлива енергија“, изјави Ригела Гегприфти, генерален директор на Статкрафт во Албанија. Статкрафт е присутен во Албанија од 2007 година. Албанија е една од земјите со најголем процент на производство на обновлива енергија во Југоисточна Европа. Хидроенергијата го сочинува најголемиот дел од производството на енергија во Албанија, со околу 95 отсто од инсталираната моќност. Покрај тоа, Албанија е меѓу првите земји во Европа по бројот на сончеви часови годишно, што претставува важен потенцијал за добивање соларна енергија и најдобро одговара на постојниот хидроенергетски капацитет.

ЈП Водовод и канализација – Скопје ја отвори можноста за производство на еко електрична енергија преку фотоволтаични централи

Дарко Андоновски — Sat, 26 Feb 2022 13:54:27 +0000

ЈП Водовод и канализација - Скопје ја отвори можноста за производство на еко електрична енергија преку фотоволтаични централи.

Со првенствена цел, заштита на животната средина, но и имплементација на иновативни технологии, како и можност за заштеда на финансиски средства, ЈП Водовод и канализација - Скопје, ја отвора можноста за производство на еко енергија преку фотоволтаици.

За оваа цел беше направен првиот чекор, измена на статутот на претпријатието, со кој се дава можност за вакви активности и инвестиции. Измената беше едногласно усвоена на последната седница на Советот на Град Скопје. Со ваквата одлука се отвора административна можност за инвестиции во полето на производство на еко енергија.

Другата страна на приказната со стратешките проекти со фотоволтаични централи кои ги најавува Зоран Заев

Тале Кристо — Wed, 08 Dec 2021 10:17:52 +0000

Енергетската јавност во Македонија но и секој граѓанин со право е загрижен за цената на електричната енергија во претстојниот период. Државата Македонија е доведена до состојба на енергетска потчинетост што задира во суверенитетот и уставниот поредок на државата, пишува порталот Брегалнички.мк. Хидроцентралите во изминатите 3 години во Македонија постојано се доведуваат до хидролошки минимум со што воопшто не произведуваат или произведуваат струја во минимални количества; РЕК Битола е во постојани дефекти, РЕК Осломеј ретко кога работи а јаглен за работата на овие термоелектрани има многу малку на лагер. Гледаме како пропаѓаат тендерите за набавка на јаглен од странство а тоа што се набавува се набавува по високи цени. Единствената опција за задоволување на електро-енергетските потреби на Македонија е со купување на струја на слободниот меѓународен пазар по цени кои што ги надминуваат досегашните и тоа во значително поголеми износи. Со тоа не треба да бидете некој голем експерт за да утврдите дека Македонија ја очекува драматична енергетска сезона. И во таква состојба на општа паника во јавноста (стимулирана од голем број провладини медиуми) за задоволување на електро-енергетските потреби на граѓаните и стопанството, на седници на Владата, Зоран Заев донесе одлуки за утврдување на стратешки инвестициони проекти на приватни инвеститори од областа на енергетиката со огромни финансиски сретства на чинење на инвестициите со кои лиферуваат во јавноста. На 30.11.2021 година- денот кога Владата прогласи тридневна жалост по повод трагичната несреќа во која живи изгореа 46 македонски граѓани во Бугарија, како посебна точка на Дневниот ред беше донесена одлука за утврдување на статус на стратешки инвестиционен проект на Друштво за производство на електрична енергија „ОСТРО СОЛАР“ – Скопје. Донесувањето на оваа одлука во јавноста помина речиси незабележано поради тешките ефекти на трагедијата во јавноста. Целета сорија можете да ја прочитате на Брегалнички.мк