Фредерико Киеза пред трансфер во Премиерлигата

Бошко Тасиќ — Sat, 10 Jun 2023 05:45:38 +0000

Фредерико Киеза ова лето би можел да заврши во Премиерлигата. За голгетерот на Јувентус се заинтересирани Ливерпул и Њуксал, а и самиот Италијанец нема против да ја промени средината, пренесуваат англиските медиуми. Киеза кој го пропушти речиси целиот прв дел од сезоната поради повреда, се врати на теренот и настапи на 33 натпревари на кои постигна четири гола и шест пати аситираше до соиграчите, но не се чувствува дека е во центарот на проектот на Јувентус и бара излез додека постојат големи понуди. Покрај премиерлигашките интерес за услугите на 25-годишникот покажува и Баерн Минхен. Доколку дојде до трансфер во Англија или Германија тоа воедно ќе биде прв настап за Италијанецот за клуб надвор од неговата татковина. Пред Јувентус настапуваше за Фиорентина.

Јувентус го откупи Киеза за 40 милиони евра

Катерина Бојаџиева — Mon, 02 May 2022 13:07:24 +0000

Италијанскиот фудбалски гигант Јувентус ја активираше клаузулата со која трансферот на напаѓачот Федерико Киеза од Фиорентина доби перманентен карактер. Италијанскиот репрезентативец му се приклучи на Јувентус како позајмен фудбалер есента 2020 година со можност неговиот договор да биде откупен на крајот на оваа сезона. Според информациите во италијанските медиуми, еден од условите за активирање на откупната клаузула во договорот на Киеза бил пласман на Јувентус во Лигата на шампиони што Старата дама го обезбеди на три кола пред крајот на сезоната во Серија А. Јувентус веќе плати десет милиони евра кога Киеза дојде во клубот како позајмен фудбалер и ќе плати дополнителни 40 милиони евра за неговиот трансфер да биде траен.

фредерико киеза – Kurir.mk

Фредерико Киеза пред трансфер во Премиерлигата

Јувентус го откупи Киеза за 40 милиони евра