фред – Kurir.mk

Фред нов играч на Фенербахче

Бошко Тасиќ — Sun, 13 Aug 2023 15:48:41 +0000

Бразилецот Фред, денеска и официјално е нов фудбалер на Фенербахче, откако го потпиша договорот со турскиот тим. Фред вчера се прости на навивачите на Манчестер јунајтед, а денеска Фенербахче преку социјалните мрежи објави дека Бразилецот кариерата ќе ја продолжи токму во турскиот тим. Тој со Фенербахче потпиша четиригодишен договор, со можност да се продолжи за уште една сезона. „Многу сум среќен што дојдов во најголемиот турски тим и клуб кој има голема историја. И јас сакам да бидам дел од таа традиција. Првите впечатоци се многу добри. Ќе дадам сè од себе да му донесам на Фенербахче нови трофеи“, изјави Фред.

Манчестер Јунајтед ќе се обиде да го продаде Мегваер и Фред

Бошко Тасиќ — Sat, 12 Nov 2022 05:57:27 +0000

Манчестере јунајтед ќе се обидат да го продадат капитенот Хери Мегваер во летниот преоден рок, бидејќи Ерик Тен Хаг ќе се обиде да продолжи со изградбата на „обновениот“ тим, јавува „Гардијан“. Мегваер ги чинеше Јунајтед 80 милиони фунти кога го купија од Лестер во 2019 година и во клубот се свесни дека ќе мора да прифатат далеку пониска цена за него. Овие вести се појавуваат неколку дена откако англискиот селектор, Герет Саутејт потврди дека планира на Мегваер како стартер на СП во Катар. Оле Гунар Солскјер го направи Мегваер капитен кога го купи од Лестере во август 2019, но оваа сезона тој има само еден старт во Премиерлигата по првите два меча од сезоната, кои Јунајтед ги загубија од Брајтон (2:1) и Брентфорд (4:0). Тен Хаг ги преферира Рафаел Варан и Лисандро Мартинез како бекови. Мегваер потпиша шестгодишендоговор со опција за продолжување во 2026 година, и има плата од 190.000 фунти неделно. Тен Хаг исто така планира да се „ослободи“ и од Фред, кога договорот на Бразилецот ќе истече во јуни, иако Јунајтед имаат опција да го продолжат договорот на уште една сезона. Фред дојде во Јунајтед од Шахтјор Доњецк во 2018 под Жозе Мурињо за 52 милиони фунти.

Фред: Доколку остане Погба, следната година ќе бидеме уште посилни

Тале Кристо — Sun, 17 May 2020 13:50:24 +0000

Играчот од средниот ред на Манчестер Јунајтед, Фред го сподели своето мислење за неговиот соиграч Пол Погба. – Секој кој ги гледал натпреварите од СП 2018 година, знае дека Погба е одличен фудбалер. Секој што комуницира и игра со него цело време, исто така го знае тоа. Сите во Манчестер Јунајтед сакаат Погба да остане. Јас сум сигурен дека е во состојба да му помогне на тимот и да му даде многу. Да, ние играме на иста позиција, но колку посилни се играчите во еден тим, толку подобро. Доколку остане Погба, тогаш сигурен сум дека ќе бидеме уште посилни следната година, изјави Фред за „Goal.com“. Погба го пропушти поголемиот дел од сезоната 2019/20 поради повреда на глуждот. Играше на 7 натпревари во Премиер лигата и забележа две асистенции. За 27-годишниот Французин се заинтересирани Реал Мадрид и Јувентус.

Мурињо не го сакал Фред во Јунајтед

Тале Кристо — Sun, 13 Oct 2019 12:35:01 +0000

Поранешниот менаџер на Манчестер Јунајтед, Жозе Мурињо, се изразил против привлекувањето на играчот од средниот ред Фред Родригез минатата година, откри „Атлетик“. Според медиумите, сепак, Португалецот го прифатил договорот од страв дека во спротивно раководството на клубот нема да привлече никој друг. Во летото 2018 година, „црвените ѓаволи“ платија солидни 52 милиони фунти за Бразилецот. Речиси година и пол, тој не може да убеди никого дека договорот вредел. Според „Атлетик“, Мурињо цело време имал загриженост дека кариерата на Фред во Јунајтед ќе се развива точно како што е сега – со неможност играчот да се пробие во првиот тим. На крајот на краиштата, стравувањата на португалскиот стратег дека извршниот директор Ед Вудвард нема да дозволи купување на друг играч од средниот ред, го принудиле Специјалниот да дејствува против неговите чувства. Фред всушност имаше проблеми да игра редовно кај Мурињо, се појави само еднаш на последните 6 натпревари пред отказот на португалскиот тактичар. Наследникот на Жозе како менаџер – Оле Гунар Солскјер, од друга страна, искрено не се потпираше на Фред до сега. Сепак, Норвежанецот неодамна изрази уверување во талентите на фудбалерот.

Фред пред дербито со Тотенхем: Победата е задолжителна

Ристе Здравков — Fri, 24 Aug 2018 11:07:36 +0000

Новото засилување на Манчестер Јунајтед, Фред објави дека „црвените ѓаволи“ задолжително треба да го победат Тотенхем во дербито од третата рунда од Премиер лигата, ако сакаат да учествуваат во борбата за титула оваа сезона. Тимот на Жозе Мурињо започна неубедливо во новата сезона и загуби уште во вториот натпревар во шампионатот на гостувањето кај Брајтон. Сега за Јунајтед претстои многу сериозен тест - натпревар дома против Тотенхем в понеделник во 21 часот по македонско време. - Ова е многу важен натпревар. Во текот на неделата работевме напорно, концентрирани сме целосно на овој натпревар и сакаме да забележиме победа пред нашите навивачи. Знаеме дека Тотенхем се многу силен тим, но ние мора да победиме ако сакаме да се бориме за титулата, изјави Бразилецот за „Скај Спортс“.

Раздвижен ден на Олд Трафорд: Уште едно големо засилување ги помина лекарските прегледи во Манчестер Јунајтед

Матеја Петровски — Tue, 05 Jun 2018 18:13:19 +0000

Таман што навивачите на Манчестер Јунајтед почнаа да го слават доаѓањето на нивното ново засилување Фред, уште еден играч на Олд Трафорд. Според наводите на Скај Спорт, како и фриленс новинарот Крег Норвуд, кој важи за англискиот Џанлука Ди Марцио, на Олд Трафорд додека се потпишувал договорот со Фред, лекарските прегледи ги минувал и Диого Далота. Се минало како што треба, а договорени се и условите за соработката со 19 годишниот фудбалер, кој може да игра и на левата и на десната бековска позиција. Неговиот клуб Порто не се прашува многу за овој трансфер, затоа што во договорот има клаузула од 20 милиони евра, што е вистинска „ситница“ за Манчестер Јунајтед, а пристојна заработка за Порто. На Олд Трафорд може да се каже дека стартот на преодниот рок е најмалку интересен. Фред клубот од Манчестер го чинеше најмалку 59 милиони евра, додека Далот 20 милиони евра, што значи дека Јунајтед за еден ден потроши 79 милиони евра.

ОФИЦИЈАЛНО: Големата бразилска ѕвезда потпиша за Манчестер Јунајтер- трансфер вреден скоро 70 милиони евра

Матеја Петровски — Tue, 05 Jun 2018 17:01:03 +0000

Сега веќе и официјално, Фред е нов фудбалер на Манчестер Јунајтед. Ако претходните денови и имаше дилеми околу тоа дали Црвените Ѓаволи ќе го завршат овој петти најскап трансфер во клупската историја, сега веќе ги нема. Манчестер Јунајтед на својата официјална страна потврди дека договор со Шахтјор епостигнал, но никакви финансиски детали не се обелоденети. Сепак, како што е од порано познато Манчестер Јунајтед на сметката на украинскиот гигант ќе уплати 59 милиони евра, а покрај на Шахтјор би можеле да му легнат уште седум милиони, што вкупно би значело 66 милиони. Сепак ова е неофицијална информација. Фред треба утре да ги мине лекарските прегледи, а платата која што ќе ја зема во Манчестер Јунајтед ќе му биде 6 милиони евра годишно, не сметајќи ги бонусите.