фризер – Kurir.mk

Фризерот на Меган Маркл и одговори на Констракта: Ова е тајната на нејзината здрава коса

Магдалена Андонова — Tue, 15 Mar 2022 13:17:14 +0000

Конечно стигна одговорот на прашањето на Констракта од песната „In corpore sano“, која е тајната на здравата коса на Меган Маркл, ни помалку ни повеќе туку од нејзиниот личен фризер Џорџ Нортвуд, чии фризерски трикови, како што истакнува, не се тајни. Џорџ стои зад најпознатите фризури на Меган, како елегантната пунџа на кралската венчавка и нејзините препознатливи лежерни бранови. За магазинот „Вог“ тој откри осум правила кои ги следи при обликувањето на косата на војвотката. - Еден од моите препознатливи стилови се „недовршените“ бранови. Така, косата изгледа шик и природно без многу напор. Изгледа природно, па остава впечаток на здрава коса, бидејќи може да сокрие многу недостатици – истакнува фризерот. - Добар спреј за волумен или текстура може да биде одлична основа за стајлинг. Без разлика дали вашата коса е во добра состојба или не, користењето на производ за зголемување на волуменот пред стилизирање ќе даде илузија за погуста, поздрава коса - откри Џорџ. - Пеглата за коса може да предизвика акумулација на статички електрицитет во пуштената коса и да ги отстрани сите природни движења од фризурата, додека фигаро додава волумен - додаде тој. - Редовната, квалитетна фризура ќе го подобри здравјето на вашата коса, како и нејзината подвижност - изјави Нортвуд. Фризерката истакнува дека редовниот длабок третман ја оживува сувата, испукана коса во зима. - Добрата маска за коса што се користи на неделно ниво ќе обезбеди вашата коса да добие интензивна регенерација - објасни тој. - Сушењето на сонце е многу добро за здравјето на вашата коса. Косата станува поздрава и посилна, а помалку се суши и се витка - вели Џорџ. - Една од моите препознатливи фризури е неуредна пунџа. Работи во многу различни прилики и може да се носи високо или ниско. Тоа е одличен изглед кој лесно можете да го направите дома. Темелното миење вечерта пред да планирате да ја стилизирате ќе ви обезбеди добра основа за оваа фризура – откри тој.

Необична ситуација во Велика Британија: Фризери пријавуваат алергиска реакција кај клиенти кои прележале Ковид-19 ?!

Магдалена Андонова — Fri, 24 Sep 2021 07:34:25 +0000

Фризери ширум Велика Британија пријавуваат дека некои од нивните клиенти, кои прележале Ковид-19, имаат нови, сериозни алергиски реакции, како што се осип и црвенило на кожата, по боење на косата, и покрај тоа што ја користеле истата боја како и порано, јавува Би-би-си. Британското здружение за фризери и козметичари ги предупредува сите вработени во овие професии да преземат обврски да спроведат дополнителни епикутан-тестови или тн. печ-тестови, со цел да избегнат можни судски постапки. Епикутан-тест се користи за да се докаже подоцнежна реакција на контактни алергени. Научници од Империјалниот колеџ во Лондон истражуваат дали болеста може „да го репрограмира“ имунолошкиот систем, на сличен начин како некои други болести. (МИА)

Бездомен пар e 24 години заедно, а немалe пари за венчавка – тоа што овој фризер им го приреди ќе ви ги насолзи очите! (ФОТО)

Магдалена Андонова — Fri, 26 Feb 2021 12:43:43 +0000

Еден бездомен пар ја откри својата трансформација откако доби изненадувачка промена за гламурозна свадбена фотосесија. Розалин Ферер (50) и Ромел Баско (55) од провинцијата Пампанга, Филипини, веќе неколку години живеат во мала колиба со своите шест деца. По 24 години заедно, тие не биле во можност да се венчаат затоа што не можеле да си го дозволат тоа и биле премногу зафатени собирање осттоци за добивање доволно храна за јадење секој ден. Ричард Страндц, кој е сопственик на фризерски салон во близина на домот на двојката, го запознал парот додека собирале пластика за да продадат за да имаат пари за храна и разговарал со негови пријатели за да договорат комплетен пакет за венчавки за парот. Ричард им помогнал на парот да ги обработат документите за нивниот брак и ја финансирал нивната венчавка во црква. За нивната гламурозна фотосесија на 13 февруари, Розалин добила бела венчаница, а Ромел носел костум од Тарагол Баронг. Розалин рече: „Еднаш сонував дека имам бела венчавка, но тоа беше кога бев мало девојче. Одамна тоа ми излезе од умот. - Никогаш немавме доволно пари и се на што се концентриравме беше тоа да добиеме доволно храна да јадеме секој ден. Сега се чувствувам толку благословено што се случи. Јас сум многу благодарен.

Пола естрада во паника, таа најмногу: Откако се гушкаа на мекиците, фризерот на пејачката позитивен- Цеца ги објави и нејзините резултати!

Дарко Андоновски — Wed, 10 Jun 2020 07:58:54 +0000

Српската пејачка Светлана Цеца Ражнатовиќ вчера доцна вечерта сподели дека се тестирала заедно со целото семејство на коронавирусот. Таа инаку заедно со пола естрада беше во паника поради фризерот кој вчера откри дека е позитивен на коронавирусот, а истиот беше дел од прославата за раѓањето на нејзиниот внук. -Во текот на денешниот ден моето семејство и јас сме тестирани на КОВИД-19. Резултатите се негативни. П.С нема место за сензација кога се во прашање вакви сериозни теми, објави пејачката на Инстаграм. Инаку освен фризерот кој вчера беше на роденденот кај пејачката Мија Борисављевиќ, српските медиуми шпекулираат и дека водителката Душица Јаковљевиќ е позитивна на вирусот. Освен Семејството на Цеца и на Мија Борисављевиќ, тест веќе прави и пејачката Александра Младеновиќ која била на фризер кај Стеван Радивојевиќ.

Убиен фризерот на Кристијано Роналдо

Тале Кристо — Sun, 03 Nov 2019 15:20:22 +0000

Фризерот на португалската фудбалска ѕвезда Кристијано Роналдо е пронајден мртов во соба во еден хотел во Цирих, пренесуваат во неделата португалските и шпанските медиуми. Четириесетгодишниот Рикардо Маркес Фереира е пронајден во кревет во локва крв, а сѐ упатува на тоа дека е избоден со нож, објавија весниците Correio de Manha и ABC. Безживотното тело го пронашла вработена во хотелот. Според неа, во собата се чувствувал силен мирис на алкохол. Весникот ABC наведува дека Фереира имал договорен состанок со „еден пријател“ во хотелот, кој завршил со кавга и убиство. Фереира, роден на португалскиот остров Мадеира како и 34-годишниот фудбалер на Јувентус и на португалската репрезентација, последните две години живеел во Цирих. Во хотелот престојувал една седмица, па медиумите нагаѓаат дека можеби бил вмешан во тамошното подземје, имајќи предвид дека престојувал во дел од градот познат по проституција и продажба на дроги. Полицијата засега не исклучува ниедна од претпоставките. Фереира бил познат во Португалија, бидејќи освен за Роналдо работел и за многу португалски актери и пејачи.

Почина Орибе Каналес, фризер на многу светски ѕвезди

Ивона Петрова — Wed, 19 Dec 2018 10:28:57 +0000

Орибе Каналес, фризер на многумина ѕвезди од светската сцена, почина на 62 години. Тоа ги погоди многумина од шоу бизнисот, но се чини, една од најзасегнатите е Џенифер Лопез, која беше и во врска со него. – Тој направи да го сакам гламурот. Оти тој го сакаше и веруваше дека тоа е важна алатка во рацете на моќната жена. Тој сакаше жените да се чувствуваат убави и секси… Беше перфекционист и вистниски уметник, напиша пејачката на Инстаграм, покрај многуте фотографии посветени нему. Каналес е роден на Куба во 1956 година, а својот славен фризерски салон во Менхетен го отвори во 1991 година. Негови клиентки беа Пенелопе Круз, Ријана, Лејди Гага и многу други ѕвезди. МИА

Роден е без раце, а работи како фризер: Муштериите велат дека никој не го знае тоа што тој го може и е меѓу најдобрите (ВИДЕО)

Матеја Петровски — Mon, 20 Aug 2018 13:17:21 +0000

Габриел Хередија од Буенос Аирес е роден без раце, а работи како фризер. Неговите верни муштерии велат дека никој не го може она што тој го може. Да се биде роден и да се живее со одреден хендикеп е доста тешко и ретко кој тоа може да го разбере освен ако не е во слична состојба тој или не е некој негов близок. Од безобразните коментари на врсниците во текот на школувањето, па до проблемите кои настануваат подоцна, како неможноста да се занимаваат со одредени работи. Габриел Хередија е роден без рака, но тоа не го спречило да го работи она што го сака. Тој е еден од најпознатите фризери во Буенос Аирес. Со таа работа почнал да се занимава затоа што израснал со мајка која е фризерка. Да шиша сам почнал пред осум години служејќи се со алатот на мајка му. Габриел вели дека често од љубопитност ја земал машинката и едноставно почнувал да шиша, што се допаднало. Познатиот Аргентинец вели дека е благодарен што е роден со хендикеп, затоа што не си поставува граници. Има доверба од бројните муштерии кои секогаш му доаѓаат.