фунта – Kurir.mk

Фунтата е на најниско ниво во последните 37 години

Ристе Здравков — Wed, 07 Sep 2022 19:06:13 +0000

Се намали вредноста на британската фунта и таа сега e на најниско ниво во однос на доларот од 1985 година. Намалувањето е поради стравувањата од рецесија и инфлација. Фунтата денеска загуби 0,96 отсто и падна на 1,1409 во однос на доларот, што е најниско ниво во последните 37 години. Вчера, во изјава пред Даунинг стрит, Трас вети дека ќе ја обнови економијата и ќе ја „надмине бурата што ја зафати земјата“, што е многу предизвикувачка работа, пренесува агенцијата АП. Oваа година беше драматична за лирата, но и за руската рубља. foto freepik.com/inkdrop

Пад на британската фунта поради новото ковид „затворање“

Дарко Андоновски — Mon, 21 Dec 2020 10:29:59 +0000

Фунтата денеска падна во однос на доларот и еврото, откако британската влада објави нови ограничувања за спречување на брзото ширење на новата варијанта на коронавирус, додека Франција, Германија и некои други земји дури и ги прекинаа транспортните врски со Велика Британија. Фунтата падна за скоро 2,0 проценти во однос на доларот на под 1,33 долари и 1,0 процент во однос на еврото, продлабочувајќи ги загубите забележани во текот на ноќта на азиското тргување. Италија, Холандија, Белгија, Израел и Канада исто така ги прекинаа сообраќајните врски со Велика Британија, вклучително и авиокомпаниите, откако премиерот Борис Џонсон во саботата изјави дека новата варијанта на вирусот доведе до скок на бројот на заразени. Владата ги заостри ограничувањата во Лондон и околните области, а исто така ги отфрли плановите за ублажување на рестриктивните мерки за време на Божикните празници. Новите мерки за ставање под контрола на инфекцијата доаѓаат пред денешното очекувано продолжување на преговорите меѓу Велика Британија и ЕУ за договор за слободна трговија по Брегзит, бидејќи остануваат само уште неколку дена до крајот на британскиот преоден рок на 31 декември.

Пад на британската фунта откако Меј го одложи гласањето за Брегзит

Ристе Здравков — Tue, 11 Dec 2018 10:08:01 +0000

Британската фунта од утрово се движи кон 20-месечниот минимум во однос на доларот, откако премиерката Тереза Меј го одложи гласањето за Договорот за Брегзит. Фунтата забележа пораст од 0,1 процент на 1,2574 долари откако во вчера забележа пад од 1,3 отсто односно 1,2507 долари, што е најниско ниво од април 2017 година. Индексот на доларот, со кој се мери движењето на американската во однос на шесте главни валути денеска забалежа пад на 97,092 поени откако вчера порасна за 0,75 проценти. За време на тргувањето во текот на ноќта индексот на доларот се намали на 96,364 поени, што е најниско ниво од 22 ноември. Еврото забележа раст во однос на доларот и изнесува 1,1365 долари, додека вчера се намали за 0,2 отсто. Вредноста на доларот се намали и во однос на јапонската валута за 0,25 проценти на 113,02 јени.

Пад на вредноста на фунтата и акциите на берзата по оставките во Британија

Ивона Петрова — Thu, 15 Nov 2018 11:22:45 +0000

Вредноста на фунтата утрово на Лондонската берза е намалена за повеќе од 1,0 отсто во однос на доларот и еврото, а цените на акциите се намалуваат по информациите за оставки на британски министри поради нацрт-договорот за Брегзит. Британската валута на многу волатилното тргување падна за еден процент во однос на доларот, на 1,2839 долари и за 1,3 отсто во однос на еврото, на 88,23 пени. Сепак, падот на фунтата помогна индексот на Лондонската берза ФТСЕ 100, која главно се однесува на извозниците, да зајакне за 0,3 отсто. Оставките во британската Влада се одразија и на цените на акциите и деловните сектори во Велика Британија, кои инаку се чувствителни на настаните околу Брегзит. Вредноста на акциите на градежните и малопродажните компании и домашните банки длабоко потона, при што индексот на Лондонската берза ФТСЕ 250 падна за 1,0 процент при рано тргување. МИА