фудбалерки – Kurir.mk

Трет пораз на македонските фудбалерки во Лигата на нации

Тале Кристо — Tue, 31 Oct 2023 19:46:27 +0000

Македонската женска фудбалска репрезентација ја продолжи серијата порази во новоформираната Лига на нации, откако вечерва загуби на гостински терен од Косово со 3-1 (3-0). Македонските фудбалерки веќе по почетните 15 минути на стадионот „Фадиљ Вокри“ во Приштина се најдоа во резултатски незавидна положба, откако косовската репрезентација поведе со 2-0 со головите на Халилај (7 минута, пенал) и Мемети (14). До крајот на полувремето домашните фудбалерки ја зголемија предноста преку Бичкај (34). Почесниот гол за македонската репрезентација го постигна Оливера Цоклеска во 90. минута. Во двата воведни натпревари во рамки на групата 5 во Ц-дивизијата, избраничките на селекторот Кирил Изов претрпеа порази на домашен терен од Бугарија (0-1) и Косово (0-2) и без освоен бод се на последното место. Во завршното коло македонските фудбалерки ќе ѝ гостуваат во Бугарија на 5 декември во Пловдив.

Првпат во историјата англискиот куп за фудбалерки пред полни трибини

Тале Кристо — Wed, 03 May 2023 19:10:22 +0000

Првпат во историјата распродадени се влезниците за финалето во англискиот ФА куп за фудбалерки во кое овој месев ќе играат Челзи и Манчестер јунајтед. Финалето на распродадениот лондонски стадион „Вембли“ со капацитет од 90.000 седишта, е на програмата на 14 мај. На овогодишното финале ќе присуствуваат 40.000 навивачи повеќе во споредба со ланскиот рекорд, кога 49.094 луѓе ја гледаа победата на Челзи над Манчестер сити. Ова ќе биде деветто женско финале во ФА купот да се игра на „Вембли“, откако дуелот за трофејот беше префрлен на славниот лондонски стадион во 2015 година.

СВЕТОТ ВО ШОК: Гром усмрти две фудбалерки и повреди уште три!

Дарко Андоновски — Tue, 28 Jul 2020 10:10:49 +0000

Две фудбалерки смртно страдаа, а уште три се тешко повредени кога гром удри на стадион за време на женски фудбалски натпревар во Мексико сити. Според информацијата на весникот „Ел Универзал“, натпреварот бил прекинат поради пороен дожд, но пет фудбалерки се вратиле на теренот за да ги соберат топките. Во тој момент, гром удрил во непосредна близина на стадионот, по што две загинале на лице место, а останатите биле сериозно повредени. Настраданите итно биле хоспитализирани и утврдени им се масивни изгореници по кожата.

Фудбалерки се тепаа без милост, ваков натпревар немате видено (ВИДЕО)

Ивана Ефремовски — Mon, 27 Jul 2020 18:57:06 +0000

Мечот меѓу Либеро Горажде и Сана 2014 заврши со триумф на гостите од 3-5, но на натпреварот се случи немил инцидент, односно се степаа фудбалерките на двата клуба. Екипата од Горажде го опиша инцидентот преку социјалните мрежи. „Натпреварот беше брутален, прво од фудбалерките на противникот, а потоа и тренерот. Во второто полувреме се случи масовна тепачка на теренот, а беа поделени 15 жолти и два црвени картони“, соопштија од босанскиот клуб. Тимот од Горажде објави три спорни снимки од мечот, каде што се случиле неколку инциденти.

Фудбалерки, а полоши од најлошите хулигани: Девојките се тепаа како во ринг, побрутална тепачка ретко се гледа (ФОТО+ВИДЕО)

Матеја Петровски — Wed, 15 Aug 2018 19:00:19 +0000

Женски фудбалски натпревар во Аргентина меѓу Универзитарио и Либертад го обележа масовна тепачка на фудбалерки, која ја предизвика тренерот на гостинскиот тим. Страстите сепак се огромни кога е во прашање фудбалот на јужноамериканско тло, така што ова не би било изненадување доколку го направеа фудбалери, но сепак ова не личи за девојки, па дури ниту во Аргентина, земја позната по фудбалот.

Hoy se registraron serios incidentes en el femenino entre #Universitario y #Libertad. Las jugadoras de la U, Celeste Racca y Florencia Ardiles, se llevaron la peor parte. pic.twitter.com/WvJv6nPPK3
— INFO LIGA (@InfoLigaCba) August 11, 2018

Тепачката настанала поради тоа што тренерот на Либертад протестираше поради досудениот пенал за противничкиот тим. Тогаш судијата му го покажа патот кон соблекувалната, а потоа настана општ хаос. Неколку од нив се здобиле со полесни телесни повреди, а четири од нив мораа да ја посетат болницата.