фудбалско игралиште – Kurir.mk

Фудбалското игралиште во ООУ „Киро Глигоров“ нема да се дава под закуп

Ивана Ефремовски — Mon, 30 May 2022 12:35:23 +0000

Фудбалското игралиште во училишниот двор на ООУ „Киро Глигоров“, кое училиштето со договор го отстапи на користење на приватна компанија, ќе остане во постојната состојба и нема да се дава под закуп. Овој заклучок произлезе од денешната средба помеѓу градоначалникот на Општина Центар, Горан Герасимовски и претставниците на компанијата која го имаше склучено договорот за отстапување на користење на игралиштето. Иако постапката за отстапување на фудбалското игралиште од страна на училиштето е целосно законска и преземени се сите неопходни чекори за склучување на договорот, игралиштето нема да се дава под закуп. „По одржаните состаноци и во консултација со органите на училиштето и закупецот на просторот, заеднички одлучивме игралиштето да го задржиме во постојната состојба, односно да се раскине договорот и да биде отворено цело време за да може децата слободно да го користат“, изјави градоначалникот Герасимовски. Мојата идеја, изјави Герасимовски, е да помогнеме и да најдеме решение за состојбите со зголемените режиски трошоци, но сепак примарен интерес е да овозможиме среќно детство и непречено користење на игралиштето на децата кои посетуваат настава во најубавото училиште во државата, гордоста на Општина Центар - ООУ „Киро Глигоров“. (МИА)

Пецаков: Се реконструира фудбалското игралиште во ЈП „Билјанини извори“

Тале Кристо — Wed, 27 Apr 2022 14:08:29 +0000

Деновиве се започна со реконструкција на долгогодишното запоставено северно фудбалско игралиште и на истото се планира во наредните три недели да се завршат градежно-санациони активности како дел од првата фаза за комплетно уредување и адаптирање на игралиштето за потребите на многубројните фубалски школи и фудбалски клубови. Во првата фаза ќе се изврши нивелација на игралиштето, аерификација, засадување на трева и дополнително заградување на фудбалскиот терен, објави на социјалната мрежа на Фејсбук градоначалникот на Охрид Кирил Пецаков.

Донев: Изградивме едно од најдобрите фудбалски игралишта со вештачка трева согласно сите стандарди на УЕФА, за вие снегот на теренот да го чистите со багер!

Магдалена Андонова — Sat, 16 Jan 2021 14:42:58 +0000

„Го изградивме едно од најдобрите фудбалски игралишта во регионот со вештачка трева согласно сите стандарди на УЕФА кое чинеше над 300.000 евра. Вие со багер влеговте да го чистите снегот! Срам да ви е! Ни знаење имате ни здрав разум!“ Фејсбук статус на Сашо Донев

Гром убил 10 деца додека играле фудбал: Се обиделе да побегнат од дождот, но направиле кобна грешка

Дарко Андоновски — Sat, 29 Aug 2020 09:27:42 +0000

Незапаметена трагедија се случила во Уганда кога гром убил 10 деца кои играле фудбал на отворен терен во градот Аруа. Покрај децата кои настрадале, уште 4 се повредени, пренесува „Гардијан“. Децата, кои биле на возраст помеѓу 9 и 16 години, се сокриле кога почнало да грми под импровизирано засолниште од слама. „Децата играле фудбал кога почнала бурата и грмотевиците“, навеле од полицијата и додале дека уште четири деца се повредени.

Lightning strike kills 10 children playing football in Uganda https://t.co/yeZLMP574o
— BBC News (World) (@BBCWorld) August 28, 2020

Во Уганда ударите од гром се појавуваат за време на сезонските дождови, а се случувало гром да удри и во училница со деца, особено во руралните средини, бидејќи објектите немаат громобран. Властите веќе извесен период апелираат училиштата да инсталираат громобрани, особено затоа што има игралишта и фудбалски терени во нивна непосредна близина.

Неактивирани рачни бомби пронајдени во близина на фудбалско игралиште во битолско

Ивона Петрова — Mon, 17 Aug 2020 09:44:45 +0000

На 16.08.2020 во 12.45 часот во СВР Битола било пријавено дека во близина на фудбалското игралиште во с.Долно Оризари, битолско, при изведување на градежни работи, биле пронајдени три неактивирани рачни бомби, кои потекнуваат од Првата светска војна, информираат од МВР. Бомбите биле безбедно подигнати од пиротехничар од Дирекцијата за заштита и спасување.