Франческо Бањаја – Kurir.mk

Бањаја победи на трката за ГН на Индонезија

Бошко Тасиќ — Sun, 15 Oct 2023 14:51:57 +0000

Светскиот шампион во Мото ГП, Франческо Бањаја беше најбрз на трката за Големата награда на Индонезија и го презема лидерското место во генералниот пласман, откако Хорхе Мартин не ја заврши трката. Шпанецот направи голема грешка и падна од моторот додека беше лидер на трката, а потоа не успеа да освои бодови и со тоа го испушти и врвот во генералниот пласман каде што Бањаја води со 18 бодови во моментов. Второто место на трката во Индонезија му припадна на Марк Вињалес, додека трет заврши Фабио Квартараро.

Бањаја убедлив на ГН на Австрија

Бошко Тасиќ — Sun, 20 Aug 2023 15:18:16 +0000

Светскиот шампион во категоријата Мото ГП, Италијанецот Франческо Бањаja, триумфираше со огромна предност пред пратителите во трката за Големата награда на Австрија. Возачот на тимот на Дукати Леново низ целта мина за 42:23.315 минути. Второто место му припадна на Бред Бајндер, кој заостанува 5.195 секунди, а третото место му припадна на Марк Бецеки, кој има послабо време од 7.708 секунди зад победникот. Италијанецот беше најдобар на стартот, додека Маверик Вињалес падна на десеттата позиција во првиот круг. Алекс Маркез долго време го држеше третото место, но на крајот беше претекнат од Марко Бецеки, додека Лука Марини заврши како петти. Во генералниот поредок на шампионатот води Бањаја со 226 бодови, пред Шпанецот Хорхе Мартин со 180 и Марко Бецеки со 167 бодови.

МОТО ГП: Франческо Бањаја победи во Асен

Бошко Тасиќ — Sun, 25 Jun 2023 14:05:21 +0000

Франческо Бањаја стигна до четврта победа во актуелната Мото ГП сезона, денеска триумфирајќи на трката за ГН на Холандија во Асен. Членот на Дукати извозе уште една импресивна трка по која се најде на највисокото место на победничкиот пиедестал, оставајќи го зад себе сонародникот Марко Бецеки од тимот на ВР46. Алеш Еспаргаро со својата Априлија ја заврши трката на четвртото место, но дојде до третата позиција благодарение на казната која ја заработи Бред Биндер. Биндер беше казнет со губење една позиција поради напуштање на патеката во последниот круг од трката, па на тој начин го лансираше Еспаргаро на победничкиот подиум. До десеттото место се најдоа и Мартин, А.Маркез, Марини, Накагами, Морбидели и Фернандез.

Трета спринт-победа за Бањаја оваа сезона

Бошко Тасиќ — Sat, 10 Jun 2023 14:44:04 +0000

Светскиот шампион во мотоклицизам Франческо Бањаја беше најбрз во спринт трката која се одржа како увертира за трката за ГН на Италија. Бањаја тргна од првото место на спринтот и ја оправда фаворитската улога. Заврши пред Марко Бецеки од тимот ВР46, а трет беше Хорхе Мартин од Прамак Дукати. Интересно и следните два возачи имаа Дукати, четврти беше Жоан Зарко, а петти финишира Лука Марини. Оваа спринт трка ја одбележа рекордот на Бред Бајндер, кој разви брзина од 366,1 километри на час, што е рекорд.

Бањаја победи на „Херез“ и се врати на врвот во генералниот пласман

Бошко Тасиќ — Sun, 30 Apr 2023 19:21:17 +0000

Франческо Бањаја возачот на Дукати Леново победи на трката во Шпанија на патеката „Херез“ и со тоа се врати на врвот во генерланиот пласман во оваа сезона во Мото ГП. Бањаја победи пред Јужноафриканецот Бред Биндер, кој вчера славеше на спринтот, откако извозе 39,29 минути и за 0,2 секунди беше побрз за да триумфира. Трет со заостанување од нешто повеќе од една секунда беше Џек Милер. Клучно беше престигнувањето на Бањаја во интересните дуели со Биндер на четири круга пред крајот, а потоа ги издржа налетите на Јужноафриканецот за да победи Бањаја со победата сега го престигна Марко Брацеки, а за него ова беше 22 пласман на пиедесталот, а 13-та победа во Мото ГП.

Франческо Бањаја победи на спринтот во Остин

Бошко Тасиќ — Sun, 16 Apr 2023 06:43:25 +0000

Франческо Бањаја ја оствари третата победа од почетокот на сезоната во МотоГП, откако триумфираше во спринтерската трка за Големата награда на САД во Остин. За светскиот шампион ова е втор спринтерски успех од почетокот на годината, откако на стартот од сезоната ги надмина сите во спринтерска дистанца во Португалија. Тој стартуваше од пол-позицијата и успеа да победи без посебни проблеми, но засега е само второпласиран во генералниот пласман, веднаш зад Марко Безеки. На третото место во генералниот пласман е Жоан Зарко.

Бањаја победник на првата спринт трка во историјата на Мото ГП

Бошко Тасиќ — Sat, 25 Mar 2023 18:19:13 +0000

Актуелниот светски првак Франческо Бањаја, е победник на првата спринт трка во историјата на Мото ГП шампионатот, завршувајќи пред Хорхе Мартин и Марк Маркес. Воочи на големата трка за ГН на Португалија, Бањаја славеше со 19.52,862 минути, и така ги освои првите 12 бода во новата сезона.Мартин освои девет, а Маркес седум бодови со второто и третото место. Бодови во првата спринг трка освоија уште и Џек Милер, Маверик Вињалес, Алеш Еспаргаро, Мигел Оливеира, Жоан Зарко и Алекс Маркес. Трката за ГН на Португалија е на програмата од 15:00 часот, а од пол позицијата ќе тргне Маркес кој беше најбрз во квалификациите.

Светскиот првак во МОТО ГП Бањаја во новата сезона ќе вози со број 1

Бошко Тасиќ — Tue, 24 Jan 2023 06:17:43 +0000

Возачот на Дукати, Италијанецот Франческо Бањаја, ќе настапува во новата сезона од Мото ГП шампионатот со бројот 1 на својот мотор. Бањаја минатата сезона триумфираше во Мото ГП шампионатот, а на моторот го носеше бројот 63. „Не можев да се одлучам дали да го користам бројот 63 или да прејдам на бројот 1, и на крајот се одлучив за ова второто. Целта ми е да сторам сè да го задржам. Нема да биде лесно, бидејќи очекувам уште посилна конкуренција отколку минатата година, со многу ривали подготвени за борба за титулата“, изјави возачот на Дукати на промоцијата на италијанскиот тим во Мадона ди Кампиљо

Мото ГП: Бањаја во последната трка го симна од тронот Квартараро

Бошко Тасиќ — Sun, 06 Nov 2022 16:07:19 +0000

Возачот на Дукати, Франческо Бањаја е нов шампион во Мото ГП класата, а до титулата дојде во последната трка во сезоната која се возеше во Валенсија. Бањаја е втор возач кој со Дукати станал шампион во Кралската класа по Кејси Стонер во 2007 година и е прв Италијанец кој со овој тим ја освоил титулата по пауза од 50 години. На Бањаја кој трката ја стартуваше од осмата позиција, за титулата доволно му беше извози сигурно и да заврши меѓу првите 14 мотоциклисти за да ја задржи предноста на табелата пред сега веќе поранешниот шампион, Фабио Квартараро од Јамаха. Италијанецот ја исполни целта, трката ја заврши на деветтото место, додека Квартараро беше четврти. На трката во Валенсија славеше возачот на Сузуки, Алекс Ринс, пред Бред Биндер и Хорхе Мартин кој ја имаше пол-позицијата. Бањаја со титулата дојде со одлично возење во вториот дел од сезоната, кога успеа да победи на четири трки по ред и тоа во Холандија, Велика Британија, Австрија и Сан Марино, и тоа се покажа како клучно бидејќи на надомести негативата од 91 поен во однос на Квартараро. Славеше и на уште една трка, а само еднаш беше втор и два пати беше третопласиран.

Бањаја победи на Гранд-прито на Малезија и е на чекор до шампионскиот трофеј

Бошко Тасиќ — Sun, 23 Oct 2022 16:29:11 +0000

Франческо Бањаја е чекор поблиску до освојување на шампионскиот трофеј во Мото ГП.

Италијанецот победи на претпоследната овосезонска трка возена во Сепанг за Големата награда на Малезија.

Возачот на Дукати прв ја мина целната рамнина пред сонародникот а Енеа Бастианини и неговиот главен конкурент за титулата и актуелен шампион Фабио Квартараро.

Така сега Бањаја има 23 бода предност во однос на Квартараро во исчекување на последната трка сезонава, закажана за 6 ноември во Валенсија.