фризерски салон – Kurir.mk

Експлозија во Белград, рано утринава фрлена бомба во фризерски салон

Ивона Петрова — Mon, 07 Nov 2022 09:24:20 +0000

Во фризерскиот салон во Белград рано утринава околу четири часот била фрлена бомба, јавуваат српските медиуми. Од Министерството за внатрешни работи наведуваат дека нема повредени, а причинета е голема материјална штета. Полицискиот увид е во тек. Како што наведува полицијата се обидува да го идентификува напаѓачот, а на видео снимките од камерите се гледа како тој крши прозорец со чекан и фрла бомба, по што бега.

ФОТО: Сопственик на фризерски салон и’ го продал на вработената за еден долар

Ивона Петрова — Mon, 12 Jul 2021 07:16:22 +0000

Пио Императи, сопртвеник на ценет фризерки салон кој го носи неговото име, ризикувал и ја вработил фризерката Кати Мура штом го завршила средното занаетчиско училиште пред 15 години. Таа работела толку добро што Императи и го продал салонот во Њу Хејвен за само еден долар. -Таа е добра фризерка, многу е фина. И го продадов салонот за еден долар за да останеме пријатели, вели Императи. Иако Мура ќе плаќа ќирија, таа заштедила десетина илјади долари кои нема да ги плати како такса за купување на салонот, а нема да плати ниту за опремата, залихите во роба и клиентите. Императи кој има 79 години и натаму работи во својот поранешен салон, но сега само како надворешен соработник. Мура која има 32 години, вели дека никој не сакал да ја вработи кога завршила училиште бидејќи немала искуство. Контактирала еден од наставниците и како помош го добила бројот на Императи. Тој и неговата сопруга ја викнале на проба и потоа ја вработиле.

Фризерските салони и продавниците во Грција од понеделник ќе работат со нови правила

Ивона Петрова — Wed, 29 Apr 2020 08:48:48 +0000

Постојат правила со кои треба да научиме да живееме, како што научивме да живееме ставајќи заштитен ремен во автомобилите, како што научија оние кои возат мотори да носат кацига, така сега ќе научиме да живееме со маска, вели заменик- министерот за развој и инвестиции на Грција Никос Папатанси за грчката телевизија „Мега“. Со олабавувањето на мерките во земјата, од понеделник, заштитната маска, ракавиците за една употреба и антисептиците, во одредени случаи, стануваат задолжителни за Грците во дел од бизнисите што започнуваат со работа, како за вработените, така и за клиентите, јави дописничката на МИА од Атина. Претседателката на Медицинската асоцијација од Атина, Матина Пагони за грчката новинска агенција АНА-МПА вели дека е потребна подготовка „за да се навикнеме на новите упатства што ќе бидат дел од секојдневието во пост –коранавирус ерата“ Фризерските салони, берберниците и салоните за убавина ќе работат само со закажан термин, а растојанието меѓу столиците треба да биде два метри. Бројот на клиенти ќе биде во зависност од големината на салонот, ако е до 20 метри квадратни, не смее да има повеќе од четири лица (вработени и муштерии), од 20 до 100 метри квадратни, четири лица плус едно лице на секои десет метри квадратни за секој дополнителен метар од 20 до 100. За салоните од над 100 метри квадратни, 12 лица плус едно лице на секои 15 метри квадратни. Пагони, за АНА-МПА објаснува дека прозорците и вратите треба да бидат отворени за да влегува воздух, а да не се користат клими. Потенцира дека е потребна особена внимателност со употребата на фенот, а вработените треба да носат маски и ракавици што ќе ги менуваат за секој нов клиент. Во однос на продавниците, од кои дел започнуваат со работа во понеделник, а другиот дел една седмица подоцна, на 11 мај, употребата на маска не е задолжителна, туку од грчката Влада има „строга препорака за користење“ и од вработените и од клиентите. Претседателката на Медицинската асоцијација од Атина, за АНА-МПА објаснува дека во малите продавници препорачливо е да има од еден до двајца муштерии, а потенцира дека е потребна голема претпазливост во пробувањето облека. Препорачува да сето она што поминува низ главата да не се пробува, пробувањето да се сведе на минимум, а по враќањето дома задолжително да се испере новата облека и лицето да се избања. Во понеделник, како што вчера објави МИА, во Грција започнува првата фаза од олабавувањето на мерките со укинување на забраната за движење и отворање на фризерските и козметичките салони, берберниците, книжарниците, продавниците за електроника, за спортска опрема, цвеќарниците, како и Центрите за техничка контрола на возила. Со работа започнуваат 68.523 вработени во 26.167 бизниси.