французин – Kurir.mk

Силувал две баби во болница: Едната од нив починала од срцев удар истиот ден

Ивона Петрова — Tue, 17 Oct 2023 09:28:14 +0000

Французинот Смир Б.(44) силувал 93-годишна и 95-годишна старици во болница за стари лица. Помладата од неговите жртви починала истиот ден како последица на срцев удар предизвикан од шокот. Французинот веднаш бил фатен. Смир Б. (44) бил фатен откако 95-годишната жена му кажала на болничкиот персонал во предградието на Париз што се случило. Обезбедувањето го фатило кога излегол од собата на друга жртва чиј кревет биле пронајдени со траги од неговата сперма, пишува Daily Mail. Бабата, која имала психички тешкотии, неколку часа по нападот почнала да се чувствува лошо и изгубила свест. Подоцна доживеала срцев удар и починала. Напаѓачот и е веќе познат на полицијата за сексуална злоупотреба. Се уште не е соопштено дали ќе одговара за смртта на другата жртва. - Во оваа фаза не можеме да донесеме никакви заклучоци бидејќи истрагата е во тек - рече јавниот обвинител.

Французин кој во март бил пријавен за исчезнат, нелегално сакал да влезе во Македонија

Ивана Ефремовски — Wed, 27 Sep 2023 13:17:54 +0000

Полициски службеници од РЦ за ГР Југ- ПС за ГП и ГН Богородица заедно со припадниците на ФРОНТЕКС го пронајдоа С.И. (21) од Франција, кој во својата земја бил пријавен за исчезнат. Тој бил затекнат при илегален влез на територија на Република Македонија и дал лажен исказ за личните податоци. Но, по дополнителни проверки во соработка со Секторот за меѓународна полициска соработка, на 27.09.2023 е добиена потврда од француските власти дека станува збор за С.И., француски државјанин, кој во својата земја се води како исчезнат од 11.03.2023. Лицето, согласно законските регулативи, ќе биде предадено на семејството.

Французин за три години го обиколи светот со едрилица што самиот ја изградил: „Долго сонував за тоа“ (ВИДЕО)

Магдалена Андонова — Wed, 03 Aug 2022 07:39:29 +0000

Французинот Јан Квене зачекори на брегот на полуостровот Бретања на западот од Франција и со тоа го заврши тригодишното патување околу светот со едрилица „Балушон“, долга само четири метри, што тој сам ја изгради за 4.000 евра. Бротчето со симболично име „Кутивче“, вчеравечер вплови во пристаништето „Треберден“ на северот на Бретања, во густа магла, приквечерината… Одговарајќи на прашање за неговата авантура во малото пловило кое човекот го чинело и 400 часа работа, а е без мотор, ни комуникација со копното, Бретонот накусо рече оти го остварил својот сон. – Долго сонував за ова, а сега го остварив мојот сон. Малку сум тажен поради крајот на патувањето по светот, но среќен сум што се враќам кај семејството, изјави тој. Морнарот во своите рани 50-ти, отплови пролетта 2019 година и мина преку Атлантикот, Тихиот Океан, кај Маркиските Острови, Тахити и Нова Каледонија… Требаше да застане и во Нов Зеланд и Австралија, но поради пандемијата, ја смени патеката и се упати преку Индискиот Океан, кон францускиот остров Реунион, во близина на Мадагаскар, каде што пристигна по 77 дена пловење. Залихите со храна, особено водата – беа голем предизвик на долгиот пат. Со секое заминување, кабината беше преполна со канистри, па Квене, вели, имал едвај доволно простор за да се исправи“, ограничувајќи ја потрошувачката на вода на два литри дневно, рече тој. Последната станица е неговото „матично“ пристаниште „Сен Бреук“, каде што официјално, в сабота претпладне, завршува неговиот пат околу светот, на само неколку милји од „Треберден“. (МИА)

Французин уапсен на Бит Пазар – еве ги деталите

Тале Кристо — Tue, 24 May 2022 11:29:18 +0000

На 23.05.2022 во 14,00 часот во Скопје на подрачје на Бит Пазар од полициски службеници од Единицата за недозволена трговија при СВР Скопје во соработка со Единицата за интервентна полиција при СВР Скопје е лишен од слобода К.Л.(25) од Франција, затоа што кај него била пронајдена марихуана. За настанот е известен јавен обвинител, а по целосно документирање на случајот ќе биде поднесен соодветен поднесок.

Француски стогодишник прекинува со работа во општината по 74 години служба

Дарко Андоновски — Tue, 18 Feb 2020 08:10:56 +0000

Највозрасниот човек во Франција на изборна функција, 100-годишниот општински советник од селото Гран Шезо одлучи да не се јавува на локалните избори во март. Стогодишникот Луи Дони „ќе се повлече по 74 години и 11 месеци служба во општината“ изјави за француски медиуми неговиот син Жан Шарл кој исто така е во локалната управа на Гран Шезо. Тоа е село со 246 жители во централниот департмент От Виен. Дони за првпат бил избран во април 1945 година. Добил 13 последователни мандати во општинскиот совет. – Во животот човек треба да биде разумен за се. За мене како и за избирачите нема да биде разумно да се кандидирам пак. Оставам пат за младите, изјави тој.

GRANDS-CHEZEAUX Hte-Vienne Elections municipales 2020 Louis DAUNY né 20 Octobre 1919, jeune centenaire élu depuis 1945_13 mandats <1er adjoint au Maire, ne se représente pas.https://t.co/ImR1EgUukc pic.twitter.com/037CTaOplp
— TRAN THI TRINH Maguy (@MaguyTran) February 17, 2020

Французин уби келнер- причината ќе ви ја заледи крвта

Дарко Андоновски — Sat, 17 Aug 2019 15:54:11 +0000

Гостин во еден француски ресторан уби со огнено оружје келнер бидејќи предолго чекал да му биде направен нарачаниот сендвич, објавија француските медиуми. Инцидентот се случил синоќа во едно предградие на Париз. Очевидци тврдат дека незадоволниот гостин во ресторанот го застрелал 28-годишниот келнер во грбот. Куршумот предизвикал сериозна повреда и екипата на итна медицинска помош, која пристигнала на местото на инцидентот, само констатирала смрт. Напаѓачот избегал, а полицијата трага по него.