футсал – Kurir.mk

Македонските футсалци со пораз ги почнаа мундијалските квалификации

Ивана Ефремовски — Fri, 07 Oct 2022 17:07:28 +0000

Македонската футсал репрезентација загуби вечерва на гостувањето во Шведска со 5-2 (1-1) во премиерниот натпревар во квалификациите за пласман на Светското првенство 2024. Избраниците на селекторот Васил Скендеровски поведоа на гостувањето во Алсингас по само 65 секунди игра преку Петровиќ, а домаќините израмнија до крајот на полувремето со голот на Смајловиќ (17 минута). Шведска дојде до резултатски пресврт во продолжението преку тројниот стрелец Гаши (27, 34, 39) и Наџафи (32), додека Мицевски беше стрелец на вториот гол за Македонија во 29 минута. Идниот четврток во Скопје противник на македонската репрезентација ќе биде Италија, по што двата реванш натпревари се закажани за март идната година. Директен пласман во следната, елитна, фаза од мундијалските квалификации ќе обезбедат победниците на 12 групи и четирите најдобро второпласирани репрезентации. Преостанатите осум второпласирани репрезентации ќе играат бараж во април идната година за преостанатите четири места во елитната рунда. (МИА)

Македонските футсалци ги стартуваат мундијалските квалификации

Ивона Петрова — Fri, 07 Oct 2022 08:18:25 +0000

Македонската футсал репрезентација денеска на гостински терен против Шведска ги почнува квалификациите за пласман на Светското првенство 2024 година. Воведниот натпревар во главната фаза од мундијалските квалификации избраниците на селекторот Васко Скендеровски ќе го играат во Алингасас со почеток во 17 часот. Идниот четврток во Скопје противник на македонската репрезентација ќе биде Италија, по што двата реванш натпревари се закажани за март идната година. Директен пласман во следната, елитна, фаза од мундијалските квалификации ќе обезбедат победниците на 12 групи и четирите најдобро второпласирани репрезентации. Преостанатите осум второпласирани репрезентации ќе играат бараж во април идната година за преостанатите четири места во елитната рунда.

Квалификации СП 2024: Македонските футсалци во група со Италија и Шведска

Ивона Петрова — Fri, 08 Jul 2022 07:53:29 +0000

Македонската футсал репрезентација ќе игра во групата 10. од главната фаза во квалификациите за пласман на Светското првенство 2024 заедно со селекциите на Италија и Шведска, одлучи жрепката во Нион. Европските репрезентации ќе се борат за седум места за јубилејното 10. СП во футсал, кое ќе се одржи во 2024 година, а домаќинот дополнително ќе биде одреден. Интерес за тоа изразија Иран, Индија, Мароко, Мексико, САД и Гватемала. Победниците во 12. квалификациски групи и четири најдобро второпласирани репрезентации ќе се пласираат во Елитната рунда, а преостанатите второпласирани репрезентации ќе играат дополнителни квалификации.

Футсал тимот на македонските вооружени сили петтопласиран на регионалниот „Куп за мир 2022“

Ивана Ефремовски — Fri, 24 Jun 2022 11:15:30 +0000

Екипата составена од припадници на македонските вооружени сили и Министерството за одбрана го освои петтото место на традиционалниот, 13. по ред, „CISM Футсал куп за мир“ што оваа седмица се одржа во Нови Сад. Инициран во 2009 година, проектот „CISM Футсал куп за мир“ ги вклучува футсал екипите составени од припадниц на вооружените сили на шесте поранешни југословенски републики и како средство за јакнење на мирот, толеранција и соработка, е препознаен од Меѓународниот совет за воени спортови (CISM) како активност од исклучително значење во програмата „CISM – спорт и мир“. Првото место на годинешниот турнир го освои воениот футсал тим на Србија, пред Босна и Херцеговина, Црна Гора, Словенија и Македонија. Признанијата во екипна и поединечна конкуренција на пригодна свеченост ги доделија бригадниот генерал во Армијата на Србија, Зоран Насковиќ и претставникот на Меѓународниот совет за воени спортови, полковник Ричард Емех. (МИА)

Португалија е шампион на Европа во футсал

Бошко Тасиќ — Sun, 06 Feb 2022 22:10:58 +0000

Футсакл репрезентацијата на Португалија по втор пат во историјата стана првак на Европа откако ја победи Русија со 4:2 сво финалето во „Зиго Дом“ на ЕУРО 2022 во Холандија. Русија водеше по првото полувреме со 2:1 но во вториот дел не одговори на предизвикот, па освојувачот на ЕУРО 2018, повторно дојде до златниот медал. Бронзата ја освои Шпанија која во дуелот за третото место ја совлада Украина со 4:1. Португалецот Зики Те, беше прогласен за играч на турнирот, на кој најефикасен е Оразов од Казахстан со седум голови.

Вистинска “магија” на Матеја Хорват на ЕП во футсал (ВИДЕО)

Бошко Тасиќ — Sat, 22 Jan 2022 09:36:11 +0000

Третиот натпреварувачки ден на УЕФА футсал Европското првенство кое се одржува во Холандија ни донесе нови два натпревари. Хрватска успеа да ја победи Полска со 3:1 и ги освои првите бодови во својата група, а многу веројатно е дека футсал ѕвездата на „коцкестите“ ќе биде главен кандидат за гол на турнирот. Матеја Хорват се погрижи за футсал „рабона“ и со истата донесе водство за својата репрезентација во првото полувреме, што се покажа како најава за победата од сигурни 3:1. https://twitter.com/i/status/1484662340326932483

Македонските футсалци со реми го почнаа двомечот со Црна Гора

Ивона Петрова — Thu, 16 Dec 2021 08:31:31 +0000

Македонската футсал репрезентација ремизираше 2:2 против Црна Гора на првиот контролен натпревар одигран синоќа во салата „Борис Трајковски“ во Скопје. Гостите поведоа со 1:0, а до крајот на првото полувреме избраниците на селекторот Васил Скендеровски не реализираа пенал за израмнување. Адријан Мицевски и Иван Крстевски донесоа пресврт во продолжението, а Црна Гора израмни на за конечните 2:2 во 32 минута. Двете селекции вечерва од 17: 30 часот ќе се соочат на вториот контролен натпревар во „Борис Трајковски“.

Македонската футсал репрезентација попладнево во Црна Гора го отвора квалификацискиот турнир

Магдалена Андонова — Tue, 02 Nov 2021 13:13:54 +0000

Македонската футсал репрезентација до 19 години попладнево од 17 часот против Црна Гора го отвора квалификацискиот турнир во Гибралтар за пласман на Европското првенство 2022. Пред избраниците на селекторот Зоран Лекиќ е императивот да не загубат против Црна Гора, која вчера го совлада домаќинот Гибралтар со 6-3 и со евентуална втора победа ќе го завери првото место во групата Б од прелиминарната фаза. Пласман во елитната рунда од евроквалификациите ќе обезбеди само првопласираната репрезентација, која квалификациите ќе ги продолжи во март идната година во група со Холандија, Италија и домаќинот Турција. Европското првенство во футсал до 19 години, второ по ред, ќе се одржи во септември 2022 година во шпанскиот град Хаен. (МИА)

Рикардињо и Португалија со мундијалско злато, Аргентинец исклучен поради удар на големата ѕвезда (Видео)

Ристе Здравков — Mon, 04 Oct 2021 07:17:00 +0000

Португалската футсал репрезентација стана светски шампион со победата во финалето над Аргентина, а повторно најзаслужен за овој успех е неверојатниот Рикардињо. Тој веќе ги комплетираше најголемите успеси на клупски и репрезентативен план со триумфот на овој мундијал, на кој повторно ги излудуваше противниците со своите потези. Во финалето, Рикардињо постојано бил цел на некоректни потези на противничките играчи, а еден од нив заработи и црвен картон поради намерен удар на најголемата ѕвезда на овој спорт.

Esta jugada perseguirá a Borruto de por vida. Dar un puñetazo a un rival (Ricardinho) en la final de un Mundial con vídeo arbitraje supone no tener ningún tipo de autocontrol del juego ni dominio de un partido. Portugal marca justo cuando entraba Basile...pic.twitter.com/41QzDYLciS
— Gustavo Muñana (@gustavomunana) October 3, 2021

Гевгелија ќе биде домаќин на УЕФА футсал лигата на шампиони

Ивона Петрова — Fri, 30 Jul 2021 10:10:09 +0000

Гевгелија ќе биде организатор и домаќин на натпреварите од „А“групата во прелиминарната рунда од УЕФА футсал лигата на шампиони во која македонскиот претставник, КМФ Проект од Јосифово ќе ги пречека своите противници кои ќе пристигнат од Израел, Малта и Велс. Средбите од „А“ групата во Гевгелија ќе се одиграат од 21 до 24 август, кога во интервал од три дена ќе се одиграат вкупно шест натпревари или по два секој ден. Љубителите на спортот и футсалот од гевгелиско-валандовскиот регион ќе можат да бидат дел од несекојдневниот настан на еминентното натпреварување на УЕФА за кои важат и се применуваат строги здравствени протоколи поради здравствената криза предизвикана од Ковид-19. Според се уште важечките протоколи, трибините во спортската сала во Гевгелија може да бидат пополнети само со 30 отсто од капацитетот што значи дека на натпреварите ќе присуствуваат по 500 гледачи.