Фудбалска федерација на македонија – Kurir.mk

ФФМ: Баражот помеѓу Тиквеш и Воска ќе се игра во Струмица

Дарко Андоновски — Thu, 19 May 2022 07:50:41 +0000

Бараж натпреварот за Прва МФЛ меѓу екипите на Тиквеш и Воска ќе се одигра на 22 мај во 17 часот на стадионот „Младост“ во Струмица, соопшти Фудбалската федерација на Македонија. Од ФФМ наведуваат дека на заеднички состанок на Комисијата за безбедност и Комисијата за натпреварување во рамки на ФФМ во соработка со Министерството за внатрешни работи (МВР) била донесена одлуката за одредување на стадионот за одигрување на натпреварот, кој првично беше предвиден да се игра на стадионот „Гоце Делчев“ во Прилеп, а потоа на Националната арена „Тодор Проески“ во Скопје. Бараж дуелите помеѓу Воска Спорт – Тиквеш и Скопје – Беласица ќе ги одредат тимовите кои од следната сезона ќе бидат дел од Првата македонска машка фудбалска лига.

Главниот кондиционен тренер на УЕФА елитни судии, Вернер Хелсен „на тренинг“ со македонските арбитри

Дарко Андоновски — Thu, 07 Oct 2021 06:59:28 +0000

Македонските фудбалски судии деновиве имаат можност да учат од главниот кондиционен тренер на УЕФА за елитни судии, професор Вернер Хелсен, кој е одговорен за селектирање и подготовка на елитни судии за европски и светски првенства. Целта на кампот кој Фудбалска федерација на Македонија го организира за прв пат, во соработка со Европакста фудбалска асоцијација е македонските судии да се обучат и информираат за најновите методи за унапредување на тренажниот процес. Вернер Хелсен со МИА сподели дека во рамките на кампот ќе започнат со задачите кои ги изискува еден натпревар, бидејќи, како што кажа, тоа е клучниот предизвик за да знаат што да прават додека тренираат, потоа, ќе се фокусираат на неколку работи подетално. – На првиот тренинг ќе се фокусираме на трчање со висок интензитет, но не само трчање, туку трчање и притоа донесување на одлука. Потоа ќе се сконцентрираме на брзина и издржливост. Брзината е важна бидејќи играта станува сѐ побрза, вели Хелсен. Дополнува дека за време на кампот ќе се фокусираат и на тренинг на мозокот, концентрација, перцепција и донесување на одлуки. Тој има впечаток дека генерално, судиите се прилично мотивирани, дури и повеќе од професионалните играчи и порача да уживаат, учат и да се подобруваат. Националниот тренер на фудбалските судии во државава, Сашо Даневски, смета дека е направен голем напредок, бидејќи, како што кажа, за прв пат се применети најновите УЕФА тестови за главни судии и асистенти кои што ги положиле сите судии. – Се инвестира доста во опрема и технологии за следење и проценка на кондиционата подготовка. Имаме уште доста за работа, меѓутоа сметам дека доста голема работа имаме завршено и до сега, изјави Даневски.

Специјално изненадување: Епскиот говор на Тони Стојановски испишан на ѕидовите во ФФМ, еве како реагираше тој (ВИДЕО)

Дарко Андоновски — Wed, 30 Dec 2020 10:55:10 +0000

Репрезентацијата на Македонија по добро ќе ја памети чудната 2020 година бидејќи за првпат сениорите се изборија за пласман на едно Европско првенство. Натпреварот во Тблиси против Грузија ќе остане вечно запишан во аналите на македонскиот фудбал. Посебен шмек на таа победа даде фантастичниот завршен коментар на Тони Стојановски кој во тие моменти допре до срцата на секој навивач на Македонија. Тони Стојановски беше примен од првиот човек на ФФМ Муамед Сејдини кој му ја покажа плакетата на ѕидовите на ФФМ на која ќе бидат испишани неговите зборови. Видеото погледнете го ТУКА.

Преодниот рок во македонскиот фудбал од 15 јуни до 31 август

Дарко Андоновски — Wed, 10 Jun 2020 13:13:47 +0000

Фудбалската федерација на Македонија објави дека согласно Одлуката на У. О. за прекин на натпреварувачката сезона 2019/2020 во сите категории, вклучително и Прва МФЛ, летниот преоден рок почнува на 15 јуни и ќе трае до 31 август 2020 година. Во моментов нема одлука кога ќе почне новата сезона, но ако се подобри ситуацијата со коронавирусот, прволигашите можно е новото првенство да го стартуваат во август.

ФФМ: Досегашните испитувања не покажуваат знаци за труење со храна кај децата од Академијата

Дарко Андоновски — Sat, 11 Aug 2018 13:57:03 +0000

Фудбалската федерација на Македонија во врска со случајот поврзан со Академијата на ФФМ ги доби резултатите од лабараториските испитувања во медицинската установа „Неуро медика“ според кои седумте деца кои побарале лекарска помош немале труење од храна. - Лабараториските испитувања кај сите фудбалери се во граници на НОРМАЛНИ вредности. Сите фудбалери се во добра општа состојба и полно здравје. Резултатите од дополнителните испитувања ќе ја утврдат објективната причина за случајот, соопштија од ФФМ. Младите фудбалери од генерациите 2004 и 2005 од пред два дена се вселија во новиот сместувачки капацитет на Академијата на ФФМ во склоп на комплексот „Куќа на фудбалот“.

ФФМ ја закажа седницата за избор на претседател на 1 септември

Даниел Василев — Tue, 31 Jul 2018 18:45:21 +0000

Управниот одбор на Фудбалската федерација на Македонија (ФФМ) донесе одлука и вонредната седница за избор на претседател на ФФМ ја закажа на први септември. Од ФФМ соопштија дека местото и времето на одржување на вонредната изборна седница на Генералното собрание дополнително ќе биде одредено. Пред десетина дена Илчо Ѓорѓиоски се повлече од претседателската функција во ФФМ и одлучи кариерата да ја продолжи во Европската фудбалска унија (УЕФА). МИА