Околу 4.000 жители го напуштија подрачјето околу Фуего

Ивона Петрова — Mon, 19 Nov 2018 16:36:23 +0000

Околу 4.000 жители денеска го напуштија подрачјето околу вулканот Фуего во Гватемала, каде вжештени камења и пепел се креваа високо во воздухот и паѓаа на тлото на областа која беше опустошена при ерупцијата во јуни. Вулканолозите наведуваат дека експлозиите од планините високи 3.760 метри ги потресувале куќите со „константни звуци налик на железнички локомотиви“. Вулкански материјал се издигнува до 1.000 метри над кратерот и се спушта од 2,5 километри од бочната страна на вулканот. Стотици семејства од 10 општини ги послушаа повиците на властите за координација на природни непогоди да се евакуираат. Комисијата за природни непогоди рано изутринава соопшти дека биле евакуирани 3.925 лица. Во ерупцијата на вулканот во јуни загинаа 194 лица, а 234 се уште се сметаат за исчезнати. МИА

По ерупцијата на вулканот, Гватемала погодена од силен земјотрес – расте бројот на загинати

Ивона Петрова — Mon, 04 Jun 2018 20:00:25 +0000

Земјотрес со јачина од 5,2 степени по Рихтер е регистриран на брегот на Гватемала. Земјотресот следуваше само неколку часа по ерупцијата на вилканот Фуего, при што животот го загубија 62 лица, а над 1000 мораа да ги напуштат своите домови, јавува Ројтерс. Поради ерупцијата на вулканот евакуирани се 3.200 лица, соопштија официјални лица. Како што се наведува околу 300 се повредени. Вулканот Фуего, исфрла лава од 8 километри, како и дим и пепел. -Реката лава го преплави брегот и го погоди селото Ел Родео. Има повредени, изгорени и мртви, изјави генералниот секретар на Агенцијата за природни катастрофи Серџо Кабанас.

фуего – Kurir.mk

Околу 4.000 жители го напуштија подрачјето околу Фуего

По ерупцијата на вулканот, Гватемала погодена од силен земјотрес – расте бројот на загинати