френк лампард – Kurir.mk

Лампард продолжува да нижи негативни резултати

Ристе Здравков — Wed, 19 Apr 2023 08:25:31 +0000

Френк Лампард пред три недели се врати во Челси, а синоќа влезе во клупската историја, како најнеуспешниот менаџер во 118. годишната историја. Челси го назначи Лампард за менаџер откако го отпушти Грем Потер поради серијата на лоши резултати. Лампард ја прифати понудата да биде преодно решение, односно да го води Челси до крајот на сезоната. Поранешниуот капитен, вториот мандат на клупата на Челси го започна со поразот од Вулверхемптон (1:0), потоа следуваше поразот од Реал во Мадрид (2:0), па поразот од Брајтон на домашен терен во Премиер лигата (2:1). Лошата серија Лампард ја продолжи синоќа со вториот пораз од Реал (2:0) на „Стенфорд Бриџ“. Лампард стана првиот менаџер во 118.годишната на Челси кој во првите четири натпревари забележал исто толку порази.

Лампард: Не ми смета што Тод Боли влегува во соблекувалната кај играчите

Бошко Тасиќ — Tue, 18 Apr 2023 04:24:10 +0000

Влезот на Тод Боли во соблекувалната на Челзи по поразот од Брајтон (1:2) и критиките кон играчите на „сините“ кренаа прашина во медиумите на Островот, па дури ни тренерот Френк Лампард на прес-конференцијата во пресрет на реванш осминафиналето против Реал Мадрид (21:00 часот) на Стемфорд Бриџ не можеше да ја избегне оваа тема. Наводно, Боли им кажал на играчите дека потрошил 600.000.000 евра за да направи победнички тим, а натпреварот против Брајтон е срамен, но потоа ги искара пред важниот натпревар со Реал Мадрид, што може да ја врати довербата на навивачите во нив. Челзи беше поразен со 0:2 на „Сантијаго Бернабеу“, па останува да се види дали избраниците на Лампард се способни да се вратат во живот и да се изборат за пласман во полуфиналето. Голманот на сините Кепа Аризабалаг донекаде ја смири ситуацијата со изјавата дека американскиот бизнисмен доаѓа во соблекувалната по секој натпревар и дека тоа е нешто на што не се жали шефот на струката. „Немам проблем со тоа. Имам свои работи да кажам по натпреварите, а ако сопственикот сака да биде позитивен и сака да разговара со играчите, тогаш неговата улога е да го направи тоа. Како што рече Кепа, може да биде редовна работа во денешно време. Тоа всушност покажува страст и ми се допаѓа“, рече Лампард. Во медиумите се појавија фотографии на кои се гледа како Боли со лут тон разговара со навивачите на трибините. „Страста оди во двата правци. Навивачите покажуваат страст. Мислам дека сопственикот не очекуваше ништо кога дојде во Челзи освен целосна страст да сака клубот да биде успешен. Имавме среќа во последните 20 години да бидеме многу успешни, што значи дека сакате повеќе од тоа. Страсните сопственици сакаат да направат разлика и да имаат вистинска визија за клубот, ние сме во рана фаза на тој процес. Страста е нормална, не ја гледам како проблем. Сите можеме да работиме со страст и да одиме во иста насока за да бидеме таму каде што сакаме да стигнеме“. Стратегот на сините потоа се осврна на потенцијалните шанси неговиот тим да ја достигне предноста на Реал Мадрид на утрешниот натпревар. „Не сме таму каде што сакаме да бидеме. Позицијата во лигата е реалност, а на овој натпревар губиме со 0:2. Мора да се бориме против неа, бидејќи во моментот во кој се наоѓаме победа би била нешто посебно. Мислам дека се е можно во фудбалот. Нема сомнеж дека сме конкурентни и дека заслужуваме да бидеме тука. Противникот е навистина на високо ниво. Многу пати сум бил на Стемфорд Бриџ во нокаут фазата на ЛШ, знам дека атмосферата ќе биде одлична“, изјави Лампард

Лоши вести за Челси пред мечот во ЛШ

Бошко Тасиќ — Sat, 15 Apr 2023 04:09:08 +0000

Фудбалерот на Челси Бен Чилвел сигурно нема да настапи на реваншот во Лондон на мечот помеѓу Челси и Реал Мадрид. Бекот на Челзи во првиот натпревар во 59. минута доби директен црвен картон и ќе мора на „ладење“ еден натпревар. Тука не е крајот на проблемите за тимот кој двапати ја освои Лигата на шампионите. Имено, Френк Лампард, привремениот менаџер на Челзи, потврди дека Калиду Кулибали ќе пропушти најмалку два натпревари, меѓу кои е и реваншот против Реал Мадрид. Дефанзивецот од Сенегал се повреди на првиот натпревар меѓу овие два тима, а теренот го напушти во 55. минута кога наместо него во игра влезе Марк Кукурела.

Лампард по враќањето во Челзи: Јас сум практична личност, одлуката да се вратам беше лесна

Ристе Здравков — Thu, 06 Apr 2023 14:18:18 +0000

Френк Лампард и официјално е наименуван за нов привремен тренер на Челзи, а договорот му е до крајот на сезонава. Лампард веднаш се фати за работа бидејќи Сините задутре имаат премиерлигашко гостување кај Вулверхемптон. Лампард најголемиот дел од играчката кариера го мина во Челзи, а и од клупата го водеше Челзи во периодот од летото 2019 до јануари 2021. „Ова е мој клуб, па одлуката да се вратам беше лесна. Јас сум практична личност, бев на различен пат по заминувањето од клубот, но убаво е што ќе можам да му помогнам на клубот до крајот на сезонава. Верувам дека можам да помогнам и среќен сум што ја добив оваа шанса. Сум работел со многу од играчите, ги знам и стадионот, тренинг-центарот, во следниот период ќе им го дадеме на фановите тоа што го сакаат, а по завршувањето на сезонава, ќе видиме што ќе се случи“, изјави Лампард.

Френк Лампард ќе биде привремен менаџер на Челзи

Бошко Тасиќ — Thu, 06 Apr 2023 04:09:16 +0000

Поранешниот фудбалски репрезентативец Френк Лампард ќе биде новиот тренер на Челзи, клубот во чија историја е прв стрелец. Одлуката е донесена, се чека само и официјализација на оваа вест. Лампард би требало да ги води Сините само до крајот на сезонава, а ако се покаже, може да остане и после тоа. Лампард веќе работеше како тренер на Челзи, но не се прослави и во јануари 2021 година беше заменет со Томас Тухел. Потоа Лампард беше менаџер и на Евертон, од каде го избркаа во јануари.

Скај спортс: Евертон одлучи да го отпушти Лампард

Катерина Бојаџиева — Mon, 23 Jan 2023 10:43:26 +0000

Френк Лампард денеска треба да се повлече од функцијата менаџер на Евертон. Според „Sky Sports“, одлуката за отказ на 44-годишниот специјалист е веќе донесена. Се очекува Евертон денеска да го објави заминувањето на Лампард како менаџер. Лампард го презеде кормилото на Евертон пред помалку од една година на 31 јануари 2022 година. „Карамелите“ од Ливерпул се наоѓаат на 19. место на табелата во Премиер лигата, со ист број бодови како и последно пласираниот Саутемптон. Тимот нема победа од 22 октомври – тогаш Евертон го совлада Кристал Палас (3:0) во натпреварот од Премиер лигата. Оттогаш, тимот има 8 порази и 2 нерешени на 10 натпревари. Следниот натпревар Евертон ќе го одигра на 4 февруари против лидерот Арсенал.

Раководството на Евертон не верува дека отказ на Лампард ќе ја подобри ситуацијата во клубот

Тале Кристо — Fri, 08 Apr 2022 13:22:02 +0000

Френк Лампард ќе продолжи да биде тренер на Евертон. Раководството на „Карамелите“ не верува дека отпуштањето на стручњакот ќе ги подобри нивните шанси за останување во Премиер лигата во оваа фаза. Но, во исто време тоа не значи дека Евертон ќе соработува со Лампард до крајот на сезоната, без разлика на резултатите. Се известува дека раководството на клубот е сериозно загрижено за тешката ситуација на тимот оваа сезона во Премиер лигата. Евертон моментално се наоѓа на 17. место на првенствената табела со 25 бодови од 29 натпревари. Предноста на тимот пред зоната за испаѓање е само еден бод. Барнли е на 18. место со 24 бодови. Следниот натпревар Евертон го игра на 9 април на својот стадион против Манчестер јунајтед.

ВИДЕО: Лампард ја скрши раката славејќи ја победата

Ивона Петрова — Fri, 18 Mar 2022 12:43:03 +0000

Тренерот на англискиот прволигаш Евертон, Френк Лампард (43), ја скрши раката прославувајќи го синоќа победничкиот гол на својата екипа во премиерлигашкиот натпревар против Њукасл. Евертон забележа важна победа (1-0) во битката за опстанок со голот на Алекс Ивоби во 99 минута.

Frank Lampard is BUZZING!
He knows how important that goal could be! 🔵#EVENEW #PLonPrime pic.twitter.com/qiXEqHQVDs — Amazon Prime Video Sport (@primevideosport) March 17, 2022

Натпреварот беше продолжен дури 14 минути поради инцидент што се случи на почетокот на второто полувреме, кога момче втрча на теренот и се врза околу вратот за една од стативите. На редарите им беа потребни осум минути да го одврзат момчето, кое носеше маичка со натпис: „Само запрете ја нафтата“. – Ја скршив рака за време на славјето. Беше прилично болно и раката не е стабилна, но во овој момент тоа е најмалку важно, изјави Лампард по натпреварот.

Ouch! 😅 He might have broken his hand during the celebrations, but the three points is the only thing on Frank Lampard's mind #EVENEW #PLonPrime pic.twitter.com/HMxlUXF3L9
— Amazon Prime Video Sport (@primevideosport) March 17, 2022

Лампард се поблиску до кормилото на Евертон

Бошко Тасиќ — Sat, 29 Jan 2022 18:21:12 +0000

Медиумите во Англија пренесуваат дека прашање на време е кога Френк Лампард ќе стане менаџер на Евертон. Веднаш откако ќе стане тренер на оваа екипа планира да го доведе гуфбачерот на Манчестер Јунајтед Дони Ван де Бек. Де Бек најверојатно би дошол во Евертон на позајмица до крајот на сезоната, но без задолжителен откуп, бидејќи Манчестер Јунајтед не сака да ја стави таа клаузула во договорот за позајмица.

Мурињо го даде својот коментар за Лампард: „Тој е важна личност во мојата кариера, жал ми е тоа што му се случи“

Магдалена Андонова — Tue, 26 Jan 2021 09:25:45 +0000

– Тренерот на Тотенхем, Жозе Мурињо го коментираше отпуштањето на Френк Лампард од Челзи. – Не мислам дека Френк би сакал да разговара со мене или со некој друг, освен со неговиот близок круг на семејство и пријатели. Сепак, секогаш е тажно кога некој колега ќе ја изгуби работата, а Френк не е само колега за мене. Тој е важна личност во мојата кариера, па жал ми е што му се случи тоа, изјави Мурињо за „Гол“. Вчера, Челзи му врачи отказ на Лампард поради незадоволителни резултати. Англичанецот ги предводеше „сините“ од летото 2019 година. Клубот во моментов е рангиран на 9. место во Премиер лигата со 29 бода. (МИА)