франс фудбал – Kurir.mk

„Франс Фудбал“ ги објави своите „11“ во Лига 1

Дарко Андоновски — Fri, 01 May 2020 16:46:03 +0000

Популарното француско списание „Франс Фудбал“ го дефинираше својот идеален тим во локалното првенство. Шампионатот во Лига 1 беше порано прекинат поради пандемијата од коронавирус, а привремениот ранг се сметаше за конечен. Вреди да се одбележи дека меѓу најдобрите не се Мауро Икарди (Пари Сен Жермен) и Виктор Осимен (Лил). Аргентинецот, кој игра за Интер, заврши со 12 голови и 2 асистенции. Нигериецот, кого го бараа многу клубови, пак постигна 13 голови и 4 асистенции. Сепак, двајцата беа засенети од стрелците на шампионите, Висам Бен Једер (Монако) и Килијан Мбапе (ПСЖ) – двајцата со по 18 гола. Еве кој е и идеалниот фудбалски тим според „Франс Прес“: Предраг Рајкович (Ремс), Амари Траоре (Рен), Тиаго Силва (ПСЖ), Убис Абделхамид (Ремс), Фету Мауаса (Рен), Марко Верати (ПСЖ), Едуардо Камавинга (Рен), Анхел Ди Марија (ПСЖ), Нејмар (ПСЖ), Килијан Мбапе (ПСЖ), Висам Бен Једер (Монако).

Модриќ без нова номинација за Златна топка

Ивона Петрова — Tue, 22 Oct 2019 06:26:20 +0000

Франс Фудбал ги објави 30 претенденти за освојувач на Златната топка која се доделува за најдобар играч на светот во 2019 година. Минатогодишниот лауреат Лука Модриќ, кој игра за Реал Мадрид, не се најде на списокот. За прв пат по 26 години, победникот на „Златната топка“ не доби номинација за следната година. Последен пат таков случај беше во 1992 година кога победи Марко ван Бастен, но не беше номиниран во 1993 година. Трофеј за најдобриот фудбалер на годината се доделува од 1956 години, го освои Англичанецот Стенли Метјус.

ГОТОВО Е: Ова се 30-те најдобри фудбалери на светот- погледнете кои играчи ќе се борат за Златната топка

Матеја Петровски — Mon, 08 Oct 2018 18:20:38 +0000

Франс фудбал во стилот на минатата година почна да ги објавува имињата на кандидатите за престижниот избор за Златна топка во 2018 година. На секој два часа од утринава, познатиот магазин објавуваше по пет финалисти, а во 19:30 конечно ја добивме листата од 30 играчи кои се во конкуренција за титулата најдобар на планетата. На списокот финалисти се наоѓаат: Серхио Агуеро, Тибо Куртоа, Алисон Бекер, Карим Бензема, Герет Бејл, Кевин Де Брујн, Диего Годин, Единсон Кавани, Роберто Фирмино, минатогодишниот победник Кристијано Роналдо, потоа Н’Голо Канте, Антоан Гризман, Иско, Еден Азар, Хери Кејн, Уго Лорис, Марио Манџукиќ, Садио Мане, Марсело, Килијан Мбапе, Лионел Меси, Лука Модриќ, Јан Облак, Пол Погба, Иван Ракитиќ, Серхио Рамос, Мохамед Салах, Луис Суарез и Рафаел Варан. Списокот од 30 кандидати го избра редакцијата на Франс фудбал, а потоа за пет финалисти гласаат по еден новинар од 176 земји ширум светот. Тие ќе гласаат пет играчи, каде првиот добива шест поени, вториот четири, третиот три и четвртиот два и петтиот добива еден поен. Конечниот победник во трката за најдобар фудбалер ќе биде познат во декември.

„Франс фудбал“: Извини, Андрес!

Дарко Андоновски — Tue, 24 Apr 2018 15:20:31 +0000

Главниот и одговорен уредник на списанието „Франс фудбал“, Паскал Фере, објави текст под наслов „Извини, Андрес!“. Легендарниот фудбалер на Барселона и на шпанската репрезентација, Андрес Иниеста, никогаш не го доби признанието за најдобар играч на светот „Златна топка“, а според Фере тоа е „аномалија“. Уредникот на „Франс фудбал“ наведува дека последна шанса да се исправат нештата и Иниеста да добие „Златна топка“ е Светското првенство во Русија, доколку фудбалерот има успешен настап. Иниеста беше на чекор од освојувањето на оваа награда по Мундијалот во 2010 година. Тој во финалето го постигна решавачкиот гол против Холандија, но „Златната топка“ ја доби неговиот соиграч од Барселона, Лионел Меси.