фудбалска топка – Kurir.mk

ДО КАДЕ ОТИДЕ СВЕТОТ – топките на Светското Првенство се полнат со УСБ, еве што не сте знаеле за чудото од фудбал! (ФОТО)

Дарко Андоновски — Wed, 30 Nov 2022 21:29:23 +0000

Официјалната топка за Светското првенство во Катар, „Ал Рихла“ е направена со технологија каква што досега не е видена. На социјалните мрежи протече фотографија на која се гледа дека топките што се користат на Светското првенство се полнат со помош на УСБ-стикови. Внатре во топката има сензор со мала батерија за која Адидас тврди дека може да издржи шест часа активно користење или 18 дена кога топката не се користи. Англиските медиуми пишуваат дека овој сензор тежи само 14 грама, и дека овозможува технологија постојано да ја следи топката, како и камерите поставени насекаде околу теренот, кои им помагаат на судиите да одлучат дали е офсајд, гол, аут итн. „Секогаш кога топката е шутната со глава, фрлена со рака или само допрена, системот снима 500 фрејмови во секунда. Податоците во реално време се испраќаат од сензорите до системот кој ја одредува позицијата на топката, кој е поврзан со мрежа од антени поставени наоколу. „Кога топката ќе го напушти теренот и ќе се стави нова во игра, системот автоматски се менува на податоците што доаѓаат од другата топка, без потреба од човечка рака да реагира“, беше објаснето. Технологијата навистина е неверојатна и сигурно е дека само ќе се подобрува на секое следно Светско првенство. Така во Катар со помош на технологијата беше утврдено дека Кристијано Роналдо не постигна гол против Уругвај, иако беше лут на судијата и со сите сили се обидуваше нему да му биде премишан голот. Дури се виде дека ја закачи „Ал Рихла“ со косата, но сепак недоволно за да се вброи како стрелец.

ФОТО: Познат изгледот на официјалната топка на ЕП 2020

Дарко Андоновски — Thu, 17 Oct 2019 20:25:46 +0000

Официјалната топка, со која ќе се играат натпреварите на Европското првенство во 2020 година, беше прикажана на страницата „Footy Headlines“. Топката „Адидас Унифорија“ е во традиционалното бело со црни елементи, како и со сини, жолти и розови ленти. Изработена е од истите материјали, од кои беше направен моделот „Телстар“ со кои се играа средбите на СП 2018 во Русија.

ФОТО: Метеорит со големина на фудбалска топка падна во Индија

Ивона Петрова — Fri, 26 Jul 2019 08:54:23 +0000

Објект за кој се верува дека е метеорит со големина на фудбалска топка падна во оризово поле во источниот дел на Индија и ги вознемири локалните земјоделци, соопштија денеска локалните власти. Очевидци велат дека избегале од нивата кога објектот паднал во подрачјето на нивното село, после што почнал да излегува чад. – Земјоделците работеле во поле во моментот кога оваа тешка карпа паднала од небото со многу силна бучава, изјави Ширсат Капил Ашок, окружен судија во државата Бихар. Селаните се вратиле кога се расчистил чадот и ја извлекле карпата од кратер кој бил длабок 1,5 метри. – Утврдивме дека има многу силно магнетно дејство, дека светка и тежи околу 15 килограми, рече Ашок. Објектот ќе го анализираат научници за да утврдат дали се работи за метеорит. Метеорите се честички прашина или карпи кои обично согоруваат кога поминуваат низ Земјината атмосфера, а оние кои ќе паднат на површината се нарекуваат метеорити. МИА

Доаѓа нова промена на топката за фудбалското финале во Лигата на шампионите- еве како ќе изгледа новиот дизајн

Дарко Андоновски — Fri, 29 Mar 2019 15:39:32 +0000

Компанијата за спортска опрема „Адидас“ одлучи да го промени познатиот дизајн на топката за фудбалското натпреварување Лигата на шампионите. Новата топка ќе биде со повеќе бои. Во производството на топката се користени материјали и технологии кои беа користени во производството на топката за Светското првенство 2018. Новата топка на Лигата на шампионите 2019/2020 ќе биде достапна за продажба во август и ќе чини 150 евра.

Видео: Еве зошто е ризично да седите зад голот- по ова видео ниту една жена нема да отиде на фудбалски меч

Дарко Андоновски — Mon, 17 Dec 2018 09:52:34 +0000

Првите редови на стадионите се одлична позиција да бидете блиску до фудбалерите, но подобро е да се избегнуваат тие зад голот. Ако не верувате, тогаш погледнете што и се случи на оваа госпоѓа… следниот пат сигурно ќе внимава каде ќе седи.