TYGA на Fusion Festival во Скопје на 22 јуни

Дарко Андоновски — Tue, 14 Jun 2022 12:11:46 +0000

Денес во 11:00 ч. во хотел Парк се одржа прес конференција по повод овогодинешното издание на Fusion Festival каде како headliner ќе настапи глобалната мега звезда TYGA. На самата прес конференција беа изнесени сите детали околу и за фестивалот, со посебен акцент дека конечно во Македонија доаѓа актуелна супер звезда од светски ранг и дека со тоа е остварена желбата на десетици илјади фанови од целиот Балкан и пошироко. За потребите на фестивалот обезбедена е најдобрата аудио и видео опрема, поддржана со фантастични сценски ефекти. Покрај главниот headliner TYGA, на фестивалот ќе настапат и најдобрите македонски претставници на Hip Hop и Trap музиката, Irie Scratch, Dj Shorty P и Young Dadi, а фестивалот ќе го затвори со свој dj set одличниот Ampov. „Огромна е честа и задоволството да се биди на иста сцена со дефинитивно еден од најголемите и најактуелни светски мегазвезди. Од почетокот на мојата кариера песните на Tyga се обавезен дел од мојот сет, како еден од пионерите на современата Hip Hop и Trap музика со безброј хитови и награди“, вели Irie Scratch. Фестивалот Fusion Festival инаку ќе се одржи на 22.06.2022 на стадион АРМ - Скопје.

9 МАЈ – ден резервиран за Fusion Festival!

Тале Кристо — Thu, 07 May 2020 16:44:39 +0000

Во услови кога целиот свет е во „карантин” и љубителите на добрата музика се приморани да седат дома и да ги почитуваат препораките на стручните лица, Fusion Festival има одлични вести - незаборавна журка со најдобрите македонски диџеи! Заокружете го датумот – на 9 мај, со почеток во 20 часот од СЦ „Борис Трајковски“ ќе прозвучат најдобрите македонски диџеј имиња. Фестивалот ќе биде продуциран и организиран на истото ниво како во салата да има публика. Организаторот Спектаклум истакнува дека идејата е сите оние што ќе го следат Fusion Festival на социјалните мрежи, да имаат чувство како да се на самата журка и дека ништо нема да недостасува од технички аспект. На сцената ќе настапат Ампов, Галоски, Гоце САФ, Дуоз, Ицко & Лефонк (Djs Corner Showcase), а специјален гостин од Њујорк ќе биде Деан Мицкоски. Фестивалот ќе може да се проследи на Youtube и Twitch каналите на фестивалот, како и на нивната официјална Facebook страница. Не заборавајте – 9 мај, 20 часот, Fusion Festival! Подгответе се! Време е за вистинска забава во карантински услови! https://instagram.com/fusionfestival1?igshid=1sc7qwvhuwizo

Fusion Festival – Kurir.mk

TYGA на Fusion Festival во Скопје на 22 јуни

9 МАЈ – ден резервиран за Fusion Festival!