Шалке го смени тренерот

Ивона Петрова — Wed, 19 Oct 2022 12:54:54 +0000

Германскиот фудбалски прволигаш Шалке 04 соопшти денеска дека му врачил отказ на тренерот Франк Крамер, ден откако клубот од Гелзенкирхен беше елиминиран (1-5) во националниот куп од Хофенхајм. Шалке во моментов е на 17. место во Бундеслигата со шест бодови од девет натпревари и серија од четири последователни порази. Крамер седна на клупата на Шалке во јуни, откако еден од најпопуларните германски клубови се врати во Бундеслигата под водство на привремениот тренер Михаел Бускенс. -По влегувањето од втората во првата лига, нашата цел за оваа сезона е да останеме во првата лига. До неодамна бевме уверени дека можеме да ги свртиме работите во наша полза со актуелното водство, но сега мислиме дека дојдовме до точка од која мора да направиме промени. Во претстојните пет натпревари до првенствената пауза поради Светското првенство мораме да освоиме бодови кои ќе нè однесат на што повисока позиција пред многу важниот втор дел од сезоната за нашиот клуб, изјави спортскиот директор на Шалке, Рувен Шредер.

Крамер нов тренер на Шалке

Тале Кристо — Tue, 07 Jun 2022 17:28:41 +0000

Седумкратниот германски првак Шалке 04, кој од следната сезона се враќа во Бундеслигата, потпиша денеска две годишен договор со тренерот Франк Крамер. Германскиот 50-годишен стратег во април беше отпуштен од клупата на Арминија Билефилд, а претходно ги предводеше Фортуна Дизелдорф, Гројтер Фурт и германската селекција до 20 години. Шалке, во чиј редови изминатата сезона настапуваше македонскиот репрезентативец Дарко Чурлинов, иако една година отсуствуваше од Бундеслигата, останува речиси изедначен со Борусија Дортмунд, на второто место според бројот на регистрирани членови (160.000), зад минхенски Баерн и неговите 293.000 членови.

Франк Крамер – Kurir.mk

Шалке го смени тренерот

Крамер нов тренер на Шалке