француски премиер – Kurir.mk

Францускиот премиер ќе бара одложување на регионалните избори

Тале Кристо — Fri, 13 Nov 2020 11:46:59 +0000

Францускиот премиер Жан Кастекс ќе побара регионалните избори, кои се закажани за март 2021 година, да се одложат на три месеци поради пандемијата на коронавирусот. Кабинетот на премиерот денеска соопшти дека Кастекс ќе предложи изборите да се одржат во јуни следната година. Франција, со 1,9 милиони случаи на Ковид-19, е четврта земја во светот според бројот на заразени. Моментно во државата се во сила рестриктивни мерки поради спречување на ширењето на коронавирусот.

Новиот француски премиер вети 7,5 милијарди евра за вработените во болниците

Тале Кристо — Wed, 08 Jul 2020 08:00:10 +0000

Новиот француски премиер Жан Кастекс изјави синоќа дека неговата Влада ќе издвои 7,5 милијарди евра за зголемување на платите на вработените во болниците. „Инсистирав работните места да бидат во центарот на разговорите“, објави Кастекс на Твитер по разговори со синдикатите, болнички работници и владата, што почнаа пред реконструкцијата на владата во понеделникот. Иако Франција има еден од најдобрите здравствени системи во светот, вработените во болниците бараа повеќе пари, работни места и опрема во последните десет години со цел подобро да се одговори на потребите. Пандемијата на коронавирусот уште повеќе го оптерети системот, а болниците беа на работ на заситеност во оваа година.

Францускиот премиер Едуард Филип поднесе оставка

Тале Кристо — Fri, 03 Jul 2020 08:05:03 +0000

Францускиот премиер Едуард Филип денеска поднесе оставка на функцијата шеф на владата, соопшти Елисејската палата. Со оваа одлука всушност во оставка е и целата влада, информираат француските медиуми. Филип е премиер на Франција од 15 мај 2017 година. Францускиот претседател Емануел Макрон вчера соопшти дека ќе има „нов владин тим“, потврдувајќи ја дебатата во медиумите за претстојните измени во составот на францускиот кабинет и не прецизирајќи дали Едуард Филип ќе остане премиер. -Треба да се направи избор за да се тргне по нов пат. Тоа се новите цели за независноста, реструктуирањето, помирувањето и новите методи за нивно спроведување. Зад себе ќе имам нов тим, рече Макрон во интервју, за регионалните медиуми, без да даде детали за можните промена во кабинетот. Говорејќи за Едуард Филип, кој во неделата, на општинските избори, победи на изборите за градоначалник на Авр, Макрон истакна дека премиерот во последните три години направи „прекрасна работа“. -Ние спроведовме важни историски реформи – често во многу тешки услови. Тој спроведе важни реформи и изградивме однос на доверба кој е единствен за историјата на Петтата Република, рече францускиот лидер.

Францускиот премиер вечерва ќе соопшти мерки за воспоставање на јавниот ред

Дарко Андоновски — Mon, 07 Jan 2019 15:51:32 +0000

Премиерот на француската Влада Едуар Филип се очекува вечерва да објави мерки за воспоставување на „јавниот ред“ за справување со насилството, јави дописникот на МИА. – Соочени со неприфатливо насилство кое продолжува во земјата, Владата има намера да се прикаже многу поостра и да го промени својот систем на одржување на јавниот ред. Ова се чувствителни прашања за кои премиерот одржа консултации и ќе ги соопшти оваа вечер, соопшти канцеларијата на францускиот премиер за АФП. Во саботата протестите на „жолтите елеци“ беа одбележани со упад со градежна машина во просториите во кое се наоѓа Министерството за односи со Парламентот и на портпаролот на Владата, Бенжамин Гриво во Париз, но, исто така, и во градското Собрание на Рен и основниот суд Перпињан. Портпаролот Гриво беше евакуиран од неговото министерство, откако група демонстранти навлегоа во дворот на министерството, при што оштетија повеќе автомобили паркирани таму. Но, демонстрантите не влегле во просториите на министерството. – Немаше контакт со демонстрантите. Бев во мојата канцеларија. Мојот офицер за безбедност ми рече: „Министре, треба да заминеме“. Бевме ставени на безбедно, не само јас, туку и мојата екипа, моите тимови, рече портпаролот на Владата. – Не сум јас што бев нападнат, тоа е Републиката, тоа се нашите институции. Оние кои влегоа тука, денес се ставија надвор од Републиката. Се надевам дека ќе ги најдеме. Оние кои сакаат да го радикализираат движењето секогаш ќе се соочат со Републиката која стои исправено, оцени државниот секретар. На прашањето на БФМ ТВ, заменик-претседателот на партијата на Републиканците (десница поранешна УМП), Дамиан Абад го осуди нападот на министерството, но го критикуваше Бенжамин Гриво за кој рече дека „фрли масло на огнот“, со своите забелешки против демонстрантите. – Портпаролот сакаше да го разгори огнот и да игра на картата на карикатура, кога треба да се делува смирувачки, мирно, и пред се Французите да се соземат, така што Франција ќе се врати на своето место, рече овој пратеник од Ен. По советот на министрите во петокот, Бенжамин Гриво изјави дека лицата кои што продолжуваат да демонстрираат во движењето на „жолтите елеци“, се „агитатори“, поттикнати од желбата за соборување на Владата. Минатата сабота вкупно имаше околу 50.000 „жолти елеци” кои се мобилизираа по осми пат. Во Франција, притоа на повеќе места имаше инциденти и судири со полицијата (наспроти 32.000 во саботата на 29 декември). „Жолтите елеци“ се покажаа нечувствителни на отстапките на извршната власт и најавената голема национална дебата која ќе се отвори во средината на јануари. Министерот за внатрешни работи, Кристоф Кастанер ги повика „сите на одговорност и почитување на законот“ по инцидентите во неколку градови. За време на инцидентите имаше насилство од страна на демонстрантите, но исто така и од страна на силите на редот. Претседателот Емануел Макрон го осуди „екстремното насилство“ кое „ја нападна Републиката“ за време на демонстрациите. – Уште еднаш, екстремното насилство дојде да ја нападне Републиката – нејзините чувари, нејзините претставници, нејзините симболи. Оние кои ги извршуваат овие дела го забораваат срцето на нашиот граѓански пакт. Секој ќе треба да се соземе за да се спроведе добра дебатата и дијалог, напиша францускиот претседател на Твитер. Ова беше осма сабота на мобилизација на движењето, кое очигледно нема да прекине само по себе и покрај засилената репресија и евакуацијата на кружните текови. Напротив движењето за време на новогодишните празници се засили.

Францускиот премиер: Зголеменено ангажирање на војската

Дарко Андоновски — Wed, 12 Dec 2018 20:43:19 +0000

Францускиот премиер Едуард Филип денеска изјави дека претседателот Емануел Макрон одлучил „да ја зголеми воената мобилизација” во рамки на операцијата „Стражар“ (Сентинел), еден ден по смртоносниот напад во Стразбур. „Стражар“ е безбедносна операција која започна по нападот во Париз во 2015 година, во рамки на која 10.000 војници и 4.700 полицајци и жандарми обезбедуваат чувствителни локации од терористички напади. – Станува збор за околу 500 војници кои од денеска се вклучени во операцијата и 1.300 , кои ќе се придружат во наредните денови, веќе се ангажирани во обезбедувањето и гарантирањето на безбедноста на Французите, рече Филип. Тој изјави дека целта е „обезбедување на мастата на јавни собири“, првенствено на божиќните саеми низ целата земја.