фрази – Kurir.mk

Токсични фрази кои несвесно ги изговараме, а ни ја уништуваат врската: Дали ги користите?

Ристе Здравков — Mon, 13 Mar 2023 10:51:17 +0000

Велат дека делата зборуваат погласно од зборовите, што е најчесто случај, но велат и дека изговорениот збор „не се враќа“. За жал, во партнерските односи, повеќето не се грижат за она што го кажуваат, особено во екот на гневот. Одредени зборови можат да ни го повредат духот и да остават долгорочни последици за нашата ментална состојба, а понекогаш можат да болат повеќе од физичка повреда. Ајде да ги погледнеме најчесто користените фрази кои долгорочно може да го влошат нашето партнерство: 1. „Ако така се чувствуваш – подобро да раскинеме“ Оваа реченица обично ја кажуваме среде кавга, кога не можеме да се справиме со обвинувањата и незадоволството од партнерот. Во тие моменти треба да се потсетиме дека бракот е спој на две личности кои заедно треба да бараат решение и компромис. Наместо често да се закануваме дека ќе раскинеме, можеме да го пробаме следново: – Во моментов се чувствувам лут, разочаран или погрешно разбран и тешко ми е да бидам покрај тебе. Те сакам ама ми треба простор, ќе разговараме кога ќе се „оладам“. 2. „Зборуваш глупости“ Чести се моментите кога мислиме дека нешто што ни го кажува другата половина е ирационално или бесмислено, но наместо да ги користиме токму тие фрази, посегнуваме по грдиот збор „глупав“. Ова е особено погрешно бидејќи го прави нашиот партнер да се чувствува токму така – „глупав“ и може да го спречи да споделува идеи, соништа или стравови со нас во иднина. Поинаква перспектива на гледање на нештата е нормална, дури и пожелна. 3. „Не сакам да зборувам за тоа“ Понекогаш ни треба пауза за време на дискусијата за да ја процениме ситуацијата, да ги оладиме главите и да размислиме за идните чекори. Но, ако целосно го игнорираме „слонот во собата“, односно проблемот во нашиот брак или врска, тој може да стане почетна капсула за катастрофа. Недоразбирањето е една од најчестите причини за прекинување на меѓучовечките односи, па затоа е многу важно да се разговара, без разлика колку е непријатна или болна одредена тема. Нагласете дека сè уште не сте подготвени да започнете разговор, но не го отфрлајте целосно. 4. „Ти си ист/а како татко ти/мајка ти“ Ова е големо, големо НЕ затоа што навистина може да повреди човек. Ако нашиот партнер ни верува доволно за да го сподели со нас своето детство или работи кои го мачат за неговите родители, никогаш не смееме да го злоупотребуваме тоа против него, без разлика колку сме лути. 5. „Само опушти се“ Во превод – престанете да размислувате за тоа. Реченица која всушност создава сосема спротивно чувство, доколку некоја личност ви ги искаже своите негативни чувства, а вие на овој начин ја предизвикате, генерално ќе предизвикате зголемен гнев.

Овие реченици се поубави од „Те сакам“!

Ивана Ефремовски — Tue, 08 Jun 2021 20:26:24 +0000

Еден од најважните моменти во секоја врска е кога човек првпат ќе ја каже и ќе ја слушне фразата „Те сакам“. Оваа фраза дефинитивно не треба да се земе здраво за готово, но таа не е единствената реченица која ја легитимизира врската и ја прави најцврста на светов. Иако овие две зборчиња се многу важен чекор, има уште многу други реченици кои можеби значат и повеќе отколку само декларативно да се каже оваа фраза. „Ме инспирираш.“ „Секогаш ќе бидам тука за тебе.“ „Никогаш нема да престанам да те предизвикувам.“ „Сакам да остарам со тебе.“ „Те знам, те гледам.“ „Те почитувам.“ „Никогаш нема да се откажам од нас.“ „Заљубен сум во тебе.“ „Преубава си.“ „Ти верувам.“

Лефков: Се прават реформи во образованието со полувистини и фрази кои наликуваат на маркетинг слогани коишто ги измислува Царовска

Тале Кристо — Mon, 01 Mar 2021 12:18:09 +0000

-Кога зборуваме за најмалите, вината за нивното однесување мора да ја бараме во целото општество. А тоа е сиромаштијата, стапката на невработеност во Македонија, нефункционалноста на институциите, тоа што сме на 111-то место по корупција, тоа што луѓето не веруваат во институциите и нефункционалноста на образованието. Се прават реформи со полувистини и фрази кои наликуваат на маркетинг слогани коишто ги измислува Мила Царовска. За жал сето тоа придонесува да се создаде слика во општеството, каде што младите не ја почитуваат ниту државата, ниту институциите. А родителите водат секојдневна борба да преживеат, како ќе ги платат сметките. И на крајот на денот децата се оние кои се заборавени. Заборавени и од системот и од образованието, па и од нивните родители поради тоа што во државата постои економска криза, истакна пратеникот од редовите на ВМРО-ДПМНЕ Миле Лефков во денешното издание на “Неделен брифинг” на Инфомакс.

Овие фрази може да ви го уништат бракот, избегнувајте ги!

Тале Кристо — Tue, 14 Jul 2020 12:41:23 +0000

Психологот Лана Јеркендер во текстот ја опишува секоја фраза што може сериозно да го наруши бракот и семејството. Наметнување вина: „Повторно не ги избриша нозете во ходникот“; „Повторно заборави да купиш леб“; Зборови кои го потенцираат недостатокот на некој близок: „Можев да се омажам многу подобро“, „Не си ми ниту до колена“, итн. „Мислиш само на своја корист“, „Себичен си“ и така натаму. Зборови што укажуваат на неподготвеност да ги задоволи желбите на сопругата / сопругот: “И што мислиш, дека, на крајот на краиштата, ќе останам во брак со тебе?” „Немам намера да бидам со тебе ниту момент подолго!“ итн. Фрази што ја намалуваат важноста, потребите на друг: „Јас ќе успеам без тебе!“; „Никогаш не те сакав, јас бев со тебе од сожалување, заради децата!“ Фрази на занемарување, отфрлање: „Не сакам да те видам никогаш повеќе“, „Тргни ми се од пред очите“ и така натаму.