фулам – Kurir.mk

Во последните десет минути од преодниот рок на Баерн Минхен му пропаднаа три трансфери

Бошко Тасиќ — Sun, 03 Sep 2023 06:08:41 +0000

Португалскиот играч Жоао Палиња за врска требаше да го напушти Фулам и да замине во Минхен, каде што му беа извршени лекарски прегледи и официјална фотосесија. После тоа немаше одговор од Фулам. Баерн ја чекаше потврдата на Фулам од Лондон, но таа не стигна, па Палхиња се врати во Англија. „Лудаци. Не го пуштија да излезе од Лондон. Пропадна трансферот на Палхиња во Баерн“, напиша новинарот Кери Хау. Баерн вчера се договори со португалскиот играч за врска, а Германците и Палхиња беа убедени дека Фулам ќе го одобри трансферот. После тоа, играчот набрзина отпатува за Минхен, но Англичаните имаа свои замисли. Според Трансфермаркт, Палхиња вреди 40 милиони евра, а во Фулам пристигна летото 2022 година од Спортинг за 20 милиони евра. Тој оваа сезона забележа три настапи за својот клуб. Дополнително, на Баерн му пропаднаа уште два трансфери во последните неколку минути од преодниот рок. Баварците сакаа да ги доведат Армел Бела Кочап од Саутемптон и Тревор Чалоба од Челзи. На крајот ниту еден од тие играчи не стигна до Баерн, што значи дека Томас Тухел остана без целната замена за Бенџамин Павард кој замина во Интер.

Траоре се сели во Фулам

Бошко Тасиќ — Sun, 13 Aug 2023 06:02:41 +0000

Шпанскиот фудбалски репрезентативец Адам Траоре кариерата ќе ја продолжи во Фулам, потврди премиерлигашот од Лондон. Напаѓачот на „Крејвен Котиџ“ се сели како слободен играч откако му истече договорот со Вулверхемптпон и ќе остане во следните две сезони. Траоре кој потекнува од младинската школа на Барселона од 2013 до 2015 година беше дел од првиот тим по што се пресели на „Островот“. Прво заигра за Астон Вила, потоа за Мидлсбро и Вулверхемптон.

Фулам ја прифати понудата за Митровиќ кој се сели во Саудиска Арабија

Бошко Тасиќ — Wed, 12 Jul 2023 16:44:11 +0000

Александар Митровиќ тргнува по стапките на Сергеј Милинковиќ Савиќ – српскиот фудбалер нема ништо против да се пресели во Саудиска Арабија. Како што јавува Скај Спорт, Фулам ја прифатил понудата од 30 милиони евра од Ал Хилал. – Извори блиски до играчот ни кажаа дека Митровиќ е подготвен да ја напушти Премиер лигата и да игра во Про лигата на Саудиска Арабија – се наведува во текстот на еден од најценетите и највлијателните англиски спортски медиуми. Ал Хилал веќе заврши се околу доведувањето на Митровиќ, кој се очекува во следните 24 часа да ги направи лекарските прегледи и официјално да биде промовиран. За него на Лацио му платени платени 40 милиони евра.

Манчестер Јунајтед го продава Фред за 20 милиони евра на Фулам

Бошко Тасиќ — Sun, 02 Jul 2023 06:52:57 +0000

Англискиот фудбалски гигант Манчестер јунајтед веќе од поодамна ја подготви трансфер-листата за продажба а на неа е Бразилецот Фред за кого „црвените ѓаволи“ бараат 20 милиони фунти. Според последните информации на „Атлетик“, прв во редот за ангажман на Фред застана лондонски Фулам, кој веќе наводно ќе почне преговори со „ѓаволите“ најмногу во делот за начинот на исплата на парите. Фред стана прекуброен кај Ерик Тен Хаг, особено откако за 60 милиони фунти Јунајтед го договори англискиот репрезентативец Мејсон Маунт како засилување за средината на теренот за новата сезона.

Фулам се засили со Вилијан

Тале Кристо — Thu, 01 Sep 2022 18:21:12 +0000

Поранешниот играч од средниот ред на Челзи и Арсенал, Вилијан потпиша договор со Фулам. Триесет и четиригодишниот фудбалер се обврза на едногодишна соработка со премиерлигашот од Лондон. Бразилецот се приклучи на англискиот тим како слобедн играч на трансфер Пазарот. Претходно, фудбалерот настапуваше во бразилското првенство за Коринтијанс. Вилијан е фудбалер од средниот ред кој има искуство во Премиер лигата. Беше дел од Челзи од 2014 до 2020 година, постигнувајќи 37 гола на 234 натпревари во Премиер лигата пред да помине една сезона со Арсенал постигнувајќи еден гол на 25 натпревари.

Фулам го враќа Вилијан

Бошко Тасиќ — Sat, 06 Aug 2022 11:20:30 +0000

Лондонски Фулам прави обид да го ангажира поранешниот играч на Челси и на Арсенал, Вилијан. 33-годишниот Бразилец моментно игра во својата татковина, во тимот на Коринтијанс. Тој имаше повреди и има само еден постигнат гол на 44 натпревари. Сепак, интерес за него има од англиските клубови затоа што остави одличен впечаток на Островот. Меѓу кандидатите за неговиот потпис е нововлезениот Фулам. Неговиот договор со Коринтијанс има ослободувачка клаузула во случај на понуда од Европа. Вилијан живеел во Лондон девет години и би сакал да се врати во Англија.

Арсенал го продаде Лено на Фулам

Бошко Тасиќ — Wed, 03 Aug 2022 07:33:33 +0000

Фулам повторно ќе игра во англиската Премиерлига, а овој пат ќе сака да го задржи местото во елитата и затоа почна да бара квалитетни засилувања. Лондонскиот тим доби големо засилување на голманската позиција, откако вчера за Фулам потпиша доскорешниот чувар на мрежата на Арсенал, Бернд Лено. Двата тима се договорија за цената на отштетата, а на крајот Фулам плати 9,5 милиони фунти, односно 3,5 милиони помалку од тоа што Арсенал бараше за негов трансфер.

Бернд Лено нов голман на Фулам

Ивона Петрова — Fri, 08 Jul 2022 12:02:04 +0000

Повремениот германски фудбалски репрезентативец Бернд Лено ќе биде нов голман на премиерлигашот Фулам, јавија денеска британските медиуми. Лено ќе му се приклучи на Фулам веднаш откако лондонскиот клуб ќе се договори со градскиот ривал Арсенал околу висината на обесштетувањето. Арсенал е подготвен да му дозволи трансфер на германскиот голман за сума од 12 милиони евра. Лено е член на Арсенал од 2018 година по трансфер вреден 25 милиони од Баер Леверкузен. Претходната сезона одигра само осум натпревари за „топчиите“, чии прв избор на голманската позиција е Арон Ремздејл.

Ливерпул го доби првото засилување за наредната сезона

Бошко Тасиќ — Tue, 24 May 2022 06:37:05 +0000

Португалскиот интернационалец 19-годишниот Рикардо Карваљо е првото засилување за Ливерпул за следната сезона. Тој доаѓа од екипата на Фулам, каде што во минатата сезона постигна 10 гола и имаше осум асистенции во 36 натпревари. Карваљо е роден во Лисабон, а го имаше своето деби за Португалија до 21 година во март оваа година, откако претходно го носеше дресот на Англија во помладите категории.

ТРАГЕДИЈА во Англија на меч во фудбалскиот Чемпионшип

Бошко Тасиќ — Sun, 30 Jan 2022 08:46:17 +0000

Страшна вест ни пристигнува од Англија од вчерашниот меч од англискиот Чемпионшип помеѓу Фулам и Блекпул, која доби фатален крај. Од Фулам објавија дека починал нивниот навивач Пол Периш, на кого вчера на трибините на „Крејвен Котиџ“ му се слоши, и лекарите 40 минути се обидуваа да го спасат, пред да биде однесен во болница. Периш кој долги години имал сезонски билети за домашните мечеви на Фулам, претрпел срцев удар и починал во болница, неколку часа откако му беше укажана прва помош на стадионот во Лондон. „Со неутешна тага информираме дека нашиот навивач Пол Периш почина. Изразуваме сочувство до семејството и пријателите на Пол“ – информираа од Фулам