фудбалски куп – Kurir.mk

Извлечени двојките за воведното коло во македонскиот фудбалски Куп

Тале Кристо — Tue, 29 Aug 2023 17:07:12 +0000

Фудбалската федерација на Македонија (ФФМ) попладнево со жрепка ги одреди двојките за шеснаесетфиналето во националниот куп. Бранителот на трофејот Македонија ЃП, како и ланските полуфиналисти и финалисти – Струга Трим Лум, Шкендија и Силекс, натпреварите ќе ги почнат од осминафиналето. КУП на Македонија, 1/16 финале: Јанг Тим – Победа Новаци 2005 – Брегалница Башкими 1947 – Скопје Аресими 1973 – Тиквеш 1930 Кожуф Гевгелија – БРЕРА Струмица Карбинци – Воска Спорт ГФК Охрид – Детонит Плачковица Беласица – Гостивар БФК Коњаре – Шкупи 1927 Беса 1976 – Вардар Тетекс 1953 – Работнички Влазерими 1977 – Пелистер. Натпреварите се закажани за 20 септември од 15 часот, а во случај на нерешен резултат патникот во осминафиналето ќе го одлучи подоброто изведување пенали.

Финалето на шпанскиот фудбалски куп, сепак, без навивачи

Ивана Ефремовски — Thu, 18 Mar 2021 16:23:06 +0000

Финалниот натпревар од минатогодишното издание на шпанскиот фудбалски куп меѓу баскиските ривали Атлетик Билбао и Реал Сосиедад, што поради пандемијата на коронавирус беше одложен за годинава, ќе се одигра на 3 април во Севиља пред празни трибини, соопшти денеска официјално Фудбалската федерација на Шпанија (RFEF). Одлуката на шпанските фудбалски власти доаѓа ден откако радиото „Cadena SER“ објави дека финалето ќе се игра во присуство на 15.000 гледачи на стадионот „Ла Картуха“ со капацитет од 60.000 седишта. -Моменталната епидемиолошка состојба и ограничувањата кои се на сила, односно затворените граници на покраината Андалузија, значат дека навивачите на двата финалисти, кои не живеат во тоа подрачје нема да можат да дојдат на натпреварот. Поради тоа, во согласност со Министерството за здравство, донесовме одлука натпреварот да се игра без публика, соопшти RFEF. (МИА)

Извлечени двојките за 1/16 финалето од фудбалскиот Куп на Македонија

Магдалена Андонова — Tue, 15 Sep 2020 11:35:50 +0000

Во седиштето на ФФМ, денес беа извлечени двојките за првите натпревари од Купот на Македонија за натпреварувачката сезона 2020/21. Полуфиналистите од ланското издание Шкендија, Академија Пандев, Брегалница и Струга Трим Лум ќе ја прескокнат првата рунда, а полудиригирана жрепка ги даде следните парови: Кит-Го – Скопје Победа – Македонија Ѓ.П. Љуботен – Пелистер Слога Виница – Шкупи Вардар Форино – Вардар Велешта – Кожуф Росоман – Беласица Охрид – Ренова Лабуништа Тетекс – Силекс Каменица Саса – Борец Гостивар – Тиквеш Влазерими – Работнички Оваа сезона во секоја фаза ќе се игра по еден натпревар, а при нерешен резултат директно ќе се изведуваат пенали. Натпреварите од првата рунда ќе се одиграат на 23 септември од 15.30 часот. Осминафиналните дуели ќе се одиграат на 21 октомври, а четвртфиналните пресметки на 25 ноември. Полуфиналето ќе се игра на 7 април, а мечот за трофејот на 19 мај.