Франк Лампард – Kurir.mk

Лампард се врати во Премиер лигата, Евертон доби нов менаџер

Ивона Петрова — Mon, 31 Jan 2022 07:22:41 +0000

Франк Лампард и официјално е нов менаџер на Евертон, откако потпиша две ипол годишен договор со „Карамелите“, потврди Скај Спорт. Лампард е замената на Рафа Бенитез кој заработи отказ, а беше трета опција на клубот. Поранешниот менаџер на Деби и Сонси, Пол Клемент ќе му биде асистент на Лампард кој се очекува да биде промовиран во текот на утрешниот ден. Поранешниот тренер и играч на Челси има тешка задача пред себе, да го врати тимот во игра за Европските купови, но пред се да го спаси од испаѓање од Премиер лигата.

Лампард ќе биде предводник на новиот проект на Њукасл

Ристе Здравков — Tue, 12 Oct 2021 18:15:09 +0000

Англискиот стратег Френк Лампард се поврзува со клупата на Њукасл, пренесуваат англиските медиуми. Њукасл минатата недела доби нови сопственици, откако синот на најбогатиот човек во Саудиска Арабија го купи клубот. Извесно е дека досегашниот тренер, Стив Брус веќе е минато на „Сент Џејмс парк“, а како негова замена се споменува името на Френк Лампард. Лампард е без ангажман откако на почетокот на минатата година поради слабите резултати беше сменет од Челси. Покрај Челси, Лампард во кариерата беше тренер и на Дерби Каунти. Покрај Лампард како можни наследници на Стив Брус во Њукасл се споменуваат и Антонио Конте и Роберто Манчини.

Четворица кандидати за тренерското место во Челзи, доколку Лампард добие отказ

Ивона Петрова — Tue, 05 Jan 2021 10:09:14 +0000

Управата на Челзи е во потрага по нов тренер, пренесува „The Independent“. Според британскиот медиум, Брендан Роџерс (Лестер Сити), Ралф Хасенхитл (Саутемптон), Масимилијано Алегри и Томас Тухел се кандидатите за наследник на Франк Лампард во случај на негов отказ. Претходно, тамошните медиуми објавија дека Челзи има намера да му даде уште некое време на 42-годишниот специјалист за да ги подобри резултатите на тимот. По 17 одиграни кола во Премиер лигата, Челзи е на 9. место во поредокот во Премиер лигата со 26 бода.

Лампард: Сакам да освојам трофеј за мојот тим

Ивона Петрова — Sat, 01 Aug 2020 08:51:51 +0000

Менаџерот на Челси, Франк Лампард, го коментираше претстојниот судир за ФА Купот, во кој „сините“ ќе се соочат со Арсенал во потрага по трофејот. – Ние сакаме да победиме, тоа е едноставно. Знам колку е важен овој трофеј за навивачите, затоа сакам да го освојам за нив и за мојата екипа. Пораснав гледајќи го финалето на ФА Купот, се сеќавам на сите многу добро. Ако ми дадете 5 минути, ќе ги набројам сите од 90-тите. Има некоја магија во тоа како се чувствувате откако ќе победите. Јас сè уште го имам тоа чувство во себе, па ќе се обидам да им помогнам на моите играчи и навивачи да се чувствуваат на ист начин, вели тренерот. Лампард призна дека не разговарал со сопственикот на „сините“ – Роман Абрамович, но нема потреба. – Нема потреба од повик или порака, бидејќи ја чувствував неговата поддршка постојано откако ја презедов работата. Тој ме поддржуваше уште како играч, сега сакам да му вратам, посочува Лампард. Поранешниот халф на Челси призна дека нема да се фокусира на слабата игра на Давид Луис и нема да се обиде да ја искористи. – Јас не го гледам Луис како „слаба точка“ на Арсенал. Јас многу го почитувам, ние бевме соиграчи, ја освоивме Лигата на шампионите заедно. Тој беше дел од нешто големо. Покрај тоа, тој има добро срце. Знам колку е корисен за тимот. па јас го гледам како добар фудбалер, рече менаџерот.

Лампард: Срамно е фудбалерите да бидат тестирани пред медицинските професионалци

Ивана Ефремовски — Sun, 03 May 2020 18:03:35 +0000

Менаџерот на Челси, Франк Лампард изјави дека медицинскиот персонал треба да има предност пред фудбалерите кога станува збор за тестирање за коронавирус среде пандемија. -Не го знам бројот на тестови што се извршени на медицинскиот персонал на Националниот здравствен систем, кои со месеци се борат со пандемијата. Сметам дека е срамно за фудбалерите да бидат тестирани пред медицинските професионалци кои се во првите редови во борбата против вирусот. Се надевам дека не сум само јас, рече Лампард. Легендарниот Англичанец изјави дека фудбалот е тимска игра со директен физички контакт и дека здравјето на фудбалерите и персоналот е исклучително важно. -На сите ни недостасува фудбал, но како да се вратиме на теренот без да ги доведеме во опасност фудбалерите? Мора да се соочиме со таа реалност и да бидеме реални, додаде Френк Лампард.

Лампард: Го победивме најдобриот тим во Англија

Ивона Петрова — Wed, 04 Mar 2020 07:49:45 +0000

Менаџерот на Челзи, Франк Лампард, беше навистина горд на неговиот успех од 2-0 над Ливерпул во ФА Купот. Тој ги пофали своите играчи за нивниот настап во овој натпревар. Според него, ова е посебна победа и тој е навистина горд. – Јас сум многу горд бидејќи Ливерпул е најдобриот тим во Англија. Тие и Манчестер Сити го докажаа ова последниве години. Но, она што го прават Ливерпул оваа сезона е неверојатно. Да се покаже напор, фокус, решеност, класа во овој натпревар е нешто посебно. Знаеме дека имаме уште многу работа и треба да поминеме долг пат да одиме таму каде што сакаме да одиме, но мора да уживаме во вакви работи. Вториот гол беше многу важен затоа што знаеме колку е опасен Ливерпул во последните минути, рече Лампард. Стратегот имаше посебни пофалби за младиот Били Гилмор, кој ги собра овациите со својата игра на овој натпревар. – Тоа беше неверојатен настап на еден млад играч против најдобриот тим во светот. Веднаш можете да ја видите неговата класа со топка во ногата. Тој не се плаши да игра со неа. Тој ме потсетува на халфовите со кои пораснав. Луѓето гледаат во него и мислат дека тој е прилично слаб на физички план, но тој има огромен карактер. Јас сум апсолутно воодушевен од него. Тој ги заслужува сите пофалби, тој заслужува да биде играч на натпреварот и луѓето да зборуваат за него. Мило ми е и за неговото семејство, затоа што тоа е голем ден и за нив, додаде стратегот.