франк де бур – Kurir.mk

ЕУРО2020: По елиминацијата, овој селектор си поднесе оставка

Ивана Ефремовски — Tue, 29 Jun 2021 16:23:27 +0000

Два дена откако неговата репрезентација неочекувано беше елиминирана од Чешка во осминафиналето на ЕУРО2020, селекторот на Холандија, Франк де Бур, денеска поднесе оставка. -Целта не беше остварена и донесов одлука да не продолжам како национален селектор, изјави Де Бур за официјална страница на Холандската фудбалска федерација (KNVB). Де Бур ја презеде холандската репрезентација во септември минатата година, по трансферот на Роналд Куман во Барселона, и на 15 натпревари на селекторското место оствари ефект од осум победи, четири нерешени и три порази. Претседателот на KNVB, Нико – Јан Хогма, истакна од своја страна дека целта на Холандија на ЕУРО2020 била најмалку пласман во четвртфинале и додаде дека наследникот на Де Бур ќе биде познат во многу скоро време. -Изборот на Френк за селектор не заврши како што се надевавме. Сега мораме брзо да најдеме наследник, бидејќи веќе на 1. септември не очекува важен натпревар против Норвешка во Осло (во квалификациите за Мундијалот 2022 во Катар), изјави првиот човек на холандскиот фудбал. (МИА)

Де Бур пред отказ по елиминацијата на Холандија во осминафиналето на ЕП

Ивона Петрова — Mon, 28 Jun 2021 07:19:02 +0000

Репрезентацијата на Холандија вчера загуби од Чешка (0:2) во осминафиналето на ЕВРО 2020, пораз којшто може да го чини отказ селекторот Франк де Бур. Многу членови на Фудбалскиот сојуз на Холандија с еразочарани од овој резултат, па Де Бур со голема веројатност ќе биде разрешен од функцијата, пишува новинарот Николо Шира. Педесет и едногодишниот Де Бур ја презеде репрезентацијата на Холандија во септември 2020 година.

Де Бур: Се на се мислам дека беше добро

Бошко Тасиќ — Mon, 21 Jun 2021 20:51:43 +0000

Новиот холандски селектор Франк де Бур ја заврши групната фаза со три победи ии најави дека „лалињата“ имаат што да кажат на овој шампионатот на Европа. „На полувреме им реков на моите фудбалери дека мора да играме подобро. Моравме да погледнеме каде се играчите од средниот ред. Тие ме прашаа дали да играат поофанзивно или да се концентрираат на одбраната кога топката ќе се загуби. Им реков дека мора да се концентрираат на одбраната и да се осигураат дека сè е во ред. Имавме неколку одлични моменти, но и некои лоши периоди. Бевме малку невешти во текот на првото полувреме, ја оставивме „вратата широко отворена“ за контранапади и зборувавме за тоа на полувреме. Сепак, сè на сè, мислам дека беше добро

Де Бур: Нема да биде лесно со Македонија

Бошко Тасиќ — Mon, 21 Jun 2021 07:02:17 +0000

Холандија со две победи во два меча веќе го има обезбедено првото место во групата во која е и Македонија . Последното коло и меѓусебниот меч меѓу Лалињата и нашата репреентација ќе биде само за престиж. селекторот на Холандија, Франк де Бур не сака да ја потцени Македонија, а не најави дали ќе игра со најсилниот тим или шанса ќе им даде на резервите. „Македонија сигурно ќе сака да стигне до позитивен резултат. Точно е дека тие се елиминирани и дека немаат шанса за нокаут фазата, но како дебитанти на едно големо натпреварување, сигурно дека сакаат да освојат бодови. Нема да ни биде лесно. Видовме дека Македонија има квалитет и дека не случајно се учесници на ЕУРО. И Австрија и Украина се намачија со нив, тешко стигнаа до бодовите. Имам некои планови за мечот против Македонија, можеби ќе ја промениме и формацијата“ изјави Де Бур.

Де Бур по ремито со Шкотска: Имаме време да се подобриме

Дарко Андоновски — Thu, 03 Jun 2021 07:14:37 +0000

Противникот на македонската фудбалска репрезентација во групата на претстојното Европско првенство, селекцијата на Холандија вчеравечер одигра нерешено 2:2 на домашен терен со Шкотска. Селекторот на „лалињата“ очекува подобрување на формата на неговите избраници до почетокот на Еуро 2020. – Трениравме во формација 5-3-2 само еднаш, па не можевме да помислиме дека веднаш ќе ги достигнеме височините. Но, јасно е дека ситуацијата треба да се подобри. Сепак, сè уште сум убеден дека можеме да играме многу подобро користејќи ја оваа или која било друга шема. Мислам дека понекогаш бевме премногу статични. Во неколку наврати Де Лихт имаше премалку опции за додавање. Ова е она на што мора да работиме, изјави Де Бур. Холандската репрезентација на Евро 2020 во Ц-групата ќе игра уште со Украина и Австрија.

Франк Де Бур го објави конечниот список на фудбалери за настап на ЕП (ФОТО)

Бошко Тасиќ — Wed, 26 May 2021 16:13:40 +0000

Селекторот на фудбалската репрезентација на Холандија, Франк Де Бур денес го објави списокот на повикани фудбалери за настап на Европското првенство во фудбал. „Лалињата“ на ЕП ќе бидат без фудбалерот на Тотенхем Ситвен Бергвајн, а од претходно е познато дека ќе го нема Ван Дајк поради повреда. Изненадувањето во составот е Воут Вегорст од Волфсбург кој одигра добра сезона во Бундеслигата. Ќе потсетиме Холандија игра е во група со Македонија, Украина и Австрија. Ние натпреварот со Холандија го играме во третото коло од групната фаза.

Селекторот на Холандија Франк Де Бур го објави списокот на фудбалери со кои ќе настапи на ЕП (ФОТО)

Бошко Тасиќ — Sun, 16 May 2021 06:21:52 +0000

Селекторот на фудбалската репрезентација на Холандија Франк Де Бур го објави поширокиот список од 34 фудбалери кои ќе конкурираат за 26 места во селекцијата на Лалињата што ќе играат на Европското првенство од 11. јуни до 11. јули. Холандија е во нашата група каде против нив Македонија ќе игра на 21. јуни во последниот меч во Ц групата. На ЕП за Холандија нема да игра фудбалерот на Ливерпул Вирџил Ван Дајк, кој пред некој ден соопшти дека не е подготвен и ќе го пропушти континенталниот шампионат.

Франк де Бур може да ја предводи холандската репрезентација

Дарко Андоновски — Thu, 17 Sep 2020 07:16:41 +0000

Кралската фудбалска асоцијација на Холандија (КНВБ) го разгледува Франк де Бур за кандидат за нов селектор на репрезентацијата. Според „De Telegraaf“, наскоро ќе се одржи првата средба меѓу двете страни. КНВБ сака да го претстави новиот селектор на националниот тим пред следниот циклус репрезентативни настапи, кога Холанѓаните ќе играат против Мексико, Босна и Херцеговина и Италија. Во август, Роналд Куман ја напушти холандската репрезентација поради понудата од Барселона. Двајт Лодевеж ја презеде функција привремено. Франк де Бур е без ангажман по заминувањето од тренерското место во тимот на Атланта Јунајтед во јули оваа година.

Де Бур: Икарди е одличен фудбалер, ама не е за капитен

Ристе Здравков — Tue, 02 Oct 2018 12:22:48 +0000

Поранешниот тренер на Интер, Франк де Бур смета дека Мауро Икарди не заслужува да ја носи капитенската лента во тимот на „неро-азурите“, без разлика на неговите фудбалски квалитети. - Икарди е одличен играч, но сигурно не е за капитен. Има направено работи кој не се достојни за еден капитен. Се има скарано со навивачите... Сепак, кога јас бев тренер не му ја одземав капитенската улога поради тоа што сметав дека тоа негативно ќе се одрази на него, рече Де Бур. Холандскиот стручњак како идеално решение за капитен на Интер го гледа Самир Хандановиќ. Де Бур во својот краток престој како тренер на Интер од август до ноември 2016 година на 14 натпревари немаше многу успех.