фудбалски куп на македонија – Kurir.mk

Финалето на фудбалскиот Куп ќе се одигра на “Тодор Проевски” во Скопје

Бошко Тасиќ — Fri, 23 Apr 2021 18:14:37 +0000

Фудбалската федерација на Македонија ги одреди терените на кои ќе се играат финалињата во Купот на Македонија во сите конкуренции. Академија Пандев и Силекс ќе се борат за Куп-трофејот кај сениорите, а финалето е закажано на 19 мај на Националната арена „Тодор Проески“. Сите финални натпревари во младинските категории се закажани во периодот од 25 до 27 мај, а ќе се играат на тренинг-центарот „Петар Милошевски“ при ФФМ. - Куп на Македонија (помлади пионери), 25 мај Т.Ц. „Петар Милошевски“, Скопје - Куп на Македонија (пионери), 25 мај Т.Ц. „Петар Милошевски“, Скопје; - Куп на Македонија (кадети), 25 мај Т.Ц. „Петар Милошевски“, Скопје; - Куп на Македонија (младинци), 25 мај Т.Ц. „Петар Милошевски“, Скопје; Академија Пандев е последниот освојувач на Купот на Македонија. „Пандевци“ до својот прв трофеј откако се во елитата дојдоа во 2019 година откако во финалето славеа над Македонија ЃП.

Силекс противник на Академија Пандев во финалето на Купот на Македонија

Дарко Андоновски — Wed, 07 Apr 2021 14:01:23 +0000

Фудбалерите на Силекс ќе играат во финалето на Куп на Македонија, откако попладнево во полуфиналето ја совлада Струга Трим Лум со 1:0. Стрелец на победничкиот гол за гостинскиот тим беше Ристе Каракамишев во 81. минута. За Силекс ова е четврто куп-финале, Струга остана без својот прв пласман во завршницата. Противникот на кратовски Силекс во мечот за трофејот на 19-ти мај ќе биде струмичка Академија Пандев, која вчера на гостински терен ја совлада Македонија ЃП со 3:1.

Академија Пандев со денешната победа си обезбеди место во финалето на фудбалскиот Куп на Македонија

Магдалена Андонова — Tue, 06 Apr 2021 13:24:32 +0000

Академија Пандев ќе игра во финалето на фудбалскиот Куп на Македонија, откако попладнево во полуфиналето ја совлада Македонија ЃП со 3:1. Стрелци на головите за победничкиот тим беа Бесник Ферати и Марјан Радевски (два од пенал). Изет Ајрулаху го постигна единствениот гол за домашната екипа. Двете екипи натпреварот го завршија со по десет фудбалери поради црвените картони на Ферати 45. минута и Томе Китановски 60. минута. Противникот на струмичани во мечот за трофејот ќе биде познат утре по одигрување на дуелот Струга Трим Лум – Силекс. (МИА)