фудбалски натпревар – Kurir.mk

Утре посебен сообраќаен режим за натпреварот Македонија-Италија

Ивона Петрова — Fri, 08 Sep 2023 12:20:20 +0000

Секторот за внатрешни работи Скопје, односно Единицата за безбедност на патниот сообраќај на 09.09.2023 (сабота), поради меѓународниот фудбалски натпревар помеѓу репрезентациите на Македонија и Италија, ќе преземе мерки за посебен режим на сообраќај за безбедно и непречено одвивање на сообраќајот. Од тие причини, сообраќајот по сообраќајниците околу националната арена „Тодор Проески“ во Скопје ќе се одвива со посебен режим. МВР апелира до сите граѓаните да ги почитуваат наредбите што ги издаваат полициските службеници по сообраќајниците опфатени со посебниот режим на сообраќај.

ВИДЕО: Пред 29 години Македонија славеше над Словенија во првиот домашен меч во историјата

Ивона Петрова — Thu, 23 Mar 2023 06:38:20 +0000

Пред точно 29 години македонската фудбалска репрезентација го одигра првиот официјален меѓународен натпревар на домашен терен. На „Градски“ во Скопје ни гостуваше Словенија во реванш на пријателскиот натпревар одигран во Крањ кој всушност беше првиот историски на нашата репрезентација. Со головите на Серафимовски и убавиот волеј на Бошковски македонската репрезентација предводена од селекторот Андон Дончевски забележа втора победа во вториот натпревар над Словенија. За Македонија настапија: Кире Трајчев (гк); Зоран Јовановски (22' Кире Грозданов, 76' Светозар Станковски), Митко Стојковски, Драги Канатларовски (к), Бошко Ѓуровски, Љупчо Марковски, Жарко Серафимовски (46' Борислав Тоовски), Горан Георгиевски, Зоран Бошковски, Неџмедин Мемеди, Тони Мицевски. На клупата беа уште и Зоран Мицевски (гк) и Марјан Стојковски.

Тиранската полиција со посебен план мерки за пријателскиот натпревар Албанија-Италија

Катерина Бојаџиева — Wed, 16 Nov 2022 12:56:04 +0000

Полицијата на Тирана презеде план мерки за одржување на редот и безбедноста, пред, за време и по пријателскиот фудбалски натпревар меѓу Албанија и Италија. Натпреварот се игра денеска со почеток од 20:45 часот на стадионот „Ер Албанија“. Од полицијата информираат дека од 18:00 часот до завршување на активноста, ќе има блокирања на повеќе патни сегменти. Во согласност со планот на мерки, навивачите пред да влезат во стадионот ќе бидат проверени за недозволени предмети (како оружје, тврди предмети, шишиња со вода, чадори, метални клучеви, пиротехнички средства и сл.). – Секој навивач мора да носи со себе документ за идентификација. На стадионот нема да им биде дозволен влез на лица без документи за идентификација, како и деца помлади од 16 години, без придружба на родител или старател, информира полицијата. Исто така, во стадионот нема да им биде дозволен влез на навивачите кои полицијата ги идентификувала како проблематични во претходни спортски активности.

Тепачка во сала по фудбалски натпревар во Куманово: Почнале екипите, се вклучила и публиката

Катерина Бојаџиева — Wed, 02 Nov 2022 17:05:36 +0000

На 01.11.2022 во Полициската станица Куманово бил извршен службен разговор со 11 лица од општина Липково во врска со физичка пресметка што се случила околу 13.15 часот во спортска сала на средно општинско училиште „Перо Наков“ во Куманово по завршување на фудбалски натпревар помеѓу ученици од две средни училишта од општина Липково и општина Куманово. Според пријавеното, физичката пресметка започнала по завршување на натпреварот помеѓу членови на двете екипи, по што се вклучиле и повеќе лица од публиката. СВР Куманово презема мерки за расчистување на случајот, по што ќе биде поднесена соодветна пријава.

Англија и Шкотска следната година одбележуваат 150 години од првиот фудбалски натпревар

Катерина Бојаџиева — Wed, 02 Nov 2022 14:25:00 +0000

Фудбалските репрезентации на Англија и Шкотска ќе одиграат идниот септември пријателски натпревар со кој ќе одбележат 150 години од првиот меѓународен дуел во историјата на светскиот фудбал. Англија и Шкотска го одиграа првиот меѓусебен натпревар на 30 ноември 1872 година, но, поради згуснатиот и календар сезонава и совпаѓањето на 150- годишнината со Светското првенство во Катар, одбележувањето на јубилејот е поместено за 2023 година. Англија и Шкотска досега одиграле 115 меѓусебни натпревари, од кои последниот во рамки на групната фаза на ЕУРО2020. Досега Англија има 48 победи, Шкотска 41, а 26 натпревари меѓу двете земји завршиле нерешено.

На Ивановска не и е јасно зошто Тупанчевски е шокиран од тоа дека треба да каже кој ги платил трошоците за патувањето во Палермо

Дарко Андоновски — Tue, 29 Mar 2022 10:44:23 +0000

На претседателката на Антикорупциската комисија, Билјана Ивановска, не и е јасно зошто министерот за правда Никола Тупанчески беше шокиран од посочувањето сам да каже кој ги платил трошоците за неговото патување во Палермо, Италија. Таа во изјава за „А1он“ вели дека ДКСК веќе ги разгледува сите правни акти за да се види дали Тупанчески, обвинителката Фатиме Фетаи и судскиот претседател Лазар Нанев постапиле согласно нив. Ивановска ги повика и институциите да ги проверат етичките кодекси и да утврдат дали има нивни прекршувања. „Јас не знам зошто се шокира, бидејќи Законот за спречување корупција и судир на интереси нас ни дозволува да поставуваме прашања кои што се поврзани со начелото на интегритет на службените лица, кое меѓудругото опфаќа етички норми, одговорно и транспарентно работење и однесување, потенцијален судир на интереси. Ние дадовме одговор на новинарско прашање кое гласеше: ‘дали е во ред тие да патуваат бесплатно’; ние рековме: сами нека си кажат кој ги подморил патните трошоци. Јас не можам да зборувам во име на министерот кој го платил патот или во име на обвинителката. Секој треба сам да си каже. Тоа беше нашата порака. Дека ние не можеме во друго име да даваме одговори“, вели Ивановска за „А1он“. Според неа, Владата на РСМ, Републичкиот судски совет, Советот на јавни обвинители треба сами да утврдат дали се прекршени начела во рамките на нивните институции. Целиот текст прочитајтего ТУКА.

На Англичаните може да им биде забрането да присуствуваат на фудбалски натпревари

Ивона Петрова — Sun, 26 Dec 2021 18:38:13 +0000

Британската министерка за внатрешни работи Прити Пател предложи закон според кој за расистички навреди на Интернет на лице може да му биде забрането да присуствува на фудбалски натпревари до 10 години. – Ова лето видовме одличен натпревар кој беше нарушен со расистички говор на Интернет. Овие луѓе се криеја зад нивните тастатури и ги навредуваа играчите на Англија. Фудбалот предолго е извалкан со расизам. Луѓето треба да одговараат за своите постапки на Интернет. Предложените измени во законот ќе воведат забрана за присуство на фудбалски натпревари за прекршителите, рече Пател за „Sky Sports“. Претходно, Фудбалската асоцијација на Англија (ФА) се пожали на расистички навреди кон англиските фудбалери по финалниот натпревар на Евро 2020 против репрезентацијата на Италија (1:1, 2:3 пенали). По натпреварот, навивачите ги навредуваа Маркус Рашфорд, Џејдон Санчо и Букајо Сака, кои промашија пенали.

ЌЕ СЕ ПАМЕТИ: 28 години од првиот натпревар на фудбалската репрезентација како независна Македонија, Словенија падна со 4:1 (ВИДЕО)

Ивона Петрова — Wed, 13 Oct 2021 06:51:28 +0000

Македонската фудбалска репрезентација на денешен ден (13 октомври 1993 година) во Крањ, Словенија го одигра првиот официјален пријателски натпревар, откако нашата држава стана самостојна, суверена и независна. Македонија славеше победа над Словенија со 4:1. Пред 28 години на денешен ден започна историјата на нашата фудбалска репрезентација. Зоран Бошковски - Чоко беше стрелец на првиот гол. Tој и неговиот гол, влегоа во историјата на оваа држава. ДОНЧО, ПАНЧЕВ, ЧОКО, ЦАПАР, ЧЕДЕ, ИЛИЈА...Македонија е самостојна држава од 1991 година, но две години подоцна доби шанса од ФИФА и УЕФА да настапува како посебна репрезентација. Тогашниот Фудбалски Сојуз на Македонија, сега ФФМ, се одлучи првиот меч да се одигра во Крањ, на гости во Словенија и тоа на 13 октомври 1993 година. Селекторот Андон Дончевски имаше силен состав, тука беа Дарко Панчев, потоа Зоран Бошковски - Чоко, Драган Канатларовски - Цапар, Чеде Јаневски, Илија Најдоски и другите. Тогаш таа Словенија беше лесен залак, Македонија славеше победа со 4:1. Тој 13 октомври во Крањ со златни букви ќе биде запишан како датум на кој стартуваше нашата фудбалска репрезентативна историја. И веќе во 3. минута гол, водство. По додавањето на Дарко Панчев, Чоко Бошковски уште во 3. минута постигна гол, првиот за Македонија. На радоста и немаше крај. Следуваа головите на Панчев (37.минута), Чеде Јаневски (48.минута) и на Драган Канатларовски (51.минута) за голема победа од 4:1. Почесниот гол за домашните беше дело на Пате (40.минута). Дончевски на тој натпревар им даде шанса на следните момци: Зоран Мицевски, Кире Грозданов (63. Неџмедин Мемеди), Зоран Јовановски, Драган Канатларовски, Илија Најдоски, Чеде Јаневски, Зоран Бошковски (86. Ванчо Мицевски),Љупчо Марковски, Дарко Панчев, Бобан Бабунски (12.Горан Георгиевски, 73. Саше Милошевски), Тони Мицевски. ДЕЛЕГАЦИЈА ОД 45 ЧЛЕНОВИ Како за прв натпревар нашата делегација во Крањ и не била така бројна. Околу 45 фудбалери, тренери на чело со чичко Дончо, потоа доктори, претставници и функционери на Фудбалскииот Сојуз, потоа гости, познати фаци и бизнисмени, но и седумммина новинари. Од МТВ, од Македонско радио и од печатените медиуми.

ВАКВО ДЕЛЕЊЕ НА ПРАВДА НЕ СТЕ ВИДЕЛЕ: Судија со пиштол во рака на фудбалски натпревар (ВИДЕО)

Тале Кристо — Thu, 19 Aug 2021 14:34:07 +0000

Главната вест поврзана со насилството на спортските терени доаѓа од Хондурас, откако во малиот град Копан судија го привлече вниманието со неговата одлука која не е спортска. Навивачите биле бесни поради одлуката на судијата, а дури и некои играчи имале што да му кажат. Ситуацијата можела да ескалира, но тогаш судијата извлекол тајно оружје. Со пиштол во рака судијата почнал мирно да шета по теренот, стискајќи го во десната рака силно пиштолот.

😳 A referee pulled a gun to defend himself from a mob in a small town in Copan, Honduras.

All this after fans and players were not happy with some of his decisions during the game. pic.twitter.com/YJcisnjD1w
— beIN SPORTS USA (@beINSPORTSUSA) August 18, 2021

ВИДЕО: Снема струја во најлош момент, фудбалер не знае дали погоди пенал или не

Магдалена Андонова — Sat, 05 Dec 2020 11:37:51 +0000

Досега невиден момент доаѓа од фудбалски натпревар на Малта. Се играше 62. минута од мечот меѓу Ст. Ендрјус и Марса кога целиот остров остана без струја. Мечот беше одложен, а федерацијата најави дека истиот ќе биде доигран од минутата кога беше прекинат. Меѓутоа постои една дилема на која сè уште нема одговор. Гостите шутираа пенал и додека топката патуваше кон домашната мрежа, настана тотален мрак. Останува да се види дали пеналот одново ќе биде изведен или ќе биде донесена друга одлука.

A national powercut happened in Malta last night. Talk about the biggest cliffhanger in football history...#Malta #Penalty #30novembre pic.twitter.com/dobNUBgwPj
— Lorenzo Carbone (@LolloCarbone) November 30, 2020

Извор: ГОЛ.МК