френки де јонг – Kurir.mk

Барселона најмалку три недели без Де Јонг

Ивана Ефремовски — Tue, 26 Sep 2023 15:02:56 +0000

Играчот за врска на Барселона, Френки де Јонг, кој изминатиот викенд го повреди глуждот, ќе биде надвор од теренот најмалку три недели, односно до следната репрезентативна пауза, изјави денеска тренерот на каталонскиот клуб, Чави. Холандскиот фудбалер беше стандарден во составот на Барселона на сите натпревари сезонава во шпанската ла Лига пред да биде заменет во првото полувреме против Селта Виго во саботата. „Тоа ќе биде значаен недостиг за нас. Френки е клучен за нашата игра, особено во светло на одличната форма во која се наоѓаше“, рече Чави. Барселона вечерва ѝ гостува на Мајорка, по што до репрезентативната пауза ја очекуваат дуелите против Севиља, Порто и Гранада. (МИА)

Де Јонг би можел да пропушти неколку недели поради повреда

Дарко Андоновски — Sun, 24 Sep 2023 08:24:20 +0000

Фудбалерот од средниот ред на Барселона, Френки де Јонг се повреди на вчерашниот натпревар од 6. коло на Ла Лига против Селта Виго (3:2), пренесува клупската прес-служба на Каталонците. Дваесет и шестгодишниот Холанѓанец има повреда на десниот скочен зглоб. Тој беше заменет во 36. минута. Играчот од средниот ред може да пропушти неколку недели. - Испитувањата покажаа дека Френки де Јонг има сериозна повреда на десниот зглоб. Тој е надвор од составот и неговото закрепнување ќе ја одреди неговата достапност до тимот, се вели во соопштението на Барселона. Оваа сезона Де Јонг одигра шест натпревари и постигна еден гол.

Тешка повреда на Де Јонг

Бошко Тасиќ — Sun, 24 Sep 2023 05:37:16 +0000

Тренерот Чави по мечот на Барселона со Селта дозна дека одреден период ќе биде без главниот мотор во тимот Френки де Јонг. Холанѓанецот почувствува непријатност во десниот скочен зглоб, па беше заменет со Гави во 36. минута. Репортерката Хелена Кондис потврди дека Де Јонг бил подложен на неколку медицински тестови додека се уште траел натпреварот кои покажале повреда на глобот. Во Барселона оправдано се загрижени, се шпекулира дека Де Јонг ќе отсуствува до ноември, односно дека ќе пропушти неколку важни натпревари меѓу кои и дербито против Реал. Исто така Де Јонг ќе ги пропушти и натпреварите против Порто и Шахтјор во Лигата на шампионите.

Френки де Јонг: Штета што Меси не се врати во Барселона, тој секогаш одлучува за исходот на натпреварите

Дарко Андоновски — Mon, 12 Jun 2023 17:47:00 +0000

Френки де Јонг жали што Лионел Меси не се врати во Барселона. - Мислам дека секој тим би сакал Лионел да игра за нив, бидејќи тој одлучува за исходот на натпреварите секогаш, секаде. Штета што не се врати во Барселона. Би бил среќен поради тоа, би било одлично, го цитира „Goal.com“ играчот од средниот ред на каталонскиот клуб. Меси по две години поминати во Пари Сен-Жермен, одлучи кариерата да ја продолжи во американската МЛС-лига, како играч на Интер Мајами.

Ливерпул оствари контакт со Френки де Јонг

Бошко Тасиќ — Sun, 23 Oct 2022 05:58:30 +0000

Трансферот на Френки де Јонг во Манчестер Јунајтед пропадна, но играчот од средниот ред на Барселона ќе биде интересен на маркетот и оваа зима. „Црвените ѓаволи“ се уште се заинтересирани за него, но ќе имаат сериозна конкуренција. Според „ЕСПН“, за холандскиот интернационалец се заинтересирани и Челси и Ливерпул. Претставници на „црвените“ веќе контактирале со агентите на Де Јонг. Во Челси имаа информации дека играчот од средниот ред е подготвен да ја преиспита својата одлука и да ја напушти Барса. Како што е познато, пред почетокот на сезоната, каталонскиот клуб се согласил да го продаде на Манчестер Јунајтед, но самиот играч го одби трансферот. Сепак, ситуацијата сега може да се промени.

Де Јонг за платата во Барса: Се води кампања против мене

Магдалена Андонова — Mon, 17 Oct 2022 11:40:24 +0000

Френки де Јонг тврди дека медиумите лажеле за неговата плата во Барселона. На прашањето дали по заминувањето на Лео Меси, Де Јонг стана најплатениот играч во Барселона, фудбалерот одговори: – Мислам дека не. Почнаа кампања против мене. Видете, не сум кажал ниту еден збор сето ова време. Но, клубот шири… Или медиумите кои се поврзани со клубот… Шират лаги, многу лаги. Во Барселона играм три години и секоја година се откажувам од дел од платата. Секако, овие пари треба да ми се вратат, Барса да ми ги исплати покрај редовната плата. Поради ова, се разбира, ќе изгледаат големи моите приходи. Мислам дека многу луѓе не го разбираат ова. Бројките кои се шират низ медиумите се лажни, изјави играчот од средниот ред на Барселона за „NOS“. Во август се појави информација дека Френки од оваа сезона во Барселона ќе добива околу 22 милиони евра годишно. (МИА)

Френки де Јонг тврди дека имало кампања со многу лаги против него

Ристе Здравков — Mon, 17 Oct 2022 08:06:03 +0000

Барселона сакаше да го продаде Де Јонг изминатото лето, но тој немаше намера да си замине, па остана на Камп Ноу и оваа сезона. Иако на адреса на Барселона пристигнаа неколку прифатливи понуди, Де Јонг не сакаше да си замине, велеше дека е среќен на Камп Ноу и сака да остане. Според медиумите, причината и на двете страни беа парите. Барселона сакаше да го продаде затоа што платата на Холанѓанецот е огромна, а тој сакаше да остане затоа што клубот има долгови кон него. За време на корона кризата, Де Јонг прифати намалување на платата, но делот кој му беше намален треба да му се исплати сега. „Не мислам дека сум најплатен фудбалер на Барса по меси. Има кампања со многу лаги против мене“, вели Де Јонг. „Во секоја од трите години кои ги играв тука, јас прифатив намалување на платата. Па парите кои сега треба да ми дојдат секако дека изгледаат многу“.

Баерн може да го позајми Де Јонг од Барселона

Магдалена Андонова — Tue, 23 Aug 2022 10:47:12 +0000

Баерн е подготвен да се вклучи во борбата за играчот од средниот ред на Барселона, Френки де Јонг. Новинарот Жерар Ромеро, објави дека клубот од Минхен е подготвен да го покани 25-годишниот играч од средниот ред по формула слична на онаа со која Филипе Кутињо потпиша од Барса пред неколку години. Летото 2019 година, Баерн го позајми Бразилецот, кој сега игра за Астон Вила, за 8,5 милиони евра без откупни обврски. Како резултат на тоа, една година подоцна, Кутињо се врати во каталонскиот тим. И покрај тоа, новинарот Флоријан Плетенберг тврди дека Де Јонг не е вклучен во плановите на Баерн. Оваа сезона клубот ќе се потпре на играчите од средниот ред, пред се Џошуа Кимих и нововлезениот Рајан Гравенберх. Барселона има намера да му најде нов клуб на Де Јонг овој трансфер прозорец за да го растовари платниот список. (МИА)

Челси ги решава сите проблеми на Барса – понуда од 100 милиони евра за Де Јонг и за Обамејанг

Ристе Здравков — Thu, 11 Aug 2022 09:25:08 +0000

Англискиот премиерлигаш Челси е на добар пат да доведе две засилувања од Барселона, откако „сините“ влегоа во завршна фаза од преговорите за ангажман на Френки де Јонг и на Пјер Емерик Обамејанг, кои во следните седум дена би требало и официјално да се преселат на „Стемфорд бриџ“. Со реализацијата на овие два трансфери би биле решени и проблемите на Барса, која би добила значителна сума како отштета, но и би ослободила место во буџетот за плати за да може да ги регистрира новите летни засилувања. Сопственикот на Челси, Тод Бели, прави се што е во негова моќ за да ја исполни желбата на Томас Тухел, да го ангажира Де Јонг како играч што долги години ќе биде лидер на тимот, но и Обамејанг, профил на играч што Челси моментно го нема во своите редови. Тухел имаше успешна соработка со Обамејанг во Борусија Дортмунд и токму поради тоа бара токму Габонецот да биде новото решение за нападот по заминувањата на Лукаку и на Вернер. Вкупната понуда ќе изнесува 100 милиони евра за овие двајца врвни фудбалери, но потешкиот дел од работата ќе биде да се убеди Де Јонг на заминување од „Камп Ноу“, ако се знае дека токму поради Холанѓанецот пропадна договорениот трансфер од Барса во Манчестер Јунајтед. Во Челси сепак се оптимисти дека разговорите со екс-фудбалерот на Ајакс овојпат би имале поинаков епилог бидејќи му нудат на Де Јонг настап во Лигата на Шампионите, нешто што не беше случај со Јунајтед. Преговорите ќе бидат интензивирани во следните денови, се со цел доколку биде постигнат целосен договор, Де Јонг и Обамејанг веќе од понеделник да пристигнат во Лондон на лекарски прегледи и потпис со Челси.

Сапуницата продолжува: Барселона му се закани на Де Јонг со кривична пријава

Ристе Здравков — Mon, 08 Aug 2022 11:42:32 +0000

Приказната за Френки де Јонг и неговото заминување или останување во Барселона станува летна фудбалска сапуница која може да добие и судска разврска. Англискиот „Атлетик“ во својата анализа за случувањата во Барселона пишува дека челниците на каталонскиот тим минатиот месец му соопштиле на Де Јонг и на неговиот агент дека неговиот трансфер од Ајакс кој го реаллизирало претходното раководство, е сомнителен и му се заканиле со тужба и кривична пријава доколку не се согласи да замине во Манчестер јунајтед или на драстично намалување на платата. Френки де Јонг во Барселона пристигна од Ајакс во 2019 година во трансфер тежок 75 милиони евра. Претседателот на Барселона, Жоан Лапорта, инсистира да го продаде Де Јонг бидејќи клубот се наоѓа во тешка финансиска ситуација, долговите изнесуваат околу 1,3 милијарда евра и не може да ги регистрира новите засилувања, и поради тоа спасот го гледа во продажбата на холандскиот репрезентативец.

Barcelona have told Frenkie de Jong that they want him to revert back to his previous contract because they have evidence of criminality around his renewal by the club’s former board and can threaten legal action, reports @David_Ornstein pic.twitter.com/TnSiSvRva9
— B/R Football (@brfootball) August 8, 2022

Ако сака да остане на „Камп Ноу“, Лапорта бара од Де Јонг да прифати намалување на платата бидејќи моментно е фудбалер со најголеми примања (околу 24 милиони евра бруто). Но, Холанѓанецот не сака да чуе за заминување се додека Лапорта не му ги исплати парите што му го должи, околу 17 милиони евра. Сериозен интерес за Де јонг пројавуваат Манчестер јунајтед и Челси кои се подготвени да платат 80 милиони евра отштета, но не можат да го убедат фудбалерот да си замине од Барселона. Со своето одбивање да си замине, Френки де Јонг и создава огромни главоболки на управата која во преодниот рок потроши 153 милиони евра за купување на Роберт Левандовски, Рафиња и Жил Кунде, а без отштета ги донесе и Френк Кеси и Андреас Кристенсен, но не може да ги регистрира бидејќи не ги исполнува условите на шпанскиот финансиски фер-плеј.