фрлање – Kurir.mk

Стефковски покровител на фрлање на крстот во Сингелиќ

Тале Кристо — Mon, 16 Jan 2023 11:19:16 +0000

Градоначалникот на општина Гази Баба Бобан Стефковски со објава на својата официјална страна на фејсбук информираше дека ќе биде покровител на фрлање на светиот крст во базенот во Црквата Св. Георѓи во Сингелиќ. Во објавата, градоначалникот Стефковски напиша: Ги поканувам сите граѓани на фрлањето на светиот крст во базенот во Црквата Св. Георѓи во Сингелиќ. Настанот ќе се оддржи на ден 19.01.2023 година (четврток) со почеток во 10:00 часот. Чест ми е да бидам покровител на овој настан кој од оваа година ќе биде традиција за нашата општина! Најсреќниот верник кој прв ќе стигне до крстот ќе биде награден. Наша должност е да ја негуваме традицијата, бидејќи верата и традицијата го оддржувала македонскиот народ низ вековите. - напиша Стефковски.

Секоја година во светот се фрла една милијарда тони храна

Тале Кристо — Fri, 05 Mar 2021 07:26:57 +0000

Во светот секоја година се фрла скоро милијарда тони храна, или речиси 20 проценти од храната што им е достапна на жителите на светот, се вели во извештај на Обединетите нации објавен синоќа. – Проблемот е огромен од еколошка, социјална и економска гледна точка, изјави Ричард Сванел, директор за развој на британската невладина организација ВРАП (WRAP), коавтор на „извештајот за индексот на фрлање на храна“ објавен од Програмата за животна средина на Обединетите нации (УНЕП)) – Овој извештај до денес е најсеопфатно собирање и анализа на податоците за фрлање храна, истакнуваат авторите. Податоците за 2019 година беа собрани во 54 богати и земји во развој во врска со малопродажбата, рестораните и домаќинствата. Тие заклучија дека годишно се фрлаат 931 милиони тони храна, што не вклучува коски, школки и други делови што не се јадат. Спротивно на популарното верување, храна се фрла во сите земји, и богати и сиромашни, додека според ОН, близу 700 милиони луѓе ширум светот се гладни, а три милијарди немаат пристап до здрава храна, од светската популација од 7,8 милијарди. – Досега се веруваше дека храната се фрла во богатите земји. Но, нашиот извештај покажува дека во секоја земја што сме ја следеле, има проблем со фрлање храна во домаќинствата, рече коавторката Клементин О’Конор во УНЕП. Од 121 килограм храна што секоја година се фрла по жител на Земјата, 74 килограми или многу повеќе од половина се фрлаат во домаќинствата. Во процентот на храна достапна за потрошувачите, 11 проценти се фрла во домаќинства, 5 проценти во ресторани и 2 проценти во малопродажба. Организацијата за храна и земјоделство на Обединетите нации (ФАО) состави извештај за „загубите“ на храната на ниво на земјоделско производство и дистрибуција. Според овие податоци, околу 14 проценти од светската храна се губи дури и пред да излезе на пазарот, во вредност од околу 400 милијарди долари годишно, или близу БДП на Австрија.

Заразен со коронавирус се фрлил од болница во Тирана

Магдалена Андонова — Mon, 30 Nov 2020 11:23:09 +0000

Шеесет годишен пациент заразен со Ковид-19 си го одземал животот фрлајќи се од третиот кат на болницата „Шефќет Ндроќи“ во Тирана, каде бил хоспитализиран. – Трагичниот настан се случил триесет минути по полноќ, кога пациентот Л.С. жител на градот Решен, си го одземал животот со фрлање од третиот кат на Ковид 2 болницата, каде бил хоспиталзиран пред десет дена. Истрагата продолжува со цел расветлување на околностите, се наведува во полциското соопштение. Првичните сознанија од истрагата покажуваат дека самоубиството пацентот го извршил поради влошена психичка состојба поради болеста. Ова е петти ваков случај од средината на август. Претходно тројца пациенти заразени од Ковид-19, на возраст од 29, 65 и 52 години се самоубија со фрлање од балконите на „Шефќет Ндроќи“, додека еден на 69-годишна возраст од балкон на Инфективната клиника. По обвинувања за недоволната грижа поради пренатрупаните болници, од страна на роднини на починатите и опозицијата, премиерот Еди Рама, неодамна рече дека „вакви работи се случуваат во многу други држави во Европа“, додавајќи дека во Италија од март до август се самоубиле 71 пациент заразен со коронавирус. Болницата „Шефќет Ндроќи“ е една од трите ковид болници заедно со Инфективната клиника, која е болница Ковид 1 и третата ковид болница која функционира во просториите на поранешното хирушко одделение во унивезитетската клиника „Мајка Тереза“. Претседателот Илир Мета побара од Министерството за здравство и социјална заштита, поради влошената епидемиолошка состојба и потребата од болнички капацитети, итно отворање на четврта ковид болница, како и ковид центри во 12-те регионални болници. (МИА)

Контроверзниот тенисер кој фрли столче на теренот се извини, но веќе е доцна (ВИДЕО)

Дарко Андоновски — Fri, 17 May 2019 06:24:13 +0000

Контроверзниот австралиски тенисер Ник Кирјос се извини за своето однесување за време на мечот од вториот круг на турнирот во Рим против Норвежанецот Каспер Руд. – Емоциите се огромни. Жал ми е, се извинувам Рим. Можеби ќе се видиме во иднина, изјави Кирјос. Во еден момент Кирјос емоционално реагираше на предупредувањето издадено од судијата. Тој го скрши рекетот и фрли стол на теренот, а потоа замина. За таквото однесување кое се случи при резултат 1-1 во сетови, австралискиот тенисер беше дисквалификуван од судијата и при тоа го очекува парична казна и губење на АТП поени.

Тоа го можат само „лудите“ Хрвати- го фрли каучот од прозор по пласманот во полуфиналето на СП (ВИДЕО)

Дарко Андоновски — Sun, 08 Jul 2018 13:11:27 +0000

Синоќа цела Хрватска беше во тотална еуфорија, откако нивната репрезентација успеа да се пласира во полуфиналето на Светското првенство по победата на пенали против домаќинот Русија. Еден навивач од премногу возбуда дури го фрли каучот низ прозорец, погледнете.

Трисет и шестгодишен скопјанец се фрлил од 11 кат

Дарко Андоновски — Mon, 07 May 2018 08:58:10 +0000

Трисет и шестгодишниот Т.Ј. од Скопје вчера скокнал од тераса од 11 кат по што починал. Како што соопшти МВР, настанот бил пријавен вчера изутрина во 05.25 часот. Доктор од Итна медицинска помош констатирал смрт. Извршен е увид на местото на настанот.