фудбалски меч – Kurir.mk

Второ одложување викендов во Ла Лига, мечот Елче – Хетафе поместен за понеделник

Магдалена Андонова — Sat, 09 Jan 2021 15:49:43 +0000

Натпреварот меѓу Елче и Хетафе што беше закажан за в недела е поместен за еден ден поради снежното невреме што зафати делови на Шпанија, соопшти попладнево раководството на Ла Лига. Новиот термин за одигрување на натпреварот во рамки од 18. коло во шпанското првенство е понеделник, од 19 часот. Мечот е поместен за 24 часа со цел екипата на Хетафе да може навреме да стигне во Елче, на југоистокот на Шпанија, каде временските услови засега се поволни. Аеродромот во Мадрид од ноќта меѓу петокот и сабота е затворен и екипата од главниот град ќе треба да мине повеќе од 400 километри со автобус до Елче. Претходно, поради снежната бура Филомена одложен беше денешниот натпревар меѓу Атлетико Мадрид и Атлетик Билбао. (МИА)

ВИДЕО: Земјотресот во Скопје забележан во преносот на мечот Работнички-Пелистер

Дарко Андоновски — Thu, 03 Dec 2020 08:10:25 +0000

Вчера попладне во Скопје се почувствува земјотрес и тоа во моментите кога на стадионот на Работнички домаќинот играше со Пелистер. Во моментите кога земјотресот се случи можеше да се забележи на ТВ преносот кога камерата се затресе. Видео од тој момент објави „ТВ 21“.

Со малку пари може да добиете многу: Луд е коефициентот за Шкендија да го победи Тотенхем!

Дарко Андоновски — Thu, 24 Sep 2020 14:28:51 +0000

Како се доближува времето за почеток на мечот меѓу Шкендија и Тотенхем, така и се намалуваат шансите на тетовци дека може да направат чудо. Ако вчера, коефициентот за победа на Шкендија беше 17, сега тој е речиси двојно поголем, пишува Спортманија. Ако верувате дека Шкендија може да го победи Тотенхем, коефициентот за „кец“ е дури 30. Тоа значи дека за 100 вложени денари, евентуалната добивка ќе ви биде 3000 денари, односно речиси 50 евра. Овој коефициент е одлична можност за сите фанови на Шкендија да имаат дополнителна причина да навиваат за триумф на македонскиот претставник. Тотенхем во Скопје допатува со најсилен тим, а во последниот меч што лондончани го одиграа, победија со 5:2 на гости кај Саутемптон со што ја потврдија силата.

Од овие зборови фудбалскиот свет остана во неверување: Тренерот кој доби отказ после победа од 27:0, не гледа вина кај себе

Дарко Андоновски — Mon, 18 Nov 2019 18:17:42 +0000

Веста дека тренерот на италијанскиот младински фудбалски тим Инвиктисауро, бил избркан после победа од 27:0, ги изненади сите до кои дојде информацијата. Тренерот Масимилијано Ричини, вели дека според него резултатот не е во спротивност со вредностите на младинскиот фудбал. -Што требаше да направам? Да барам од моите играчи да му попуштат на противникот и да му дозволат да ни даде гол? Ќе беше поголема срамота ако само си додававме и ја чувавме топката. На полувреме го прашав тренерот на Марина Калчо дали сака да го прекинеме мечот. Тој ме замоли да продолжиме, изјави Ричини, кој верува оти родителите ќе го убедат претседателот да ја повлече одлуката.

Хаос на фудбалски меч- се степале двете екипи, тројца фудбалери завршиле во болница

Дарко Андоновски — Mon, 21 Oct 2019 13:34:06 +0000

На 20.10.2019 во 15.40 часот во Полициската станица Кисела Вода, Д.К., делегат на фудбалскиот натпревар на игралиштето кај „Цементара“ помеѓу екипите на ФК Кул Здравје од Скопје и ФК Илинден од Скопје, пријавил дека во 35-тата минута од натпреварот бил нарушен јавниот ред и мир со физичка пресметка помеѓу играчите на двете екипи, по што натпреварот бил прекинат. На играчите од гостинската екипа Н.Ѓ.(23) од населба Бутел, Ј.Ц.(24) од населба Илинден и А.М.(34) од населба Илинден им била укажана лекарска помош во комплексот клиники „Мајка Тереза“. Се преземаат мерки за расчистување на случајот, информираат од МВР.

Хаос на фудбалски меч во Третата македонска лига, во полициска станица завршил и – градоначалникот!

Дарко Андоновски — Sun, 08 Sep 2019 19:29:28 +0000

На фудбалскиот натпревар помеѓу Волино и Црнобуки одигран во Општина Дебарца во рамки на Третата македонска фудбалска лига се случил инцидент со навивачите на домашниот тим.

Полицијата реагирала пред да заврши натпреварот и уапсила неколку навивачи на Волино, односно жители на ова село. При обидот приведените да бидат спроведени во полициската станица во Охрид, жители на селото Волино поставиле барикади при излезот, по што полициското возило не можело да го напушти селото, јавува „Охридскај“. Реагирал Градоначалникот на Општина Дебарца, Зоран Ногачески, кој за да ги смири страстите и да ги увери жителите на Волино дека нема ништо да им се случи на приведените, влегол во полициското возило и заедно со нив бил спроведен во станица. Жителите на Волино веднаш со блокадите се префрлиле пред полициската станица во Охрид. Од безбедносни причини сите патишта кон полициската станица моментално се блокирани. Од МВР го потврдуваат инцидентот и работат на решавање на случајот.

Црна мачка донесе баксуз на теренот и го прекина натпреварот меѓу Евертон и Вулверхемптон (ВИДЕО)

Дарко Андоновски — Sat, 02 Feb 2019 17:50:23 +0000

Несекојдневна ситуација се случи во Ливерпул на мечот меѓу Евертон и Вулверхемптон, откако една црна мачка влезе во теренот, па средбата мораше да биде во прекин дури две минути. Инцидентот се случи во 68. минута, а редарите имаа потешкотии да ја фатат мачката, која се шеташе буквално низ целиот фудбалски терен, па на крајот реши сама да избега од стадионот.

Изнајмиле стриптизета да го збунат противникот, па изгубиле 6:2- откриено зошто голата девојка им мешаше на фудбалерите (ВИДЕО)

Дарко Андоновски — Thu, 08 Nov 2018 16:48:01 +0000

Неверојатна сцена го обележала мечот на холадската трета лига помеѓу Ријунсбург и АФЦ Амстердам (2:6), а сега е откриено зошто секси русокоса истрчала на терен. Навивачка го украде шоуто на фудбалерите од двата тима. Заносната русокоса целосно гола истрча на терен и почна да трча. Застанала кај еден фудбалер и почнала да му се „додворува“. Шокираниот играч не знаел што го снашло. Неколку денови подоцна, кога впечатоците спаднале, во јавноста излегла вест која е всушност заносната девојка и зошто истрчала на теренот. Станува збор за стриптизета која ја изнајмиле играчите на Рингзбурс Бојс за да ги збунат играчите на АФЏ Амстердам. Меѓутоа, овој обид имал контра ефект со оглед на тоа дека домаќините изгубиле со резултат 6:2.