фудбалер на годината – Kurir.mk

„Гардијан“ го избра Левандовски за фудбалер на годината

Дарко Андоновски — Fri, 25 Dec 2020 12:30:14 +0000

Фудбалерот на годината во изборот на ФИФА, Роберт Левандовски, го доби признанието за најдобар играч во 2020 година и во традиционалната анкета на британскиот весник „Гардијан“. Зад полскиот напаѓач од редовите на европскиот првак Баерн Минхен се најдоа капитенот на Барселона, Лионел Меси, и Кристијано Роналдо од Јувентус. Во топ десет во изборот на „Гардијан“ се и Кевин Де Брујн (Манчестер сити), Садио Мане (Ливерпул), Ерлинг Халанд (Борусија Дортмунд), Килијан Мбапе (ПСЖ), Мохамед Салах (Ливерпул), Нејмар (ПСЖ) и Вирџил Ван Дајк (Ливерпул).

Адеми прогласен за фудбалер на годината во Хрватска

Магдалена Андонова — Mon, 21 Dec 2020 16:06:08 +0000

Македонскиот репрезентативец и капитен на Динамо Загреб, Аријан Адеми, е прогласен за фудбалер на 2020 година во Хрватска. Адеми освои 66 од можните 100 бодови, во традиционалната анкета на „Тпортал“, во која гласаат капитените на десетте екипи во хрватската Телеком Прва лига. На второ место се најде капитенот на Хајдук Мијо Цакташ (46), додека третото место го поделија Франко Андријашевиќ (Риека) и Кристијан Ловриќ (Горица) со по 18 бодови. – Мислам дека нема поголема чест и задоволство кога за најдобар те избираат луѓето од твојата професија. Токму затоа, овој трофеј „Капитените избираат“ ќе има посебно место во мојата кариера, изјави Адеми, кој мината сезона ја одбрани шампионската титула во Хрватска, а со Динамо годинава обезбеди и пласман во нокаут фазата во Лига Европа. (МИА)

Хендерсон прогласен за Фудбалер на годината во Англија

Магдалена Андонова — Fri, 24 Jul 2020 11:27:20 +0000

Капитенот на Ливерпул, Џордан Хендерсон е избран за фудбалер на годината во Англија, на најпрестижното гласање на Здружението на новинари. Стандардниот играч на англиската репрезентација претходно беше избран за најдобар во гласањето на колегите фудбалски професионалци. Хендерсон го предводеше Ливерпул до првата титула по 30 години и победи убедливо пред халфот на Манчестер Сити, Кевин де Бруин. Тој е трет играч на Ливерпул во последните седум години што е избран за најдобар, по Луис Суарез во 2014 година и Мохамед Салах во 2018 година. – Не се чувствувам како да сум направил нешто оваа сезона, дури ни во кариерата. Се надевам дека оние што гласаа за мене, исто така, го признаа влијанието на целиот тим, рече Хендерсон. (MИА)

Познати десетте финалисти за „Фудбалер на годината“ на Африка

Ивона Петрова — Fri, 14 Dec 2018 17:06:45 +0000

Африканската фудбалска федерација ја објави финалната листа на 10 играчи кои ќе спорат за наградата „Фудбалер на годината“. Носителот на наградата ќе стане познат на церемонија во главниот град на Сенегал, Дакар на 8 јануари 2019 година. Минатата година за најдобар беше избран Мохамед Салах, кој повторно е меѓу претендентите. Десетте финалисти за наградата „Фудбалер на годината“ на Африка: Алекс Јубиј – Арсенал (Нигерија) Андре Онана – Ајакс (Камерун) Анис Бадри – Есперанс (Тунис) Денис Онјанго – Мамелади Сандаунс (Уганда) Меди Бенитја – Јувентус (Мароко) Мохамед Салах – Ливерпул (Египет) Пјер-Емерик Обамејанг – Арсенал (Габон) Ријад Марез – Манчестер Сити (Алжир) Садио Мане – Ливерпул (Сенегал) Валид Солиман – Ал Ахли (Египет). МИА