Франк Рибери – Kurir.mk

СИТУАЦИЈАТА СО БОЛКИТЕ МУ СЕ ВЛОШУВА : Рибери официјално ја заврши фудбалската кариера

Дарко Андоновски — Fri, 21 Oct 2022 16:23:34 +0000

Поранешниот француски репрезентативец Франк Рибери објави дека става крај на професионалната кариера на 39-годишна возраст. -Болките во коленото само се влошуваа и докторите се јасни: веќе немам избор, морам да престанам да играм. Така што, морам да ставам точка на својата кариера, порача Рибери во видеоснимка која денеска ја објави на социјалните мрежи. Во текот на кариерата која траеше повеќе од две децении, Рибери настапуваше за Булоњ, Олимпик Але, Брест, Мец, Галатасарај, Олимпик Марсеј, Баерн Минхен, Фиорентина и Салернитана. Најголем печат остави во дресот на Баерн кој о носеше од 2007 до 2019 година и во тој период освои 23 трофеи. За француската репрезентација одигра 81 натпревари од дебито во 2006 година и постигна 16 голови.

Франк Рибери се пензионира

Бошко Тасиќ — Sat, 08 Oct 2022 05:00:59 +0000

Легендарниот француски фудбалер Франк Рибери (39) ќе се повлече од фудбалот, поради проблем со коленото поради кој од август не настапува за неговиот тим Салернитана. Рибери првично планираше да игра во својата петта деценија од животот, но сега за жал тоа нема да биде можно. Легендата е Баерн Минхен, за кого настапуваше од 2007 до 2019 година и со кого освои девет титули во германскиот шампионат, како и трофејот во Лигата на шампионите. Тој имаше 103 асистенции на 273 натпревари во Бундеслигата, а со Баерн освои шест национални купови и клупско светско првенство. Крилниот напаѓач од Баерн се пресели во Фиорентина, па во Салернитана, а во почетокот на кариерата настапуваше за Олимпик Марсеј, Галатасарај, Мец, Брест, Алес и Булоњ.

Рибери по завршувањето на кариерата ќе добие работа во Баерн

Дарко Андоновски — Mon, 06 Sep 2021 16:44:01 +0000

Триесет и осумгодишниот играч за врска Франк Рибери не планира да се пензионира. Тој е пред потпис со италијанскиот клуб Салернитана. Во меѓувреме, „L’Equipe“ пренесува дека Баерн веќе му ветил на Рибери работа во клубот, откако играчот од средниот ред ќе ги „закачи“ копачките. Осумкратниот германски шампион и освојувач на УЕФА Лига на шампиони со Баерн Минхен, Франк Рибери ги помина последните две сезони во Фиорентина, Италија. На крајот на минатата сезона, Рибери стана слободен агент.

Матеус: Зошто Баерн да не потпише со 38-годишниот Рибери, па јас играв кога имав 39 години

Дарко Андоновски — Tue, 10 Aug 2021 07:39:15 +0000

Поранешниот играч на Баерн и Германија, Лотар Матеус, смета дека баварскиот клуб треба да го врати 38-годишниот фудбалер од средниот ред, Франк Рибери. – Ако Баерн не го најде крилниот напаѓач што го сака, дефинитивно би размислил да потпишам едногодишен договор со Франк Рибери. Играв и за Баерн кога имав 39 години. Јасно е дека нема да може да игра два натпревари од 90 минути неделно. Но, Френк сé уште е во форма, тоа исто така би било голем плус за соблекувалната. Тој одигра 29 натпревари во Серија А и сé уште може да игра добро во Бундеслигата. Навивачите на Баерн би сакале да го видат Френк во дресот на клубот, напиша Матеус во колумна за „Скај“. На враќањето на Рибери во Баерн, најмногу се спротивставува спортскиот директор Хасан Салихамиџиќ.

Рибери: Очекував поголема почит од Фиорентина

Ивона Петрова — Sat, 10 Jul 2021 14:54:36 +0000

Играчот за врска Франк Рибери го прокоментира заминувањето од Фиорентина поради истекот на неговиот договор. – Поминав две прекрасни години во Фиренца. Жал ми е што заминав, сакав да останам тука уште една сезона. Го дадов максимумот на натпреварите за Фиорентина, но никој не разговараше за новиот договор со мене. Очекував повеќе респект од раководството на клубот од Фиренца, изјави 38-годишниот Рибери за „Фудбал Италија“. Минатата сезона Французинот одигра 30 натпревари, на кои постигна два гола и направи шест асистенции.

Рибери ќе ја напушти Фиорентина како слободен агент

Ивона Петрова — Wed, 30 Jun 2021 12:36:04 +0000

Фудбалерот за врска на Фиорентина, Франк Рибери ќе го напушти клубот, објави новинарот Николо Шира. Според добриот познавач на италијанскиот фудбал, клубот од Фиренца одлучил да не го продолжи договорот со 38-годишниот Французин. Виолетовите му го понудија играч на Лацио, но римскиот клуб не е заинтересиран за фудбалерот со богата кариера. Минатата сезона Рибери одигра 30 натпревари, на кои постигна два гола и направи шест асистенции.

Рибери се уште жали за „Златната топка“

Ивона Петрова — Sun, 21 Jun 2020 08:11:04 +0000

Францускиот играч од средниот ред на Фиорентина, Франк Рибери, сè уште е разочаран што не ја доби „Златната топка“ во 2013 година. Тогаш Рибери стана шампион на Германија со Баерн (Минхен), го освои Купот и Суперкупот на земјата, како и Лигата на шампиони. Победник во 2013 година беше Кристијано Роналдо од Реал Мадрид, кој во моментов е во Јувентус, а втор беше Лионел Меси од Барселона. – Што повеќе можев да направам за да ја освојам „Златната топка“? Постигнав максимум во клубот и репрезентацијата. Беше тешко време за мене, но сепак останав човек на теренот и надвор од него, рече Рибери.

Рибери се повреди и во солзи го напушти теренот

Ивана Ефремовски — Sun, 01 Dec 2019 09:37:27 +0000

Натпреварот на Фиорентина и Лече кој заврши со победата гостите од 1:0, освен по поразот на неговиот тим, францускиот фудбалер Франк Рибери, ќе го памети и по повредата која ја здоби. Од клубот се плашат дека може да станува збор за посериозна повреда, која ветеранот би го оддалечила подолго време од терените. Рибери доби силен удар во глуждот на десната нога, и од терен излезе со помош на лекарскиот тим на Фиорентина, па беше заменет со Кевин Принс Боатенг. Додека излегуваше, кај Рибери имаше солзи во очите, како комбинација од болка со разочараност и страв дека можеби му претстои подолга пауза.

Рибери на крајот од сезоната го напушта Баерн Минхен

Предраг Кукиќ — Fri, 21 Dec 2018 13:30:19 +0000

Поранешниот репрезентативец на Франција, Франк Рибери, по завршувањето на сезоната ќе замине од Баерн, потврди генералниот менаџер на клубот од Минхен, Ули Хенес. Рибери во Минхен пристигна во 2007 година од Олимпик Марсеј. За 12 години со Баерн успеа да освои 21 трофеј, вклучувајќи го и оној од Лигата на шампионите во 2013. Францускиот ас иако има 36 години нема намера да стави крај на кариерата. Тој добил понуда од Галатасарај, чии дрес го носеше во минатото, а за него се заинтересирани неколку екипи од Кина и од САД, како и од Саудиска Арабија.

И самиот фудбалер го признал судирот: Рибери нападнал новинар по поразот од Дортумунд

Дарко Андоновски — Mon, 12 Nov 2018 14:33:24 +0000

Францускиот ветеран кој настапува во Баерн Минхен, Франк Рибери, по саботниот пораз од Борусија Дортмунд во дерби пресметката од 11. коло во Бундес лигата, физички го нападнал новинарот на „Бе ИН Спортс“, Патрик Гију, пренесува „Билд”. Дека информацијата е точна потврдил и баварскиот гигант преку официјалното соопштение. – Рибери не извести дека имал судир со својот сонародник кого го познава долги години. Се согласивме дека со него ќе разговараме за да видиме како да го решиме тоа прашање. Гију даде сигнали дека тоа е во негов интерес, изјави Хасан Салихамиџиќ, спортскиот директор на актуелниот германскиот шампион. Ваквото однесување на Французинот е уште еден доказ дека врие во соблекувалната на баварскиот гигант и дека се поголемо и поголемо е незадоволството на неколку фудбалери од работата на шефот на стручниот штаб, Нико Ковач, кој е посочен како главен виновник за очајните резултати на домашната сцена.