Франк Кеси – Kurir.mk

Кеси ќе заврши во Јувентус ?

Бошко Тасиќ — Fri, 28 Jul 2023 04:21:08 +0000

Најтрофејниот клуб во италијанската Серија А, Јувентус, е на добар пат да ги осигура услугите на искусниот играч за врска од редовите на каталонскиот гигант Барселона, Франк Кеси. Репрезентативецот на Брегот на Слоновата Коска нема статус на стандарден првотимец и затоа ќе му биде дозволено да си замине под услов официјалната понуда за неговото обештетување да не биде помала од 30 мил. евра.

Барселона и Јувентус се договорија за трансфер на Франк Кеси

Бошко Тасиќ — Wed, 26 Jul 2023 04:11:34 +0000

Барселона се договорила со Јувентус за продажба на Франк Кеси, објави италијанскиот весник „Газета дело спорт“. „Бјанконерите“ ќе платат меѓу 10 и 15 милиони евра за играчот за врска од Брегот на Слоновата Коска, кој ќе потпише договор на 1 + 1 година. Сега единствено што недостасува е личниот договор на играчот со Јувентус. Кеси им се приклучи на Каталонците во летото 2022 година на слободен трансфер од Милан и постигна три гола и забележа три асистенции во 43 натпревари за Барселона минатата сезона. Тој преферираше да се пресели во Премиерлигата ,но очигледно дека и нема преголем интерес за него, па е наоѓа пред враќање во Серија А.

Фулам е подготвен да плати 22 милиони евра за Кеси

Ивона Петрова — Wed, 16 Nov 2022 07:38:56 +0000

Фудбалерот од средниот ред на Барселона, Франк Кеси може да ја продолжи кариерата во Англија. Премиерлигашот Фулам е заинтересиран да потпише со репрезентативецот на Брегот на Слоновата Коска. Англискиот клуб е подготвен да плати 22 милиони евра за 25-годишниот фудбалер уште во зимскиот преоден рок. Оваа сезона Кеси настапи на 13 натпревари во сите натпреварувања и постигна еден гол. Неговиот договор со клубот е до летото 2026 година.

Кеси во среда ќе потпише за Барселона

Ивона Петрова — Sun, 03 Jul 2022 17:47:11 +0000

Поранешниот играч од средниот ред на Милан, Франк Кеси ќе потпише договор со Барселона во среда, на 6 јули, објави „Мундо Депортиво“. Договорот на 25-годишниот фудбалер од Бтегот на Слоновата Коска со каталонскиот клуб ќе се пресметува до 2026 година. Платата ќе биде околу 6,5 милиони евра годишно. Сезоната 2021/22 Кеси постигна шест гола и една асистенција на 30 натпревари за Милан во сите натпреварувања. Неговиот договор со миланскиот клуб истече на 30 јуни 2022 година. За пет сезони во Милан, играчот од средниот ред одигра 223 натпревари, постигна 37 гола и даде 16 асистенции. Минатата сезона Кеси со клубот од Милано стана шампион на Италија.

Кеси во Барселона за 8 милиони евра годишно

Ивона Петрова — Wed, 26 Jan 2022 13:00:53 +0000

Франк Кеси одлучил дека најдобро за неговата карера е да ја прифати понудата од Барселона откако доби опција за преселба и во Тотенхем, ПСЖ, Манчестер Јунајтед, Ливерпул и Арсенал. Според „Радио Каталуња“, агентот на Кеси ги договорил условите со Барселона, според кои играчот на Милан ќе заработува по 8 милиони евра годишно а ќе потпише до јуни 2027 година. Милан не успеа да се договори со Кеси за продолжување на соработката па тој на крајот од оваа сезона ќе го напушти клубот како слободен играч.

ПСЖ подготвен да му понуди плата на Кеси од 9 милиони евра годишно

Магдалена Андонова — Mon, 06 Sep 2021 17:41:29 +0000

Фудбалерот од средниот ред Франк Кеси се најде во сферата на интерес на ПСЖ. Парискиот клуб е подготвен да му понуди на 24-годишниот фудбалер плата од девет милиони евра годишно, објави „Фут Меркато“. Претходно, Кеси одби да го продолжи договорот со Милан, кој истекува следното лето. Росонерите беа подготвени да му платат 6,5 милиони евра годишно, додека Кеси бараше осум милиони евра и уште два милиона бонуси. Кеси во својата кариера има играно и за Аталанта и Чезена. (МИА)

Милан преговара за продолжување на договорот со Кеси

Дарко Андоновски — Thu, 11 Feb 2021 14:08:25 +0000

Милан преговара за продолжување на договорот со играчот за врска Франк Кеси, објави на Твитер новинарот Николо Шира. Според добриот познавач на состојбите во италијанскиот фудбал, „росонерите“ му нудат долгорочен договор на 24-годишниот фудбалер од Брегот на Слоновата коска со зголемување на платата на 3,2 милиони евра годишно. Објавено е дека самиот играч сака да остане во тимот. Во тековната сезона, Кеси забележа 30 настапи за Милан, постигна седум гола и три асистенции. Договорот на актуелниот фудбалер важи до крајот на јуни 2022 година.

За Кеси заинтересирани Арсенал и Тотенхем, Милан нема да го пушти за помалку од 40-50 милиони евра

Тале Кристо — Tue, 08 Dec 2020 13:04:24 +0000

Фудбалерот за врска на Милан, Франк Кеси е интересен за врвните клубови во Премиер лигата. Арсенал и Тотенхем се заинтересирани за услугите на 23-годишниот играч за врска од Брегот на Слоновата Коска. Сепак, „росонерите“ најверојатно нема да го пуштат својот клучен играч дури и за 40-50 милиони евра, иако клубот можеше да го продаде играчот на лето за максимум околу 25 милиони. Сега Миланезите и играчот преговараат за продолжување на договорот, кој се пресметува до летото 2022 година. На 10 натпревари во Серија А оваа сезона, Кеси постигна четири гола и две асистенции.

Милан го казни Кеси со 40.000 евра поради скандалот со Билија

Ивана Ефремовски — Fri, 29 Mar 2019 10:46:18 +0000

Раководството на Милан одлучи да го казни својот фудбалер Франк Кеси со 40 илјади евра поради скандалот со својот клубски колега, Лукас Билија. Кеси и Билија влегоа во конфликт за време на дербито помеѓу Милан и Интер (2:3). Кеси беше заменет во 69-тата минута од Андреа Конти и изгледаше многу вознемирен како од својата лоша изведба, така и од резултатот, кој во тоа време беше 3:1 во корист на Интер. На патот кон своето место на клупата, очигледно 33-годишниот Билија му рече нешто на својот соиграч, кој реагираше исклучително остро. Кеси на неколку пати замавна заканувачки, во обид да нанесе удар, а единствено брзите реакции на Инацио Абате, Рикардо Родригез и Фабио Борини спречија ситуацијата да ескалира. „Росонерите“ почекаа дазавршат меѓународните обврски и Кеси да се врати за да го информираат за паричната санкција. Малку е веројатно дека тој ќе се најде во сметките на Џенаро Гатузо за претстојниот натпревар против Сампдорија кој е во текот на викендот. (МИА)