фридом хаус – Kurir.mk

„Фридом хаус“: Македонија бележи напредок, но останува „делумно слободна“ земја

Ристе Здравков — Thu, 09 Mar 2023 11:18:21 +0000

Во најновиот извештај на „Фридом хаус“ насловен „Слободата во светот 2023“, Македонија има годишен индекс на слободата од 68 од можни сто поени. Рангот претставува напредок од еден индексен поен во споредба со лани, а земјата ево групата на „делумно слободни“ држави. Од регионот, во истата група се Србија која бележи пад и има 60 поени, Косово кое со истата бројка има напредок од четири поени. Албанија и Црна Гора имаат 67 поени, Бугарија 79, Хрватска, 84 и Грција 86. Помеѓу земјите од регионот, највисок индекс на слободи има Словенија со оценка 95, а најнизок Босна и Херцеговина со 52 поени. Земји со најголеми слободи во светот се Шведска, Норвешка и Финска кои имаат маскимални 100 поени. Најслабо оценети се Северна Кореја со 3 и Сирија со 1 поен.

Митева: Извештајот на „Фридом Хаус“ потврдува, Македонија со СДСМ е заглавена во категоријата – хибриден режим

Ивона Петрова — Thu, 21 Apr 2022 10:06:42 +0000

Во Извештајот на невладината организација „Фридом Хаус“ со наслов „Земји во транзиција - од слабеење на демократијата до авторитарна агресија“, Македонија е дефинирана како хибриден режим. Македонија бележи континуиран демократски пад со власта предводена од СДСМ, истакна на денешната прес-конференција Марија Митева, портпарол на ВМРО-ДПМНЕ. Посочува дека во извештајот институциите се оценети како дисфункционални, дека не се во состојба да испорачаат компоненти на демократија, а особено во делот на проверки и баланс, владеење на правото и силна заштита на правата и слободите на сите граѓаните. -Дополнително, „Фридом Хаус“ потенцира дека како држава сме заглавени во категоријата - хибриден режим. Оценката за демократија е непроменета во однос на претходната година - 3,82, или 47%. Македонија бележи постојан пад, а вкупната оценка се намали од 3,93 во 2015-тата на 3,75. По области, Македонија има најниска оценка за корупција што е уште еден показател за високата корупција која владее во државата наспроти владеењето на правото и демократијата. Македонија е повторно во групата со највисока перцепција за корупција во Европа, вели Митева. Нагласува дека хибридниот режим на СДСМ ја држи Македонија во групата на најкорумпирани држави во Европа. -За оваа состојба во која се наоѓа Македонија, за хибридниот режим кој ја уништи правдата преку инсталирање корупција во секоја сфера од општеството одговорноста лежи во СДСМ. На овој Извештај му соодвествуваат фактите дека Македонија е заробена држава, затоа да потсетиме на пасошите за светските криминалци, да потсетиме дека МВР нема ниту една акција за сузбивање на криминалот, да потсетиме дека системот функционира врз принципот на мито и корупција и дека правдата е селективна, а не еднаква за сите граѓани. Оваа влада на СДСМ го развива криминалот наместо да се бори против него веќе години наназад. Но нашата борба против корупцијата мора да се забрза, владеењето на правото мора да се почитува ако сакаме да запреме со уништувањето на демократијата, посочи портпаролот на ВМРО-ДПМНЕ.

Фридом Хаус објави извештај за „нациите во транзиција“: Македонија останува хибриден режим!

Тале Кристо — Wed, 20 Apr 2022 09:46:34 +0000

Невладината организација Фридом Хаус објави извештај за состојбата со демократијата во 29 земји во транзиција насловен „Земји во транзиција – од слабеење на демократијата до авторитарна агресија“. -Оваа година, за првпат во 21. век, форма на управување што преовладува во регионот на нации во транзиција е хибриден режим. Четири демократии паднаа во оваа сива зона откако непрекинатиот период на демократски пад започна во 2004 година: Унгарија, Црна Гора, Македонија и Србија. Во истиот период три авторитарни режими направија демократски чекори и се приклучија во редот на хибридни режими: Молдавија, Косово и сега Ерменија, се вели во извештајот, пренесува Гласот на Америка. Според Фридом Хаус, овие режими можат да бидат демократски во минимална смисла, односно да имаат редовни, конкурентни избори, но нивните нефункционални институции „не се во состојба да ги испорачаат дефинитивните компоненти на либералната демократија: проверка и баланс, владеење на правото и цврста заштита на правата и слободите на сите“. Како што јави Гласот на Америка, на скалата од еден до седум, каде еден е најниско ниво на демократски прогрес, а седум највисоко, Република Македонија е рангирана со оценка од 3,5 за демократско владеење, 4,25 за изборен процес, 5,25 за граѓанско општество, 3, 25 за независни медиуми, 3,25 за независно судство, додека 3,00 за корупција. Генералната оценка за демократски прогрес изнесува 3,82 или 47 проценти. Според „Фридом хаус“, тековната криза обезбедува можност да се направи ревизија на процесот на пристапување во ЕУ, и оти „Блокот треба конечно да ги започне пристапните преговори со Албанија и Македонија, притискајќи ја Бугарија да се откаже од приговорите“. -Дефинитивно, ниту еден хибриден режим во регионот не успеа да ѝ пркоси на гравитацијата на сивата зона од 2002. Во овој период, Албанија, Македонија и Србија флертуваа со либералната демократија, додека Ерменија и Молдавија издржаа авторитарни епизоди, но сите се вратија на хибриден режим до 2021 година, оценува извештајот. Моментално, вкупно 11 држави се категоризирани како хибридни режими во „Нации во транзиција“.

Фридом хаус: Корупцијата во Македонија „цвета“, неефикасното судство голем проблем за државата

Ристе Здравков — Sat, 13 Jun 2020 15:56:51 +0000

Корупцијата останува сериозен проблем особено неказнивоста за корумпираните владини функционери, вклучително и членови на парламентот и судството, се вели во анализата на „Фридом хаус“ Додека гласачите се во голема мера слободни да донесуваат политички одлуки, извештаите за заплашување и купување гласови остануваат вообичаени. Патронажните мрежи остануваат влијателни во политичкиот живот и можат да влијаат на политичките исходи. Сивата економија е голема, оставајќи голем број работници ранливи на злоупотреба од страна на работодавците, се вели во анализата. Останува голем проблем неефикасноста и независноста на судството.

Фридом Хаус го потврди Економист: Хибриден режим ја гази Македонија веќе три години

Предраг Кукиќ — Thu, 07 May 2020 07:33:34 +0000

И во најновиот извештај на Фридом Хаус, Македонија и натаму важи за хибриден режим во транзиција. Оваа оценка за Македонија угледниот Фридом Хаус ја дава трета година по ред. Во јануари „Економист“ објави дека Македонија е рангирана на 77-то место во светот според Индексот на демократија во 2019 година, со само едно место подобрување во однос на претходната 2018 година. Со тоа земјата беше ставена во групата земји со „хибриден режим“ (Албанија, Украина, Црна Гора, Сенегал, Кенија, Танзанија, Непал, Мали, Сиера Леоне, Босна и Херцеговина, Пакистан…). Македонија на Индексот на демократија за 2018 година, исто според британскиот неделник „Економист“, беше рангирана на 78 место со 5,87 поени, на скала од нула до 10. Земјата и тогаш беше наведено дека се наоѓа во категоријата „хибридни режими“, кој ги опфаќа државите со поени од 5,98 до 4,06. Со индексот на демократија земјите се оценуваат по 60 показатели во пет категори – изборен процес и плурализам, функционирање на владата, политичко учество, демократска политичка култура и граѓански слободи.

ФРИДОМ ХАУС: Македонија во слободата е во друштво со Мадагаскар, Косово и Украина

Предраг Кукиќ — Tue, 05 Feb 2019 15:03:57 +0000

Македонија е делумно слободна земја, оценува во најновиот извештај за слободата во светот американската невладина организација „Фридом Хаус“. Во извештајот за 2019 година, Македонија, на скала од еден до седум, каде еден е најслободна, а седум најмалку слободна, е оценета со 3, додека според политичките права со 4, а според граѓанските слободи со 3,5. Со вкупен скор од 59 поени Македонија годинава се наоѓа во друштво на земји како Украина, Молдавија, Црна Гора, Косово и Мадагаскар. Во однос на политичките права и граѓанските слободи Србија, Црна Гора, Босна и Херцеговина и Хрватска бележат одредено назадување во однос на минатата година, додека мал напредок има во Македонија и Косово. Во Албанија состојбата останува непроменета. Од регионот како слободна земја се оценети Хрватска, Грција, Бугарија и Романија, додека како делумно слободна се Србија, Црна Гора Косово, Албанија и Босна и Херцеговина. Според вкупната оценка во регионот најдобро рангирана е Грција со 87/100, по што следат Хрватска 85/100, Романија 81/100, Бугарија 80/100, Албанија 68/100, Србија 67/100, Црна Гора 65/100, Макеоднија 59/100, Косово 54/100 и Босна и Херцеговина 53/100. „Фридом хаус“ оценува дека глобално слободата и демократија веќе 13-та година по ред има тренд на намалување. Пад има во разни земји во сите региони во светот, од долгогодишни демократии како што се САД, до цврсти авторитарни режими како Кина и Русија. Од 196 држави во светот опфатени со извештајот, 86 се слободни, 59 се делумно слободни, а 50 не се слободни. Наслободни држави се Норвешка, Шведска, Финска, Канада и Холандија, а најмалку слободни се Сирија, Туркменистан, Еритреја, Јужен Судат и Северна Кореја.